السلام عليكم
اخواتى الغاليات بصوا تنفيذى لقبعة كرة القدم


بس انا غيرت شوية فى شكل الوحدة السداسية المستخدمة وخليتها كده لسهولة التشبيك


فى البداية انا عملتها قطن علشان تنفع للصيف والخيط يكون وسط مش رفيع ولا تخين والقبعة كلها 21 وحدة
10 وحدات سداسية بيضاء
6 خماسية سوداء
5 نصف وحدة سداسية سوداء

طريقة عمل الوحدة السداسية :
اولا 6 سلاسل وتغلق بمنزلقة وداخل الدائرة بنعمل6 ورقات على النحو التالى : 3 اعمدة تغلق معا ثم 3 سلاسل وهكذا ليصبح 6 ورقات داخل الدائرة ونغلق بمنزلقة

السطر التالى : هنعمل اقواس فوق الورقات عبارة عن 3 سلسلة ونشبك بحشو فى الفراغ السابق بين الورقات ثم 3 سلسلة ونشبك بحشو فوق الورقة التالية ثم 3 سلاسل وحشو فى الفراغ بين الورقتين وهكذا حتى يصبحوا 12 قوس او تجويف
السطر التالى :: داخل القوس بنعمل ( 3 عمود + 2 سلسلة +3 عمود ) والقوس التالى 2 عمود فقط وهكذا حتى يظهر الشكل السداسى

فكرة الشكل الخماسى نفس الطريقة ولكن الاختلاف يكون فى البداية 5 سلاسل فقط تغلق بمنزلقة ثم خمس ورقات فقط داخل الدائرة وبالتلى الاقواس 10 اقواس فقط والسطر الأخير يكون داخل القوس 3 عمود بدل 2 عمود
بعد التنفيذ اذا كان الشكل الخماسى اصغر فى الحجم بكثير من السداسى فيمكن ان نستعمل العمود بلفتين فى السطر الأخير فقط علشان نكبر حجم الوحدة شوية ( وده اللى حصل معايا )

نصف الوحدة السداسية نفس الطريقة ولكن بعد دائرة البداية نعمل عمود واحد فقط قبل عمل الورقات ثم نعمل 3 ورقات ونختم بعمود واحد ونلف الشغل على الظهر ونكمل الأقواس ثم العواميد داخل الاقواس كما فى الشكل السداسى
التشبيك والكاب يكون باللون الاسود بعد عمل جميع الوحدات و انا فى انتظار اى اسئلة فى اى وقت بعد تنفيذ الوحدات هانزل رابط لعمل الكاب

مشكوره والله يعطيكالف عافيه
وتسلم اياديك
والله لا يحرمنا جديدك

بسالك اختي
هذي لعمر كم
ولو ابيها لعمر مولود كيف اعمل
سوري على ازعاجك

وآآآآآآآآآدى رابط الكاب للغالية ام عزيزان

يمنع وضع روابط لمنتديات اخرى



هو طلع معايا مش واقف ونايم لتحت كده
لكن نصيحة ملاكى الحارس حبيبة امها انه يتعمل بخيط تخين حبتين علشان يطلع مظبوط
واللى تقدر تفيدنا باكتر من كده ياريت ما تتأخرش فى المساعدة

ماشاء الله تسلم الايادي

كتبت بواسطة العاطفه
بسالك اختي
هذي لعمر كم
ولو ابيها لعمر مولود كيف اعمل
سوري على ازعاجك



دى ممكن تكون لسن سنتين
ولو عايزة اصغر ممكن تصغرى حجم الوحدة شوية بانك تصغرى حجم الخيط
وهاحاول اجيبلك شكل وحدة اصغر فى الحجم

كتبت بواسطة أميرة السكون








يلا ورينا شطارتك ممكن تكبرى الوحدة بأنك تزودى عدد السطور فيها وكمان تعمليها بالعمود بلفتين وده هيكون افضل
وممكن برضه تزودى عدد الوحدات بس يمكن فى الحالة دى تختلف طريقة ترتيبهم وتشبيكهم مع بعض
جربى وقوليلنا