السلام عليكم ،،،

حبيباتي بيغيتكم تساعدوني ، أنا ان شاء الله راح اسوي لي صاله رياضيه صغيرونه عندي في البيت ،

وأبي أعرف شو هي افضل الأجهزه الرياضيه الي اتكون احس شي للتنحيييييف

أنا محطيه في بالي ان شاء الله راح اشتري مشايـة ,,

بس شو اشياء زياده ..

وعليكم السلام
الغالية أنا من فترة مشترية جهاز رياضة يعرضونة في التيلفزيون على قناة one shop واللي يعرضة المدرب توني إذا تعرفينه
والجهاز اسمه Gazzel ما أعرف صح كتبته وإلا خطأ المهم يعني غزال بالعربي
أشتريته بــ 950 مع شريط فيديو وإذا مب حابه الشريط بينسخولج على CD بتكلفة 20 درهم
بس ما يابوا معاه علبة الماي والمثبت مالها يعني تعلقين القنينة فيه مع انهم حاطينها في الدعايه ويقولون مجانا اعتقد تقدرين تطلبينها منهم
لما تبدين تلعبين انصحج انج تلعبين مع المدرب وتتابعين الشريط من البداية لان في حركات لازم نتعلمها وكل حركة او طرقة تحرك عضلات مناطق مختلة بالجسم.
وايضا ممكن تشترين الدراجة قصدي السيكل الثابت وتحصلينة في معظم محلات بيع اجهزة الرياضة
وفي انواع وايدمنه وفي واحد خاطري اشتريه وميزته انه تتحكمين بالسرعة يعني هو يحرك ريولج مثل جهاز المشي
وفي جهاز لشد عضلات البطن الامامية والجانبية وأغلبهم موجودة في كارفور ويكون سعرها حلو ايام التنزيلات
وعندج بعد الحبل (نط الحبل) وشووووو بعد ايوه في الحبل اللي يستخدمونه للزنود ممكن تسألين عنه في محل الرياضة وبعد عندج القطعة الدائرية اللي تدور يعني هي على شكل قرص ومفيدة واااااااايد للخصر
وحده من اهلي سوت نفس الفكرة نادي صغير في البيت وحطينا هذي الاجهزه اللي ذكرتهم وتحمسنا وايد وكنا نتريا متى بتخلص الغرفه لللللللكن وللاسف محد يلعب ماأعرف ليش ما نستمر بالحماس مع انه هذي الاجهزة بتوفر علينا روحات النادي والخسر صحيح انها مكلفة لكن بتطلعين قيمتها لانها عندج وقت ما تبين يعني ما بتروحين النادي وبتخسرين فلوسج وبتردين تنتنين مره ثانية
كأني طولت السالفة شو اسوي مقهورة من المتن.
وإن شاء الله تخلص غرفة النادي الصغنونة وتلعبين على الاجهزة وتتمتعين بالصحة والعفية والنشاط على طول يا رب و ادعيلي إني أضعف

كأني غليت السعر شوية أعتقد إني اشتريت الجهاز يـ925 من دون التركيب وإذا بيركبولج الجهاز بيكون افضل نحن وايد طولنا في تركيبه

اسم القناة one shop ما أعرف شو فيني اليوم ألخبط وايد وآكل الخروف آسفه قصدي الحروف ههههههههه

اهلين نوووووور ،

مشكوره والله بس تدرين مافهمت للجهاز الاول

وانا عندي سيكل ثابت وعندي هاي الدائره ، وعندي حبل وعندي شياء بسيطه مثل الكره ، بس ابا اعرف شو اجهزه ثانيه تسهل ، قولي لي شو هذا الي يشد البطن ؟

امممم

عزيزتي انصحك بجهاز الاوربت تراك
فهو يحرك جميع عضلات الجسم
وايضا انصحك بشراء غرفة الساونا الصغيرة التي تجلسين فيها ويكون وجهك ويدك خارجها
فهي مفيده جدا
بالنسبه لي انا مسويه نادي في بيتي
عباره عن:
جهاز المشي(مااستخدمه)
جهاز الاوربت تراك(استخدمه فقققققققط)
أثقال(لزوجي طبعا)
وجهاز لشد البطن(مااستخدمه)
وجهاز لشد الصدر(مااستخدمه)
وبسسسسسسسسس
ونفس ماقلتلك جهاز الاوربت تراك يغني عن كل الاجهزة




اذكروا الله ..لا اله الا الله محمد رسول الله

عزيزتي شفافة
في هذا الرابط صورة لجهاز الاوربت تراك:


يومياتنا على جهاز الاوربت تراك...اللى عندها الجهاز تدخل تشارك..


انشالله تفيدك