السلام عليكم ورحمة الله وبركاته
اخواني واخواتي ... شدتني قصه حصلت لأحد اصدقائي ... واترككم مع التفاصيل ..
يقول الاخ الله يذكره بالخير .. في ذاك اليوم نويت اروح اسلم على اختي وقلت خلني وانا طالع من العمل امر عليهم واتغدا عندهم .. المهم صاحبنا اتصل على بيت اخته وقال لها انه جاي ... وقال في نفسه يابو الشباب الغدا حقهم يمكن مايكفي والوقت ضيق خلني امر على اقرب مطعم واجيب معي غدا زياده ... المهم صاحبنا جاب الغدا ومعه بيبسي وميرندا وكولا ... ويقول سلمت على اختي وعيالها وبناتها وعلى زوجها المهم جابوا الغدا وتغدينا بس استغربت شي البيبسي وينه ؟؟؟ قلت وين البيبسي ؟؟ مااحد رد علي ....... قلت ياجماعه انا جايب معي بيبسي وميرندا وينها( طبعاً اقولها وانا امزح) ؟؟ الاواناظر في عيال اختي الا وعيونهم شوي وتاكلني ... قالي زوج اختي اتركه شوي بالثلاجه خله يبرد انت الله يهديك جايبه حار ... قلت وشلون انا جايبه زي الثلج مسرع يحتر؟؟ ... المهم تغدينا .. والاحظ عيال اختي ينسحبون واحد ورى الثاني ... وغسلت وجيت اريح شوي وقلت ياشباب وين البيبسي هذا اكيد صار ثلج ... ومادريت الا عيال اختي طابين علي كلهم وجايبين البيبسي والميرندا والكولا في كيس ... وقالوا له بصوت جماعي :



ياخال حرام عليك انت تجيب لنا بيبسي عشان امريكا تذبح الفلسطينين والمسلمين ؟؟ انت تحب امريكا واسرائيل ياخال؟؟ انت ماتدري ان البيبسي فيه خنزير؟؟ والا ولد اختي صغيرون اسمه فيصل يقول حلام حلام حلام ( يعني حرام حرام حرام )..

ويكمل صاحبنا ويقول بعدها خجلت وماادري وش اقول .. وطبعاً جاء زوج اختي واختي يهدون الوضع شوي .. وبعدها حرمت اني اشرب بيبسي ولا اي منتج امريكي ..


اعجني في هذه القصه هذه العائله التي زرعت كره البيبسي والمنتج الامريكي في قلوب هؤلاء الصغار ...

صراحه اعجبتني السالفه وحبيت اقولها لكم هذا طبعاً بعد الاستئذان من صاحبها

رائعه ..
بارك الله فيك .. ولاشك ان البسبسي يضر بالصحه ..

قصة جميلة ورائعة ولكن لو غير العنوان لكانت القصة مشوقة أكثر لأن العنوان برد القصة
مو مهم لكن المهم أصل القصة الرائعة التي نتمنى لو تكون في كل بيت وبيتي أولهم
جزاك الله خير الجزاء

قصه حلوه وفيها شيئ من الطرافه..
بورك فيك أخي على نقلها لنا..

الله يجزاك الخير يا أخ خالد ،، فعلا قصة جدا جميله ،،، الله يحمي الأطفال جميعا