***




أهلاً بكل رواد الركن الفسيح ..()
أكيد هنالك الكثير من هم ينون السفر، للسياحة - للعلاج - للعمل - للدراسة .. الخ
كلاُ حسب عملة وغرضة وحاجته في السفر

وببداية التفكير في السفر لابد من تحديد شركة الطيران التي ستستخدم في ذلك
وإذ لم توجد شركة محددة ومفضلة، ستواجه البعض الحيرة في الأمر
وهي كيف يختارون الشركة المناسبة التي ستنقلهم في سفرهم

ومن هذا المبداء كانت فكرة طرحنا لنجمع لهم تجاربنا و اقتراحاتنا
لأفضل شركات الطيران ووكلاء السفر والسياحة وحسب تجربة كل منا بالموضوع

لتكون رحلتهم سعيده ان شاء الله وموفقة
ولنجني الدعاء عن ظهر غيب بإذن الواحد الأحد

فكرة نقاشنا ستكون عن الأشياء الإيجابية والأشياء السلبية
التي لفتت أنتباهك خلال رحلتك عن شركة الطيران التي استخدمتها
من ناحية أهم ما يخص المسافر ..

- في خدمات الحجز وأستلام التذكرة والأمتعة



- من ناحية الخدمات الجوية والراحة بالطائرة



- الوجبات المقدمة خلال الرحلة " جيدة أم سئية "



- الدقة في مواعيد الأقلاع والهبوط بين المطارات






شاركونا أحبتنا بتجاربكم ودوينوها هنا بنفس الموضوع
وأخلصوا النية في الكتابة لتكون مرجع صادق للجميع

وسوف نهديكم شعار " حضور متميز " لكل من يشارك ويفيد بمعلومة
مع فائق أحترامي وتقديري لكم جميعاً ..(:

جميل جدااا غاليتي فوفو فكرة مفيدة ان شاءالله
لي عودة بتجاربي هههههههههههههه
بس هل نطرح التجربة هنا ام بموضوع منفصل؟؟

بارك الله في اعمالك حبيبتي ♥

أهلاً ماموتشا .. نورتي الطرح عزيزتي

تجاربك تكون هنا بنفس الموضوع
بارك الله بك .. ورفع قدرك .. ورضي عنك
بإنتظارك يـ ــا قلب ()

روووعه فلوووحه موضوع رائع وقيم
وان شاءالله نستفيد من تجارب الاخوات
ماعندي تجارب من القريب من زمان كانت سفراتي كثيره
فلذلك تجاربي قديمه لا تنفع
سلمت وحفظك الباري

عدنا بسرعة اهو .. طيرااان

انا ليا تجارب اولها مع
مصر للطيران
اسعارها معقولة والوزن ممتااااااز اكثر وزن مسموح فى العالم تقريبا ههههه شنطتين كل واحدة 26 كيلو = 52 كيلو + 7 هاندباج
دى تنفع للى عايز يعزل ههههه بصراحة خدمتنى عند انتهاء عمل زوجى من السعودية وكان عندى حاجات كتير لازم تنقل ..
الوجبات معقولة مش اوحش حاجة ومش احسن حاجة وهى حلال by default ومنوعة
المشاكل اللى فيها ..
اولا :الطيارات مش كلها واحد وكذلك الطيارين .. يعنى الطيارات كبيرة الحجم "معرفش فى انواع الطراز" بيكون عليها طيارين ممتازين جدا وبجد بكون مرتاحة ودى غالبا بتكون موجودة ايام الحج والعمرة "للسعودية طبعا " وفى الطيران لمسافات طويلة " زى الرحلات لتايلاند او سنغافورة مثلا"
ثانيا : طاقم الخدمة عنده مشاكل نفسية .. هههههههه اقصد المضيفات والمضيفين .. باحس انهم طالعين الرحلة وبيعذبوهم فى المطبخ مثلا او ماضيين على وصولات امانة !! مش عارفة بس نادرا مابالمح على وشوشهم اى ابتسامة وبيأدو واجبهم بمنتهى الخشونة ..( هما مصريين زيى صحيح بس الحق حق) .

طيران الاتحاد :
الحقيقة جميل جدا .. كل الموظفين "حتى موظفين الكاونترات فى المطار" متعاونين جدا وبشوشين عكس الشائع عنهم .. الطيارات كويسة والطيارين كمان بس الكراسى اريح فى مصر للطيران .. لكن الاتحاد برضو مش وحشة ..
الوجبات جميلة ومنوعة والسناك كمان ممتاز ودى حاجة مهمة للى معاهم اطفال زنانين زى حالاتى .. وعاملين حسابهم على كل حاجة كويس حتى مقاسات مختلفة للبامبرز .. لا بجد عاملين حسابهم على كل حاجة يقدرو ياخدوها معاهم او المسافرين يحتاجوها..
الوجبات برضو حلال by default وفيها تنوع ..
عيوبها بقى .. الرحلات القسيرة طياراتها كلها صغيرة الحجم "الطيارات الكبيرة اريح طبعا " , الطاقم كله بدون عربى واحد .. المضيفات والمضيفين كلهم اجانب بالكامل وده طبعا مشكلة للى مش بيعرف انجليش كويس او مش بيعرفه خالص !كانت جنبى واحدة فرنسية فى رحلة 22 ساعة .. شغلتنى عندها مترجمة طول الطريق

فرق الاسعار بينها وبين مصر للطيران مش كبير بس الوزن فى الاتحاد طبعا اقل .. فقط 30 كيلو + 7 هاندباج

الخطوط السنغافورية :
اسعار مبالغ فيها مقابل جودة الرحلة .. الحاجة الحلوة اللى فيها طاقم الضيافة وانه يلبى كل الطلبات ووجوهم مبتسمة ومرحبة .. واسوأ مافيها الاكل ..
الوزن 30 كيلو برضو + الهاندباج

الطيران الاسترالى :
شركة جيت اير
اخرها domestic flights هى تقريبا اشترت شوية اتوبيسات مكيفة وركبت لهم جناجات
مفيش اوزان تقريبا يعنى لان الجناحات عمولة فابيخافو يشيلو فيها شنط

شركة كوانتس
دى اكبر شركة طيران باستراليا , لكن برضو مانصحش اى حد يطلع بيها برة استراليا من الاصل.. حلوة فى الدوميستيك وبس

فى حاجة بقى للى بيمرو بازمات مالية هههههههه
شركة ناس
دى شركة طيران من شركات بير السلم .. معرفش اذا كانت مصرية ولا سعودية او راس مال مشترك .. هى بتشتغل بس على مصر - السعودية وبالعكس
اتعملت اساسا للعمال "الحرفيين" المصريين بالسعودية اللى اجورهم منخفضة وبلادهم فى الصعيد او فى مناطق بعيدة عن القاهرة "المطارات الرئيسية بالجمهورية"
ركبت فيها مرة واختى ركبت فيها اكتر من مرة ..
التذكرة تقريبا بنصف ثمن تذكرة مصر للطيران او الخطوط السعودية ..
الخدمة فيها على ماتفرج كده "اصلا الرحلة كلها ساعتين فا مش مشكلة"
الوزن 30 ك + 7 هاندباج
مشكلتها انها متعاقدة مع بعض المطارات فقط .. يعنى مطار جدة يرسل ويستقبل فقط على مطارات "الاسكندرية - سوهاج - اسيوط" دى خبرتى لانى كنت فى جدة
مطار الطائف متعاقد مع مطارات اخرى وهكذا
واعتقد انه غير مسموح لها بالاقلاع او الهبوط فى مطارات القاهرة !