يا جماعه انا عملت مجموعه اجتماعيه بنفس الاسم ومتحمسه جدا للموضوع يا ريت كلنا نتشرك ونقطف من بساتين الاعمال الصالحه المتعدده كلنا سوا لان دي الشنطه الوحيده اللي هنشيلها معانا بعد ما نصل ارض المطار وهنعدي بيها عاوزين فيها اللي يشرفنا ونطلب بيه الرحمه من الرحمن الرحيم وطبعا( لا يؤمن أحدكم حتي يحب لأخيه ما يحب لنفسه ) صدق رسول الله صلي الله عليه وسلم
وزي ما قلت هناك وبقول هنا لازم نغلف الشنطه كويس اوي علشان ما تسربش مننا
نغلفها بايه؟ بالقلب النقي الخالي من الاحقاد والغيره والحسد اللي بياكل الحسنات ربنا يكفينا شره يا تري هنشارك كلنا ونشد حيلنا علشان مفيش وقت نضيعه؟ّّّ!!!!!!!!!

من اول امواضيع اللي عاوزين نتكلم فيها تحسين النيه واصلاح السريرة يا ريت مشاركه وتفاعل حول هذه النقطه

كله محمل من زاد التقوي محدش محتاج حاجه ولا ايه ؟!!!!!!!!!!!1

ما شاء الله تبارك الله

اتفاعل انا مع نفسي وخلاص قبل اي حاجه زي ما قلنا تصحيح النيه والتخلص من الغيرره وبما ان محدش شارك في النقطه دي نتنقل لغيرها
الفرائض لازم نركز كويس جدا اولها اول ركن من اركان الاسلام وهو شهادة ان لا اله الا الله وان محمد رسول الله صلي الله عليه وسلم نشهدها بقلبنا و ياريت نرددها دوما
بعد كده الصلاه تكون بخشوع نحاول نحفظ اجزاء من القران او بعض الصور الغيره غير التي اعتدنا قراءتها حتي لا تكون روتين يومي وهذه الطريقه مجربه ونافعه بإذن الله للخشوع في الصلاة
نحاول قدر الإمكان ما نقومش جري بعد الصلاة بحجة اي مصلحه معطله الادعيه التي تقال بعد الصلاه لن تاخذ منا وقتا طويلا فلندرب انفسنا علي الاستفاده والتعرض للنفحات الربانيه جعلها الله من نصيبنا واياكم
و طبعا قبل هذا يجب الصلاة في اول وقتها يعني يا ريت نتوضا قبل الادان ونسارع للصلاة وان امكن يا ريت ننتظر الصلاه علي سجادة الصلاة او واحنا متوضئين ونردد اذكار الطهور
يجب ان نحب الصلاه ونحمد الله علي ان جعلنا مسلمين وقبلنا لنقف بين يديه
والله انها لنعمة لا ندركها

من الاشياء التي تساعدنا ايضا ان نبقي علي وضوء دائما حقا احساس رائع كلما دخلت لقضاء الحاجه او لغسل وجهك جدد وضوئك دوما

ويجب ان يلازمنا حسن الخلق في خلواتنا واختلاطنا ومع ذوينا وابنائنا والحرص علي تجنب الغضب الا لديننا