السلام عليكم ورحمة الله وبركاته
أولاً أشكر لكم دخولكم على موضوعي جزيل الشكر
مشكلتي ببساطة
هي
قمت بتفصيل مطبخ لدى شركة كي إتش الأمريكية على طريق الملك عبد العزيز بالرياض بمبلغ 20170 عشرين ألف ريال ( المطابخ في المعرض جميلة جدا وعملية)
ومدة التسليم والتركيب أسبوعين من تاريخ توقيع العقد حسب العقد بيني وبينهم ودفع أبو عيالي المبلغ كاش وهو يضحك
خلص رمضان ... ووراه شوال .... والحين جا ذو القعدة
والمطبخ للحين ما ركبوه ... وكل ما يتصل زوجي عليهم ( على المهندس المصري بالمحل يقوله أستنى حأتصل على المصنع للتركيب ) وننتظر ولكن مافي فايدة ....
مماطلة الله لا يوريكم ولا يورطكم مثلنا ....
في البداية كلام مثل العسل والأحلام الوردية والمطبخ المثالي
والحين متورطين ونجري وراهم
عطونا موعد وجا المطبخ (طبعا ناقص) وركبوا الجزء السفلي فقط وبعض القطع كانت مكسورة وقالوا إنهم بيبدلونه ويجون بكرة يكملون الرخام والباقي
أصبحنا باكرا ننتظرهم ....
يوم .... اثنين ....
اتصل أبو العيال على الشركة الموقرة .... قالوا لسة ما عطوكم موعد للإكمال ...
عصب زوجي وقال كلام عمري ماسمعته منه .....
كيف يعطون موعد وما يكملون شغلهم ....
الحين عندي نصف مطبخ ( دواليب مفتوحة فقط ) بدون أبواب أو أغطية الرخام .. والبيت بدون مطبخ لثلاث أشهر
ويوم قريت العقد زين
كل شي علينا
ماعليهم ولا شي يعني ما نقدر نحاجهم بالعقد ( تعرفون العقود الجائرة ) لصالح طرف دون الآخر
سامحوني على الإطالة
لكن من قهري
( طبعا أكلنا كله من السوق أو سندوتشات في البيت أو فطور بس )
الحين إلي أبيه منكم المشورة .... وش السواة
اشلون أقدر آخذ حقي منهم
.... الله المستعان

وعليكم السلام ورحمة الله وبركاته

معقول يتأخرون الى هذا الحد
ومعقول انكم تدفعون المبلغ كله قبل الإستلام
المفروض بتدفعوا جزء والباقي عند الإستلام
وعلى كل حال انت نجحتي في عمل دعاية سيئة لهذا المكان وللمهندس المصري الموجود به
وحل مشكلتك بيكون عن طريق المحكمة او الشرطة او اى جهة مختصة بمثل هذة المواضيع
لأنه ما كان يجب دفع المبلغ كله قبل الإستلام

يعني ضروري أحلف وأقسم ....
ترى دفعنا المبلغ كله كامل لأن المهندس وعدنا بأن التركيب حيكون بعد أسبوعين فقط ....
وإذا على دفعتين حيكون التركيب بعد شهر .... وعطانا كلام مثل العسل .... علشان كذا صار إلي صار
والكلام ذا كله موثق بالعقد
وشاكرة مرورك الكريم