سلااام عليكم ...
اخواتي الاعزاء... لفييت ولفييت وطبعا مش هلاقي غيركم بعد ربنا طبعا انكم تفيدوني في الموضوع دا ...
انا كنت عايزة اجيب فرن كهربائي ... انا جربته قبل كدا ...هوا ما شاء الله جميل وبيسوي الحاجة بسرعة فوق وتحت ما شاء الله ... هوا كان عند حماتي وانا كنت باستخدمه كتير ... وبصراحة ما شاء الله بيسعف اوي ....
بس طلعتلي كورة تانية نورت في راسي ... طبعا معروف هيا ايه ... الميكروييف طبعا ... فبصراحة مترددا جدا بينهم ... انا اعرف انه مش صحي عشان الموجات اللي فيه ... فمش عارفة انتوا ايه رايكم ... ياريت تفيدوني ... بس انا لو جبته فانا مش محتاجاه للتسخين ...لأ ... انا محتاجة حاجة تبقى سريعة وتسعفني ... يعني مشكلتي مش مشكلة تسخين ... لان عند حماتي كنت سعات بسحن في الفرن الكهربا وكان بيسخن ما شاء الله حلو ...
انا مترددة اوي بين الاتنين ... وعايزة استقر على حاجة
كنت عايزة اعرف مميزات كل واحد فيهم ... بس ضروري بالله عليكم ... يعني اللي عنده حاجة منهم يقولي ... ويفيدني ... وانا بجد واثقة في ربنا ثم فيكم انكم مش هتخذلوني ...
فبالله عليكم قولولي اختار ايه بعد تجاربكم ... لاني مفتكرش اني هاجيب فرن كهربا وبعدين هاجيب الميكروييف ... يعني حاجة واحدة بس منهم ... بس

وياارب مكنش طولت عليكم ...
انا في انتظار افادتكم ...

السلام عليكم ،
أنا بصراحه مجربتش الفرن الكهربا ، بس عندي مايكرويف و أنا مش باستخدامه غير في التسخين ، يعني ما سوتش فيه أي حاجة بس الميكروويف ما بيوزعش الحراره بطريقة متساوية ، يعني لو سخنت شوية رز مثلا تلقي حبة سخن أوي و حبة لا ،بس بعد التقليب بيكون سخن ، هو بالنسبه لي ممتاز في التسخين ،أنا مش عارفة حجم الفرن أد إيه؟ بس أتصور إنه أكبر من الميكروويف. أنا رأيي مادام استخدمتي الفرن و عاجبك، هاتيه بدل ما تجربي حاجة جديدة و يا حلوة يا ...

اختي الفاضلة انا كنت محتارة زيك كده بين الفرن والميكروويف
وللاسف ما سالتش اشتريت علي طول ميكروويف بس ندمت
لايستخدم غير في التسخين بس
انا راي الفرن بس تشتري ماركة كويسة لاتندمي عليها بعد كده
ومدام اللي عند حماتك عاجبك قوي كده اشتري واحد زيه
يارب اكون ساعدتك في حل المشكلة

الاختين العزيزتين radoo ..... sharo _ shereen:
جزاكم الله خيرا ... فعلا عندكم حق والله ...
وانا فعلا مش محتاجاه في التسخين خالص ... يعني احتياجي ليه انه يساعدني في التسوية بجانب الفرن بس يكون اسرع ....
الف شكر ليكم جزاكم الله خيرا ... هاعمل بنصيحتكم باذن الله تعالى ...

انا كمان بستخدم الفرن الكهربائى فى التسخين والتسوية
ومريحنى الحمد لله

قرار صلئب الفرن طبعا
انا عندى والله اتنين من كتر ما عجبنى انا بسوى فيه كل حاجه حتى انى استغنيت عن فرن البوتاجاز خالص وبستخدمه فى كل حاجه سواء تسوية اكل من اوله او تسخين كل شىء وفيه منه انواع كتيره جيبى التركى عن تجربه ونصحت بيه اخوات ليا والفعل اشتروه وعجبهم
وتستخدمى صاجاته كصوانى عندما تريدين الاكل كميه كبيره تكفى يومين مثلا
الله يسعدك بيه ويرزقك خيره ويكفيكى شره