حبيباتى اخيرا نبدأ مع بعض ورشة البلوزة الشتوى
التى طال انتظارها واعذرونى عشان كنت مشغولة اليومين اللى فاتوا
بس الحمد لله قدرت اصور لكم خطوات الغرزة
وطبعا البلوزة شتوى يعنى الخيط صوف
ويستحسن يكون الخيط رفيع شوية عشان الغرزة فيها خيوط كتير
وممكن تتخن شوية فى اللبس

ياللا نبدأ بدل الرغى ده كله
انا عملت عينة من الغرزة وانتم بقى اعملوا على مقاس البلوزة

اولا : الخيط صوف مش تخين قوى ممكن البلوزة تاخد 5 بكرات
ثانيا : الابرة حسب سمك الخيط يعنى بتبقى مكتوب على البكرة رقم الابرة
ويستحسن مع الصوف الابرة البلاستيك الرمادى عشان الحديد ممكن تنتش الخيط

البلوزة


الباترون


العينة اللى عملتها الاولى بالخيط الرفيع والتانية بالخيط الموهير التخين شوية


- نعمل سلسلة بعرض البلوزة يعنى ناخد المقاس بزيادة شوية

- نعد 4 سلاسل وندخل الابرة فى خامس غرزة
ونعمل عمود بس غير منتهى

- وفى نفس الغرزة نعمل عمودين اخرين غير منتهيين

- وبعدين نلف الخيط على الابرة وناخد كل الخيوط اللى على الابرة
ونخليها فى غرزة واحدة يعنى حيبقى على الابرة خيطين

- وبعدين نلف الخيط على الابرة ونطلعه من الخيطين اللى على الابرة
- ونعمل سلسلة من غرزتين

- وفى نفس الغرزة نكرر الخطوات السابقة

- نعد 3 غرز من تحت وندخل فى الرابعة ونكرر نفس الخطوات السابقة

- فى اخر الصف نعمل عمود كامل ونعمل 4 غرز سلسلة ونقلب الشغل

- نعمل نفس الخطوات الاولى ولكن فى وسط السلسلة اللى فى الصف السابق حتى اخر الصف

- نعمل فى اخر الصف عمود بعد مانفوت غرزة


وهكذا نكرر الصفوف حتى الطول المطلوب


العينة دى اخر صف فيها بغرز واحدة فى المنتصف


جربوها وورونى ..............

يشرفنى اكون اول واحده ارد عليكى
ماااااااااااا شااااااااااااااء الله موضوع رائع وشرح وافى
دائما متميزة
ومعاكى ان شاء الله