طقم كامل للاطفال -تعليم الكروشي

aksachli

Administrator

تاريخ التسجيل: Dec 2014

المشاركات: 365533
- مشاركة
- تويت
#1

طقم كامل للاطفال -تعليم الكروشي

01-09-2015, 11:23 AM

عنوان الموضوع : طقم كامل للاطفال -تعليم الكروشي
مقدم من طرف منتديات أميرات

طقم للاطفال

الشرح

المواد المطلوبه
حاتحتاجي 4 شلات من اللون الاساسي وشلتين من لون يليق معاه ده بالنسبه للجاكيت وشله من كل من اللون الاساسي واللون التاني للبونيه والبوت – ابره كروشيه2 مم او أي مقاس تاني للحصول علي المقاساتوحاتحتاجي شريط ملون وزرارالجاكيتابدئي من عند الرقبه باللون الاساسي اعملي 59 سلسله من غير شد ويكون الطول 47.5سم

السطر الاساسي او سطر القاعدهغرزه حشو في خامس سلسله من الابره

*3سلسله – سيبي السلسله التاليه – غرزه حشو في السلسله التاليه - *

كرري مابين العلامتين حتي اخر السطر

اعملي 5 سلاسل ولفي

(كده حايكون عندك28 فراغ في السطر ده

السطر 2غرزه حشو في اول فراغ*3 سلاسل – غرزه حشو في الفراغ التالي* كرري مابين العلامتين حتي اخر السطراعملي 5 سلاسل ولفيعندك28 فراغ في السطر دهالسطر 3

اشتغلي زي السطر 2

عندك28 فراغ في السطر ده

السطر4

غرزه حشو في الفراغ الاول

*3سلاسل- غرزه حشو في الفراغ التالي– 3سلاسل- غرزة حشو فى الفراغ التالى-3 سلاسل_ حشو فى التالى_ 3سلاسل – غرزه حشو في نفس الفراغ*

كرري مابين العلامتين 7 مرات

(3سلاسل – غرزه حشو في الفراغ التالي)3مرات –

اعملي 5 سلاسل ولفي

كدة هيبقى عندنا 36 فراغ

السطر 5 و 6

زي السطر 2 منتهيه ب3 سلاسل

هيبقى عندنا 36 فراغ
السطر7

– وصلي الخيط التاني

3سلسلة بمثابة اول عمود فى غرزة العنقود

اعملي عنقود مكونه من3 اعمده في الفراغ التالي بجانب ال3 سلاسل

*3 سلاسل –عنقود تاني بس مكون من 4 اعمدة في الفراغ التالي *

كرري مابين العلامتين حتي اخر السطر واقفلي

وكدة هيبقى عندنا 35 فراغ

ودة غرزة العنقود

السطر 8 –

خلي وجه الشغل مواجه لك ووصلي الخيط الاساسي

واعملي5 سلاسل –

غرزه حشو في الفراغ الاول

* 3سلاسل – غرزه حشو في الفراغ التالي – 3 سلاسل – غرزه حشو في نفس الفراغ- 3سلاسل – غرزه حشو في الفراغ التالي*

كرري مابين العلامتين حتي نهايه السطر

واعملي3 سلاسل ثم غرزه حشو في قمه اخر فشاره من السطر السابق

ثم اعملي5 سلاسل ولفي

( كده حايكون عندك53 فراغ في السطر

ملحوظة

يعنى الى بين العلامتين هيبقى 2 غرزة حشو فى فراغ وغرزة حشو فى الفراغ الذى يلية وهكذا

يارب تكون الفكرة واضحة

انا فى انتظار تطبيقاتكم

السطر 9 الي 13

اشتغلي زي السطر 2 منتهيه ب3 سلاسل

هيبقى عندك 53 فراغ
السطر 14-

اشتغلي زي السطر 7

هيبقى عندنا 52 فراغ و53 عنقود

السطر 15-

اشتغلي زي السطر8

(حايكون عندك78 فراغ

السطر 16 الي 18 –

اشتغلي زي السطر 2

فتحة الكم

السطر 19 –

غرزه حشو في اول فراغ-

(3سلاسل – غرزه حشو في الفراغ التالي)11مره-

6سلاسل –

سيبي ال16 فراغ التاليه –

غرزه حشو في الفراغ التالي

(3سلاسل – غرزه حشو في الفراغ التالي)21 مره-

6 سلاسل

وسيبي ال16 فراغ التاليه –

غرزه حشو في الفراغ التالي –

(3 سلاسل – غرزه حشو في الفراغ التالي)11 مره –

5سلاسل ولفي
السطر 20-

غرزه حشو في الفراغ الاول

(3 سلاسل – غرزه حشو في الفراغ التالي)10 مرات -

*3سلاسل – غرزه حشوفي تاني سلسله من ال6 سلاسل من السطر السابق – 3 سلاسل – سيبي السلسلتين التاليتين واعملي غرزه حشو في السلسله التاليه- 3 سلاسل- غرزه حشو في الفراغ التالي*

(3سلاسل- غرزه حشوفي الفراغ التالي)20 مره

اشتغلي مابين العلامتين مره –

(اشتغلي 3 سلاسل - غرزه حشو في الفراغ التالي)11 مره-

3سلاسل ولفي

(حايكون عندك 48 فراغ

حاولو تركزوا شوية فى الدرس دة

ان شاء اللة يطلع مظبوط

السطر21-

اشتغلي زي السطر 7
السطر22-

ووجه الشغل في مواجهتك اشتغلي بالخيط الاساسي

5 سلاسل

وغرزه حشو في اول فراغ

(3 سلاسل – غرزه حشو في الفراغ التالي)5 مرات

* 3سلاسل- غرزه حشو في الفراغ التالي -3 سلاسل – غرزه حشو في نفس الفراغ

(3 سلاسل – غرزه حشو في الفراغ التالي )5 مرات *

كرري مابين العلامتين 5 مرات

(3 سلاسل – غرزه حشو في الفراغ التالي)4 مرات

-3سلاسل –

غرزه حشو في قمه اخر عنقود من السطر السابق

5سلاسل ولفى
هيبقى عندك 55 فراغ

السطر23 الي27 –

اشتغلي زي السطر2 منتهيه ب3 سلاسل

كرري من السطر21 الي السطر27- 3 مرات
اعملي 1 سلسله ولفي

السطر التالي

اعملي غرزه حشو فوق كل غرزه حشو و2 غرزه حشو فوق كلفراغ علي طول الحافه السفليه للجاكيت واعملي برضه علي الحافه الاماميه للجاكيت مع عمل حلقه مكونه من 3 سلاسل عند حرف الرقبه كعروه ثم اعملي غرزه حشو علي كل غرزه حشو وعلي كل فراغ في الرقبه وكملي علي الحافه الاماميه الاخري زي الاولي

السطر التالي

اعملي غرزه حشو فوف كل غرزه حشو من السطر السابه و5 غرز حشو في الحلقه بتاعه العروه

الاكمام

السطر 1-

ووجه الشغل في مواجهتل وصلي الخيط الاساسي في الفراغ المركزي في فتحه الكم من تحت

- اغملي4 سلاسل –

غرزه حشوفي نفس الفراغ فى اخر غرزة حشو فى الجاكيت

(3 سلاسل – غرزه حشو في الفراغ التالي - )16 مره

– 3سلاسل –

غرزه حشو في نفس الفراغ الاخيرللجاكيت

–عمود في اول سلسله من ال4 سلاسل البدايه –

3 سلاسل ولفي

السطر2-

غرزه حشو في اول فراغ مكون من 3 سلاسل

* 3 سلاسل- غرزه حشو في الفراغ التالي*

كرري مابين العلامتين حتي اخر السطر

منتهيه بعمود في العمود السابق

و3 سلاسل ولفي

السطر3-

وصلي الخيط التاني

واعملي عنقود في الفراغ المتكون من العمود

*3 سلاسل – عنقود في الفراغ التالي*

كرري مابين العلامتين حتي نهايه السطر

واعملي 3 سلاسل

وغرزه منزلقه في قمه اول فشاره في السطر واقفلي

السطر4 –

ووجه الشغل في مواجهتك وبالخيط الاساسي اعملي لفه بعد ادخال الابره في الفراغ اللي علي يسار اول فشاره

ثم اعملي 4 سلاسل

وغرزه حشو في الفراغ التالي

* 3 سلاسل – غرزه حشو في الفراغ التالي *

كرري مابين العلامتين حتي اخر السطر

ثم اعملي عمود في اول سلسله من ال4 سلاسل في بدايه السطر – 3

سلاسل ولفي

السطر 5 الي 9 –

اعملي زي السطر2

كرري من السطر3 الي السطر9- 3 مرات منتهيه بسلسله

السطر التالي –

اشتغلي غرزه حشو فوق كل غرزه حشو وغرزه حشو فوق كل فراغ – سلسله ولفي

السطر التالي-

سيبي اول غرزه حشو واعملي غرزه حشو فوق كل غرزه حشو الي نهايه السطر – غرزه منزلقه في اول سلسله واقفلي

القبعة

ابدئي بغمل 4 سلاسل بالخبط الاساسى واقفليهم بمنزلقه لتكوين حلقه

السطر الاول –

سلسله –

7 غرز حشو في الحلقه

واقفلي بغرزه منزلقه في اول السلسله اللى بداتي بيها ,

سلسلة ولفي

اسطر التاني-

غرزه حشو في الغرزه المنزلقه

* غرزتين حشو في الغرزه التاليه*

كرري مابين العلامتين الي نهايه السطر

واقفلي بغرزه منزلقه في السلسله الاولي

ولفي واعملي الاتي

يلا نكمل باقى القبعة

اول سطر-

غرزه حشو في الغرزه التاليه,

*3 سلسلة, غرزة حشو فى الفراغ التالى *

كرري مابين العلامتين حتي اخر السطر

واعملي عمود في اخر غرزه –

3 سلاسل ولفي

السطر الثاني-

غرزه حشو اول فراغ مكون من 3 سلاسل

* 3سلاسل- غرزه حشو في الفراغ التالي- *

وكرري مابين العلامتين حتي اخر السطر –

عمود في العمود من السطر السابق

– 3سلاسل ولفي

السطر الثالث-

كرري السطر الثاني
السطر الرابع-

غرزه حشو في اول فراغ مكونمن 3 سلاسل-

*3 سلاسل- غرزه حشو في نفس الفراغ الاول(3 سلاسل – غرزهحشو في الفراغ التالي)مرتين*

كرري مابين العلامتين ** حتياخر السطر

– عمود في العمود اللي في السطر السابق –

3سلاسل ولفي

السطر الخامس والسادس-

اشتغلي زي السطرالثاني
السطر السابع

وصلي الخيط واعملي فشاره في الفراغ اللي اتعمل بالعمود

* 3سلاسل – فشاره في الفراغ التالي*

كرري مابين العلامتين حتي اخر السطر –

3سلاسل – غرزه منزلقه في قمه الفشاره الاولي في السطر واقفلي

واقطعي الخيط

السطر الثامن –

ووجه الشغل في مواجهتك والخيط وصلي خيط في الفراغ اللي علي يسار اول فشاره –

4سلاسل- غرزه حشو في الفراغ التالي

*(3سلاسل- غرزه حشو في الفراغ التالي)مرتين – 3سلاسل – غرزه حشو في الفراغ التالي – 3 سلاسل – غرزه حشو في نفس الفراغ- *كرري مابين العلامتين** حتي اخر السطر منهيه اخر تكرار ب(3 سلاسل- غرزه حشو في الفراغ التالي)مرتين –

عمود في اول سلسله من ال4 سلاسل اللي بداتي بيهم السطر –

3سلاسل ولفي

السطر 9 الي13-

اشتغلي زي السطر 2

السطر 14 –

اشتغلي زي السطر 7

السطر 15-

ووجه الشغل في مواجهتك وبالخيط وصلي الخيط في الفراغ الي اليسار من اول فشاره

واعملي4 سلاسل – غرزه حشو في الفراغ التالي

* 3 سلاسل – غرزه حشو في الفراغ التالي- *

كرري مابين العلامتين حتي اخر السطر

واعملي عمود في اول سلسله من ال4 سلاسل اللي بديتي بيهم السطر –

3سلاسل ولفي

السطر 16:20

اشتغلى زى السطر التانى

وانا اكتفيت على كدة وقفلت بس الى عاوز يزود براحتة

وقفلت بسطرين زى قفلت الجاكيت بالظبط

بغرز الحشو

الحذاء
.

نبدأ من الانكل بالخيط الثاني
اعملي 39 سلسلة اشبكي الاول بالاخر ب غرزة حشو لتكوين دائرة

السطر الاول:
اشتغلي 3 سلسلة
سيبي اول غرزتين بدون شغل واشتغلي في الثالثة غرزة حشو
وكرري 3سلسلة ثم غرزة حشو في ثالث غرزة من الابرة حتى تصلي الى اخر غرزتين فوتي واحدة واعملي غرزة عمود بلفة في غرزة الحشو اللي عملت الدايرة

السطر الثاني:
غرزة حشو في اول فراغ 3 سلسلة ثم غرزة حشو في الفراغ التالي وهكذا 3سلسلة ثم غرزة حشو في الفراغ التالي الى اخر اللسطر ثم غرزة عمود بلفة في عمود السطر السابق

السطر الثالث الى السابع
: مثل السطر الثاني وننهي الخر سطر بسلسلة واحدة

السطر الثامن:
غرزة حشو في اول غرزة حشو 2 غرزة حشو في الفراغ التالي وغرزة حشو في الغرزة التالية وهكذا 2 غرزة حشو في الفراغ التالي وغرزة حشو في الغرزة التالية الى نهاية السطر غرزة حشو في السلسلة التي في السطر السابق ثم ا سلسلة

السطر التاسع :
فوتي اول غرزة ثم غرزة حشو في كل غرزة الى نهاية السطر ثم غرزة غرزة حشو في السلسلة التالية وانهي العمل واقطعي الخيط

لعمل القدم – خلي الوجه الامامي للشغل في مواجهتك وصلي الخيط Bفي خامس فراغ من القاعده واعملي سلسله

السطر1-
5 سلاسل – غرزه حشو في الفراغ التالي – (3 سلاسل – غرزه حشو في الفراغ التالي) 3 مرات – 5 سلاسل ولفي

.
السطر 2الي10
– غرزه حشو في اول فراغ - *3سلاسل – غرزه حشو في الفراغ التالي* وكرري مابين العلامتين الي اخر السطر واعملي5سلاسل ولفي

السطر11-
غرزه حشو في اول فراغ - * 3سلاسل – غرزه حشو في الفراغ التالي*وكرري مابين العلامتين حتي نهايه السطر واقفلي واقطعي الخيط

ووجه الشغل في مواجهتك وصلي الخيط Bفي اول فراغ في القاعده واعملي سلسله
.
السطر1 او اللفه 1- 4
سلسله – غرزه حشو في الفراغ التالي *3 سلسله – غرزه حشو في الفراغ التالي*وكرري مابين العلامتين حتي نهايه السطر واعملي عمود فياول سلسله من ال4 سلاسل اللي بداتي بيها السطر ثم 3 سلسله ولفي
.
السطر 2 الي4-
غرزه حشو في اول فراغ *3 سلسله – غرزه حشو في الفراغ التالي* وكرري مابين العلامتين حتي اخر السطر واعملي عمود في العمود اللي عملتيه في السطر السابق – 3سلاسل ولفي
.
السطر5-
وصلي الخيط واعملي فشاره في الفراغ اللي اتعمل بالعمود *3سلسله – فشاره في الفراغ التالي*كرري مابين القوسين حتي نهايه السطر – 3سلسله – غرزه منزلق في قمه الفشاره واقفلي
.
السطر 6-
اعملي غرزه في خلال الفراغ ووجه الشغل في مواجهتك والخيط يسار اول فشاره – 4سلسله –غرزه حشو في الفراغ التالي* 3سلسله – غرزه حشو في الفراغ التالي* وكرري مابين العلامتين حتي نهايه السطر ثم اعملي عمود في اول سلسله من ال4 سلاسل في بدايه السطر – 3سلسله ولفي
.
السطر7 الي11
اشتغلي مثل السطر2
:-السطر 12 – غرزه حشو في اول فراغ*2سلسله – غرزه حشو في الفراغ التالي* وكرري مابين العلامتين حتي نهايه السطر – عمود في العمود من السطر السابق واقفلي وخيطي وركبي شريط

>>>>> ردود الأعضـــــــــــــــــــاء على الموضوع <<<<<
==================================

تسلمين رشا والحمد لله على سلامتك وسلامه حنين

__________________________________________________ __________

حمد لله على سلامتك وسلامه حنين
وربنا يخليهالك ويحميها يا رب
وشكرا على الشرح الجميل والمفصل بس انا كنت عايزه اعرف على الشرح ده يلبس سن كام
ولو عايزه اعمله اكبر لسن سنتين اعمل ايه

__________________________________________________ __________

بسم الله ما شاء الله
الطقم حبيبتى راائع جددا
سلمت يمناكى
وبنزتك بسم الله ما شاء الله عليها
مثل البدر الله أكبر ولا حول ولا قوة الا بالله
ما شاء الله تبارك الله
ربنا يخليهالك حبيبتى ويحفظهالك من كل سوء
وتكون بارة بكى يارب العالمين اللهم أميين
شكرا جزيلا لكى أختى الحبيبة على الطاقم الجمييييييييل

__________________________________________________ __________

مشكوره غاليتى موضوع اكثر من رائع ربنا بجزاك كل خير

__________________________________________________ __________

اخواتى اتمنى ان تكون ردودكم متعلقه بالموضوع يمكنكم استخدام الرسائل او تشاركو في دردشه ركن الكروشيه في الالعاب لاى احاديث اخرى

يمنع طرح مواضيع(الشات) وأي موضوع يُقلب لحوارمنهذا النوع سيحذف

اطلعو على القوانين المثبته

ميرسى ليكم كلكم على الردود الجميلة دة

واللة يسلمكم جميعا

ويانونا

هو تقريبا الطقم لسن 6 شهور

وانت لو عاوزة اكبر هتودى فى عدد السلسلة الاولى على حسب فتحة الرقبة بس وهتكملى باقى الشغل عادى بزيادة عدد الغرز الى انت عملتيها
الكلمات الدلالية (Tags): لا يوجد

السابق template التالي

إعـــــــلان

طقم كامل للاطفال -تعليم الكروشي

طقم كامل للاطفال -تعليم الكروشي