السلام عليكم ورحمة الله وبركاته

مرحبا حبيبات ألبي ,, حياكم الله نورتوا الموضوع كلكم << متحمسه اليوم

بقولكم قصتي من طأطأ للسلام عليكم

كانت عندي جزمه كعب (الله يعزكم) وكنت شاريتها من فتره وما استخدمتها والحين راح موديلها

ومن زمااااااان وبخاطري أسويلي جزمه من الكروشيه ,, بس المشكله إن ماعندي مصنع جزم

ودايما يقولون الحاجه أم الاختراع << احم صرت مخترعه >> يازيني وأنا ساكته

أول شي أخذت الكعب هذا (الجزمه) (الله يعزكم)


وبعدين سويت شراب من الكروشيه
ابتديته ب 11 سلسله وبعدين قمت أزيد و أنقص من الأطراف حسب مقاس رجلي وكملت الشغل وكأنه شراب عادي ,, بعدين سويت الجزء العلوي

وطلع كذا


آخر شي أخذت الجزمه والشراب ووديتهم محل يسوي جزم

وشال الجزء العلوي وحط شرابي الجميل وركب الجلده داخل الشراب وثبتها على الجزمه

وهذا الشكل النهائي


ولبسته وتمشيت فيه بالبيت خخخخ<< مبسوطه فيه

بس صارت عندي مشكله اللي هي ان رجلي تتزحلق لأنها من فوق خيوط ومن تحت جلد بزحلق (مو ثابته) ,, بس من الفرحه قدرت أمشي فيه

والحين أبي رايكم وانتقاداتكم ^_^