مساء / صباح الخير

انا اللي شجعني اكتب مشكلتي هو تعاونك وانكم دايما تحبون تشوفون حل وتحولون قدر المستطاع تجدون حل مناسب انا مشكلتي زياده وزن وكل سنه امتن عن قبل بس يوم كنت صغيره ما كنت متينه بالمره يعني وزني تعدي المائه حاولت كذه مره احاول اخفف من الاكل امارس رياضة المشي ما في فايده يومين وامل ع طول واتخايب ولا اكمل حاولت اجرب اعشاب طبيعيه تخفف من الوزن الصراحه هي تمشي البطن بس وزني ما ينقص الا قليل وببطي والله دوم اعصب واقعد اكل مثل اللي مو شايفه خير واقعد اكل طول اليوم يعني من اقوم من الغذاء او العشاء ابي اكل مره ثانيه واللي بالبيت اخواني دوم يعصبوني الجئ الى الاكل واذا اروح الموالات اشوف اثياب تعجبني بس للاسف مافي من مقاسي حاولت كم مره اقول ابي اضعف ابي انزل من وزني بس مافي فايده مليت والله العظيم يا جماعه حاولوا تساعدوني وتقولون لي شنو اسوي المشكله الرجيم
يمشي على اكل معين احيانا الاكل ما يكون موجود بالبيت انتظر ردودكم اللي ان شاء الله بتساعدني
لكم تحياااااااتي

حبيبتي انا عندي الحل وهو :
تقليل كمية ما تأكيلنه الى النصف .... مع الامتناع عن الحلويات والسكريات فقط لاغير .... وصدقيني رح ينزل وزنك ...

والله مشكلتك فقط بالاراده لازم تكون عندك اراده قولي انا بنحف يعني انحف
ومو شرط تلتزمي برجيم معين يعني مالقيت اكل نفس اللي بالرجيم كلي البديل
اهم شيء الرياضة وتقليل الاكل مافي شيء صعب في بنات ماشاء الل تعدى وزنهم 100 ومع الاراده نزلوا

هلا بك ..
حبيبتي السمنه مرررض العصر من منا لايجد في كل منزل شخص بدين يعاني من السمنه ولكن من منهم
فكر في ايجاد حل للمشكله انت هنا في صدد حل مشكلتك لانك فكرتي ع الاقل انك تلاقي حل وهذا شي ممتاز ورائع وخطوه جيده
اولا حبيتي انا عمري 20 سنه اعاني من السمنه ولكن بفضل من الله فكرت في حالي شويه وكلمت نفسي وفهمت داخلي وعقلي الباطن وقررت اتبع الطريق المستقيم
الى متى وانا مهدده بامراض السمنه(من تسداد شراين ,وقلب ,وسكري ,وضغط , وتكيس ,وغيره).الى متى وانا اعاني من الخجل بسبب سمنتي؟؟؟
انا اقول الكلام لك لان لحد الحين وانا اعاني من السمنه ولكن انا الان اعالجها ولله الحمد
انا راح اقولك حااااااااااجه
لاتكوني غبيه مثلي وتضحكي على حالك ب
وتضري صحتك باشياء مالها فيده والله بس تضرك عمر الاعشاب ماكانت سبب في نزول الوزن
وانت هل سبق سمعتي ان شخص نحف لانه استخدم اعشاب..؟؟؟ وان كنتي قد سمعتي فهم اقله
ولكن هل سمعتي ان شخص ما استمر على حميه غذائيه متكامله ويتبع ريااضه ولا حصل على صحه جيده ؟؟
انتي تخسري وزن وتكسبي صحه
شيلي من باللك انك راح تنحفين من ادويه تخسيس او اعشاب
وحطي بالك رياضه+ وحميه وعمرك ماتراح تخسرررين
يمكن قااسيه بس ابي مصلحتك
المنتدى كله رجيمات وتجارب شوفي اللي يناسبك واتبعيه بس لاتتبعين رجيم سريع مثلا التمر واللبن ينزل بالاسبوع 7 كيلو والاسبوع اللي بعده
اذا تركيه من القهرررررر يمكن تزيدين
14 كيلو مو بس راح يرجع وزنك الا بعد يزيد
حبيبتي اي شي تبينه المنتدى كله تحت امرك والله انا اعتبرهم خواتي وعمري ماسغنيت عنهم
لك مني اطيب الامنيات
اختك صرررررخه امل
دعواتك لي بالرشاااقه ونزول الوزن

اختي المجبوره ربنا معاكي حبيبتي وانا مع كلام البنات في كل كلمه قولها وانا كنت نفسك كده يعني تخينه ومش لاقيه ملابس البسها لما اطلع في السوق وعمري الحين 21 وداشه في 22 واهلي كل يوم يقولولي نزلي من وزنك ولا ماحد راح يتقدم للك وانتي بهذا الشكل ويم اطلع مع صديقاتي السوق اتحسف على نفسي لاني ما اقدر اشتري ملابس مثلهم ولا حتي اقدر اقول عن وزني الحقيق قدامهم لما يسالون بعض اسوي نفسي مش معاهم في الموضوع يعني من كلامي هذا ابي اوضحللك انك مش الوحيده الي تصيرلها هذي الاشياء الموضوع بس يبيله شجاعه واراده وانك تسوين كل كلمه قولوها للك البنات وتقليلين من اكللك وتنسين الحلويات هذا اول شي تاني شي انك تحاولين تصومين كتير عشان تتعودين على الجوع وبعدين تبدين الرجيم الصحي انا سويت كل هذا والحمد لله اشترك مع فريقين هنا في المنتدى ومن يوم ما سويت كذا وزني ينزل اكثر واكثر واكيد اي فريق تنطمين له ما راح يرفضج بل راج يرحبون بيكي كل ترحيب وينصحونك ويعاقبونك بعد لو سويتي شي غلط .

والى الامام دائما اختي مجبوره