يسم الله والصلاة والسلام على رسول الله
هذة تنورة تريكو اشتغلتها لحفيدتي
شغلها بالعرض من زمان وانا ادور هذة الطريقة والحمد لله نجحت
شوفوها وان شاء الله تعجبكم

ما شاء الله جميلة جدا تسلم الايادي وتلبسها حفيدتك بالهنا

شكرا الك يبرودية
كنت بدي اسالك عن طريقة شغل بلوزة بنفس الطريقة
اذا بتعرفيها

هلا دراوشة انت شاغلة الجيبة بغرزة العدل والمقلوب وادوار عاملتيها من الامام والخلف غرزة العدلة صح

بما انوا الغرز بسيطة اعملي البلوزة بنفس الغرز

مثلا اعملي قطعة مستطيلة بنفس الغرز يلي عملتيها للجيبة بحيث تلف محيط الصدر طبعا زودي كام غرزة حتى ما تطلع ماسكة على الجسم واما بتركبي ازرار او بتخيطيها خياطة بعدين بتعدي غرز القسم الامامي واشتغلي الغرزة العدلة ونفس الشي القسم الخلفي وبتخيطي الجوانب وبعدين بتعملي حمالات

واذا بتعرفي تشتغلي بالستانير الدائرية بتعدي الغرز كلها مع بعض الصدر والظهر حتى ما تعملي خياطة

انا تخيلتها عاد ما بعرف كيف بتطلع هههههه بس لانوا الجيبة غرزها بسيطة فلازم تكون البلوزة بسيطة

او ممكن تعملي الصدر لوحد بدون حفرة يعني توصل القطعة لحفرة الابط والظهر نفس الشي وبتخيطي الجوانب واعملي بعدين كام دور للصدر بغرزة مختلفة وحمالات

وممكن تعملي حفرات وقبة اما مربعة او مدورة هيك بتكون بسيطة وبتناسب الجيبة

وان شاء الله اذا البنات عندهم افكار تانية ما راح يقصروا

حاولت البحث عن بلوزات شوفي الفكرة وممكن البنات يساعدوك اكتر بافكارهم

مشكورة يبرودية وبارك الله فيكي افكارك حلوة

ماشاء الله رووووعة
تتهنى بيها الامورة ،، تسلم الايادي