$$$ إلى جميع خبيرات التريكو... من فضلكم ممكن تساعدونى؟$$$ "تريكو وبس"

aksachli

Administrator

تاريخ التسجيل: Dec 2014

المشاركات: 365533
- مشاركة
- تويت
#1

$$$ إلى جميع خبيرات التريكو... من فضلكم ممكن تساعدونى؟$$$ "تريكو وبس"

01-09-2015, 04:02 PM

عنوان الموضوع : $$$ إلى جميع خبيرات التريكو... من فضلكم ممكن تساعدونى؟$$$ "تريكو وبس"
مقدم من طرف منتديات أميرات

حبيباتى الغاليات
كل خبيرات ومحبات التريكو
كيفكن يا حلوات
ان شاء الله تكونوا مبسوطين وبهواياتكم مستمتعين

من فضلكم عايزة أستفيد من خبرتكم فى حاجة صغيرة أوى...
وان شاء الله مش هتكسفونى
يا ترى ممكن تساعدونى ؟؟؟

مشكورين مقدماً

بصوا حبيباتى أنا حالياً بأعمل كوفية لابن أخى
هى بغرزة الضفيرة
طبعاً لغاية كدة وما فيش مشكلة

هأوريكم الكوفية الأصلية
(على فكرة هوة اختارها على ذوقه)

يا ترى عجبتكم

الحقيقة ان أنا لقيتها فرصة اتخلص من بواقى الخيوط اللى عندى
وأهو برضه شكلها لطيف

طيب وده تطبيقى لجزء من الكوفية

ايه رأيكم فى تطبيقى
يا رب يكون عجبكم

طيب برضه لغاية دلوقتى فين المشكلة

أنا هأقولكم

زى ما انتم شايفين هى بتتكون من 5 ألوان على التوالى زى ما حضراتكم شايفين

وطبعاً أنا هأطلع بالخيط طول الوقت عشان خاطر أعيد تكرار الألوان لغاية ما أوصل للطول المطلوب

فالمشكلة ان الخيط من الجنب هيكون باين
فيا ترى ازاى ممكن أخفيه
هوة ده السؤال

خلينى أوريكم الصور دلوقت لخلف الشغل
عشان تتخيلوا أنا بأقصد ايه

ده شكل الخيوط من جنب واحد اللى بيتغير فيه اللون دايما

وكمان واحدة أقرب

يعنى تحديداً أنا أقصد الخيط المحدد باللون الأحمر فى الصورة اللى جاية

وطبعاً الناحية التانية من الشغل نضيفة وما فيهاش مشاكل كدة

فأنا عايزة بقدر الامكان انى أنظف الجنب اللى فيه تغيير الخيوط خصوصاً ان الكوفية مش هتتنى
يعنى هيلبسها مفرودة انشاء الله

أنا فكرت انى أطلع بالخيوط مع كل تغيير لون بحيث ما يكونش الفاصل طويل كدة ويهدل بعدين مع الاستخدام والغسيل

بس حسيت انه ممكن يكلكع

لأن هيكون فيه 4 خيوط فى كل مرة

وبعدين قلت يا بنت يا رونا انتى هتحتارى وعندك اخواتك الحلوين خبيرات التريكو
اللى ممكن يقولوا لك على أفكار حلوة زيهم

منتظرة خبراتكم الحلوة
يا ريت ما تخجلونى

ما تتأخروش عليا
عشان هوة نازل طالع
يقولى انتى يا عمتو لسة ما خلصتيهاش
وكأن التلج بينزل
هههههههههههه
مع ان الجو الأيام دى ولا أغسطس

>>>>> ردود الأعضـــــــــــــــــــاء على الموضوع <<<<<
==================================

انا براي عندما تنتهي من الاسكارف
تنظفين الشغل بقطع الخيط وتربطية وتدخلية داخل الاسكارف
هذا رأي شوفي رأي البنات

__________________________________________________ __________

كتبت بواسطة السيدة فاطمة

انا براي عندما تنتهي من الاسكارف
تنظفين الشغل بقطع الخيط وتربطية وتدخلية داخل الاسكارف
هذا رأي شوفي رأي البنات

ما اهو أنا يا حبيبتى ممكن أعمل كدة من دلوقتى
بس أنا مش عايزة أقطع الخيط وأيهدله
لأن ممكن فى أى لحظة حسين (ابن أخى) يغير رأيه فاضطر أفك الشغل
تعبتك يا حبيبتى
ربنا يخليكى ليا
طماطم ما قلتيش رأيك فى الشغل وتركيب الالوان
يهمنى رايك يا قمر؟

__________________________________________________ __________

لو عليا انا اساوي الاطراف بغرزة الحشو ويكون بلون الطرف العريض
وانتي تشتغلي تمرري الخيوط داخل الغرز وبالتالي سو تختفي وحيكون الشكل جميل
على فكرة انا مش خبيرة تريكو بس اعطيتك راي
بالتوفيق يا رب

__________________________________________________ __________

كتبت بواسطة لبنانية بجدة
لو عليا انا اساوي الاطراف بغرزة الحشو ويكون بلون الطرف العريض
وانتي تشتغلي تمرري الخيوط داخل الغرز وبالتالي سو تختفي وحيكون الشكل جميل
على فكرة انا مش خبيرة تريكو بس اعطيتك راي
بالتوفيق يا رب

اهلا بيكى
دى أول مرة حضرتك تنورى موضوع من موضوعاتى
وان شاء الله ما تكونش الاخيرة

مرسى على سرعة الاستجابة

وفكرة حلوة أوى
وفعلاً هتدارى الخيوط
مشكورة حبيبتى

__________________________________________________ __________

الشكر لله وحده يا قلبي
اتمنى لك الاستفادة

انا راى زى الاستاذة لبنانية
تعمل عليه غرزة حشو داير ما يدور بس بلون واحد كانه اطار وعلى شرط تشدى الخيط اللى طالع من الجنب عشان تقدرى تشتغلى عليه ومايكونش الغرزة مهدله
وماشاء الله الكوفيه حلوة جدا ذوق ابن اخوكى حلو جدا
الكلمات الدلالية (Tags): لا يوجد