السلام عليكم ورحمة الله وبركاته

بناء علي طلب الاخوات الرشيقات الاعزاء تم افتتاح الجزء التالت

المفروض يكون فيه نتائج مشجعه
اعتقد
مؤمنه ماشاء الله نجحت في انقاص كم كيلو من الوزن
لولا ماشاء الله برضه خست حوالي 4 كيلو
امنيه اعتقد انها خست حاجه
امونه خست كيلو ونص
هبه خست 2 كيلو
نايس خست كيلو بس رجعته للاسف
نايري ومرام مكانوش متواجدين في الجزء التاني اوي مفيش نتائج في الجزء السابق بس ان شاء الله من اليوم هيكون فيه انتظام
مجدو اليمان وداعا للسمنه باقي البنات الي كانو معانا ومختفيين ربنا يسهل ويظهروا


ارجو من الحلوات يكتبو اطوالهم واوزانهم والريجيمات المتبعه علشان نتابع مع بعض ويبقي فيه التزام حتي لو مشتركات في مواضيع تانيه لان الغرض من الموضوع ده التشجييييييييييييع فقط

بالتوفيق للجميع ان شاء الله

نايس حبيبتى انا هنا ومستحيل اكسل تانى لانى ولله الحمد زدت 2 كيلو وحعدل شريط الميزان واصبحت 95 كيلو هية هية
انا فرحانة جدا استاهل علشان انا طفسة ومعنديش دم وبقى منظرى زبالة ادام نفسي وكل اللى حوليا وكفاية عليا انى لما اروح مناسبةافضل اداري فى نفسي علشان محدش يلاحظ منظرى الزبالة منى لله

انا بقاة مش حغير التوقيع علشان اتحسر اكتر على اللى بزيدة

في ايه يا مرام
مالك يبنتي
انتي فرحانه في نفسك؟
يبنتي ولا يهمك انا بقالي والله كم يوم مخرفه
لان الدوره لما تجيلي ببقي زي المجنونه عالحلويات والشهيه عاليه جدا ده غير البرد
بس انا اخدت بالي من حاجه
لازم الواحد حتي لو خرف بالنهار يمسك نفسه بالليل
يعني لو حتي خرفتي متجيش تاكلي بالليل بحجة ان خلاص خربانه خربانه
لاه اعلي معدل للايض تخيلي امتي؟
وقت الغدا
يعني من بعد الضهر
وبعدين الرياضه انا عاوزة ارجع امشي تاني ساعه في اليوم لان مشي ساعه جد كل يوم يحرق 350 سعر
تخيلي؟ دي غير انه بيزود معدل الحرق لمدة 8 او 10 ساعات بعديها
لو مشيتي ساعه عالريق كل يوم ممكن تخسي جتي 5 كيلو ومن غير رجيم علي الاقل لو بتلخبطي في الاكل مش هتزيدي
ولو مشيتيها بالليل ممكن تخسي 3 كيلو
عاوزين نبقي نشيطين كده لان ده سلوكنا طول حياتنا مش رجيم فتره وهتعدي لان حتي لو وصلنا لاوزان كويسه ورجعنا تاني لسلوكياتنا الغلط هنرجع نتخن ولا كان حاجه حصلت

اهلا نايس مبروووووووووك على الصفحه الجديده
كلنا معاك وهنخسر وزن ان شاء الله
خلاص كفايه تخريف بقه
انا دلوقتي في رجيم انكل مصطفى ساري
ومعاد وزني يوم السبت ان شاء الله
يا رب ما الغبط الدنيا ويمشي الاسبوع على خير بقه
تمنياتي للجميع بالنجاح

فضايح ايه اللي بتتكلمو عليها؟ ههههههه
الواحد بيكون مش عارف يلك ايه ولا ايه ومن فوق ولا من تحت ولا من الجنب.. والزراير تتقطع والقماش يفزر وحاجه زفت..

فكرتوني بواحده صاحبتي تخينه زيي بردو.. بتقولي اصعب حاجه في التخن هيه السويييييييت..الناس بتعمل لشخص وانا بعمل لأربعه في بعض هههههههه..

ربنا يعين ..لا بجد خلاص مفيش تخريف.. لأني زهقت من نفسي

طولي 165
وزني 93.6 (عشان انا فالحه)
ريجيمي الكيميائي في ماسابقة بدون نك ولولا

هدفي الأول 83 ..

عايزين نتابع مع بعض

مؤمنه حبيبتي معلش انا بدأت في الكيميائي لأني جربته قبل كده وجاب نتيجه كويسه معايا..

مرام
نايس
لولا
مؤمنه
امنيه
هبه
مجدو

يلا شدو الحيل والهمه