السلام عليكم

ازيكم عاملين اية ؟
انا رجعتلكم النهاردة باعمال تانية لية ويارب تعجبكم

دى شنطة عملتها لبنتى من فترة




ودة اللكلوك




انا هقول ليكوا الطريقة باختصار

ولو عايزين اى سؤال انا تحت امركم

الاول ابتديت 18 سلسلة واشتغلت حواليها غرزة الحشو مع ملاحظة ان فى كل سطر عند الدوران بنزود غرزتين حشو
لحدمنعمل الحجم اللى عيزينة هيطلع الشكل دة




وبعد كدة نشتغل سطرين من غير منزود عند الدوران علشان الشغل يطلع على فوق
والسطر الثالث هنعمل بردة غرزة الحشو بس من امام اللكلوك هناخد غرزتين مع بعض ونشتغل الوش كلة عواميد وبعد كدة غرزتين حشو مع بعض بردة ونشتغل الباقى حشو عادى
هيطلع الشكل دة




وبعد كدة نعمل باللون التانى (الاحمر)سطر كاة حشو مع مراعاة اننا اخذ غرتين حشو مع بعض من الجمبين عند اللكلوك من قدام

وببعد كدة نشتغل سطرين عواميد بنفس اللون(الاحمر)
مع مراعاة اخد 3 غرز مع بعض من الطرفين عند اللكلوك من قدام
اخر سطر هنعمل غرزة الحشو ونطلع منها 12 سلسلة ونشتغلهم عواميد ونكمل باقى السطر حشو وخلاص كدة



يلا سلام


انا مستنية ردودكم

روعة يا جمانة ما شاء الله تسلم إيدك يا قمر

طيب يجننون ياختي ممكن طريقة الشنطه؟؟؟؟

تسلم ايدك ما شاء الله عليكى

روووووووووووعة ماشاء الله

كتبت بواسطة مناوي الدلوعة
طيب يجننون ياختي ممكن طريقة الشنطه؟؟؟؟



شكرا اولا لردك ولكل الردود الجميلة دى اللى بتشجعنى

الشنطة بتبتدي سلسلة على حسب حجمالشنطة اللى انتى عيزاة وتشتغلى حوالية اعمدة وتقفلى فى اخر عمود بغرزة منزلقة ولانها شنطة طفلة فمش محتاجين ليها قاعدة يعنى متزوديش فى الغرز
وهتشتغلى اربع سطور اعمدة عادى خالص
وبعد كدة هتشتغلى ثلاثة عواميد وسلسلتين وتسيبى غرزتين من السطر السابق وتعملى ثلاثة عواميد وهكذا لحد متقفلى السطر

وبعد كدة هتشتغلى العواميد الثلاثة جوة السلستين للسطر السابق وسلسلتين لحد اخر السطر وتعملى بنفس الطريقة 7 اسطر

وبعد كدة بتعملى للشنطة اى فستونات كحلية من فوق

اما ايد الشنطة انا جبت زى خرطوم رفيع اوى ولفيت علية الخيط وخيطها من الجمبين وبس
ولو عايزو اى سؤال قوليلى