حبيبتى الطائعة ان قريت موضوعك بخصوص طلب شرح البلوزة الحمراء ونزلت لك بعض من البلوزات اللى عملتها وان شاء الله لما اتمكن من تصوير الباقى هانزل الصور اوضح









واليكى الشرح يا عسل
1- نبدا بسم الله الرحمن الرحيم
2- اعملى سلسلة برقم زوجى على مقاس محيط الرقبة لكن مع مراعاة ان تكون واسعة عن الرقبة حتى يسهل الشغل ثم اغلقى بمنزلقة لتكوين دائرة
3- اعملى اول صف بغرزة الحشو
4- اعملى تانى صف بغرزة الصدفة اى ادخلى فى اول غرزة حشو واشتغلى 2 عامود وسلسلة و2 عامود فى نفس الغرزة ثم سلسلة ثم اتركى 4 غرز حشو واشتغلى فى الخامسة بنفس الترتيب (4 اعمدة بينهم سلسلة ثم اتركى 4 غرز حشو ثم 4 اعمدة بينهم سلسلة ) وهكذا
5- استمرى فى عمل نفس الطريقة 4 صفوف فى كل غرزة صدفة تعملى غرزة صدفة اى فى الفتحة اللى فى منتصف الغرزة ما بين العامودين والعامودين
6- ابداى فى توسيع الغرز بعمل 6 اعمدة بينهم 2 سلسلة ثم اتركى 2 سلسلة واشتغلى فى الغرزة اللى بعدها واستمرى 4 صفوف على هذا المنوال
7- البسى الدائرة وقيسى اذا كان طول الشغل يصل للباط ام لا
8- اذا كان لم يصل للباط بحيث تقفلى الطرف الخلفى مع الامامى لتكوين الكم فاكملى الشغل بنفس الطريقة حتى الوصول للباط
9- بعد وصول الشغل للباط عدى عدد الاعمدة الطولية اى الغرز اللى اشتغلتى فيها يعنى هاتعدى كام عامود متكون من غرزة الصدفة بالطول
10- اقسمى عدد اعمدة الشغل على4 ربع للامام وربع للخلف وربع للكم اليمين وربع للكم الشمال يعنى لو كان عدد الصفوف الطوليه 40 صف يبقى نعمل 10 للامام و10 للخلف و10 للكم اليمين و10 للكم الشمال والمقصود هو تخصيص 10 اعمدة متكونة من غرزة الصدفة لكل ربع
11- فى بداية الصف اشتغلى فى اول غرزة صدفة كما اتفقنا عادى ثم اتركى 8 غرز صدفة واشتغلى فى ال9
12-ثم اكملى الشغل اشتغلى 11 غرزة صدفة متتاليين ثم اتركى8 غرز صدفة وتشتغلى فى التالية لها واكملى باقى الصف شغل حتى نهايته
13- هاتلاحظى تكون الكمين على الجانبين
14- هاتشتغلى داير ما يدور للاسفل (منطقة الخصر) وتتركى الاكمام لا تشتغليها مع عمل التوسعة اللازمة فى عدد الغرز مثل ما عملنا فى البداية او حسب مقاس الخصر
15- بعد الوصول للطول المناسب للبلوزة اقطعى الخيط
16- لعمل الاكمام اشبكى الخيط فى اول غرزة تحت الباط واشتغلى فوق كل غرزة صدفة داير ما يدور مع مراعاة عدد الغرز فى صف الاكمام اللى تركناه من غير شغل سابقا يعنى لو كان عدد الغرز فى صدفة الكم 6 اعمدة يبقى نشتغل فوقهم 6 اعمدة ثم لو احتاج الامر الى توسيع الغرز حسب مقاس الاذرع نعمل التوسعة
17- لعمل الكم نازل على واسع او مثل زهرة اللوتس نوسع بعدد الغرز كل 3 صفوف او حسب الرغبة
ويارب اكون افدتكم وما توهتكم
نسيت اقولك انك ممكن تزينى اطراف البلوزة يعنى الرقبة بغرزة البيكو وممكن تزينى اطراف الكم والخصر بعمل اعمدة بلفتين وفوق كل عامود غرزة بيكو
واى سؤالى احنا فى الخدمة

وشوفى دى كمان عملتها لصديقتى بالاكمام

تسلمى يا ام ميار
فعلا البلوزة حلوة اوى وسهله
تعيشى وتعملى يا قمر

حلوين جدا وشرحك وافي

تسلم ايديك حبيبتي

السلام عليكم ورحمة الله وبركاته
اولا تسلم ايديك حلوين وثانيا اشكرك لأنك تشرحين وافي للكل وكنت تتسألين عن توارد افكارنا فعلا فيه توارد لأني قبل سنة لم اكن عضوة في هذا المنتدى ........ ودمت

تسلمى يا ام ميار يا عسل اية الجمال دا كلة ولية طمستى وجة البنات كنت عاوزة اشوفهم لان الاطفال ما بنطمس الوجة على ما اعتقد