حياك الله اختي


ألوان الجواش المادة المستخدمة في تليينها أو تفعيلها هي المياه
طبعا المياه المستخدمة بتفرق و نوع الألوان بتفرق في التصميم النهائي , فيه أنواع بتصل لأسعار باهظة
كمان فيه فرشاة أفضل الفرش المستخدمة في ألوان الجواش هي فرشة الجواش
لأن فرشة الالوان المائية بتسيب فراغات او بمعنى بتعطي اللون باهت نظرا لطبيعتها اللى بتناسب الوان الماء
و الفرش ليها درجات بتبدأ بال0 متدرجة زوجيا الى أعداد كبيرة و كله على حجم الفرش بتدرج رقمها

دي المقدمة عن ألوان الجواش أما بالنسبة لاستخدامها فهو سهل جدا , بتخلط قليل من الماء مع الألوان حسب درجاتها , كمان ممكن تخلط أكتر من لون ببعضه و بينتج ألوان جديدة مميزة , بعدين بتتأكد من تمام اختلاط الأوان و كفاية الماء ع اللون حيث انه مايكون تقيل فى الحركة او خفيف اوي , يعني متوسط بيتعلق على طرف الفرشة لو رفعتها لأعلى

والتلوين بالجواش حيمتعك كتير لأنها مسلية جدا كلما تطورت فيها كلما وجدت سبل أكبر للابداع فيها و ممكن تبحث ع النت عن Gouache Colours لتشاهد الأمثلة ... و بالتوفيق


نقلته لعله ينفعك

بصى يا يمنه
الوان الجواش استخدامها سهل بس لازم فرشك يكون نوعها حلو وكثافة اللون تبقى مناسبه وافضل نوع من الفرش هو (رفايل) او (Raphail) لان شعرها ناعم وبتساعدك على الشغل بيها
ثانيا: كثافة الون ودى لازم تكون مناسبه يعنى متوسطه لا خفيفه ولا تقيله وده ممكن تتحكمى فيه عن طريق القطاره حطى المياه فى قطاره فاضيه ومتضيفيش الا نقطه نقطه وتقلبى كويس لان اللون لازم يدوب وميكونش فيه كلكعه لحد متحسى ان اللون كويس يعنى لو رفعتي الفرشه تلاقى اللون منزلش منها بسرعه وجربى فى ورقه خارجيه قبل متلونى يعنى تعملى خط تخين بالفرشه وتستنى لما ينشف وبعدين تشوفى اذا كان فيه حتت تقيله وحتت خفيفه ينعى اللون عاوز يتقلب ويتضاف له نقطة مياه اما اذا سطح الورقه مكان اللون اتجعد ده معنا ان اللون خفيف اوى وبعدين وانتى بتلونى تصميمك لونى جزء جزء واستنى لما ينشف عشان الالوان متدخلش فى بعضها
ولما تخلصى تلوين ممكن لو فاض عندك لون فى البلته وعايزه تحتفظى بيه لما تلونى بيه مره تانيه حطى سولتيب او لازق على الفتحه اللى فيها اللون ده هيحفظه من انه ينشف لان الالوان دى بتنشف بسرعه وانصحك بالالوان اللى فى البرطمان دى احسن من اللى فى الانابيب
واسفه انى طولت عليكى