لي رجاء لو سمحتوا نفسي جدا اعمل المفرش الرائع ده يا اخواتي

يارب الاقي عندكم باترونه

المفرش فعلا جميل

ذوقك حلو يا قسمت

ان شاء الله الاخوات يساعدوكى حبيبتى فى طلبك

أنا مش عندي باترونه
لكن أعرف فكرته
الجزء الأول :-
سلاسل عادية تقفل بمنزلقة و عددها تحدديها حسب الحجم المطلوب
و بعدين تعملي سطرين أو ثلاثه أعمدة حسب الحجم المطلوب
الجزء الثاني :-
5سلاسل أو 6 و تسيبي 3 أعمدة و تنزلي في الرابع بمنزلقة
و السطر اللي بعده برضه 5 سلاسل أو 6 حسب و اشتغلتي و تعملي منزلقة في منتصف اللوب المتكون من السطر السابق
الجزء الثالث :-
بتعملي عدد فرررردي من السلاسل و ليكن 11 أو 13 حسب حجم المفرش و حجم التنيات المطلوبة و تثبتي بمنزلقة في منتصف اللوب
السطر التالي تشتغلي عمود في كل سلسلة و 3 في غرزة المنتصف فقط
و تكرري السطر الأخير 6 أو 7 مرات
الجزء الرابع :-
مثل الجزء الثاني
الجزء الخامس
مثل الجزء الثالث
و في النهاية تزين الأطراف بغرزة البيكو أو أي غرزة للأطراف
و تعمل وردة و تشبك في منتصف المفرش
و أنا موجودة في أي وقت لو في حاجة مش واضحة و أرجو أن يكون الشرح واضح و أكون أفدتك و لو افادة صغيرة

شكرا حبيبتي ايمان علي مساعدتك جزاك الله كل خير. بس ياريت يكون فيه باترون مرسوم .

معلش انا زودتها في طلبي لكن انا عارفه انكم اهل الكرم كله

شكراً ليكي يا قسمت علي المفرش الجميل ده .. شغله شيك
وشكراً ليكي يا إيمان افادتينا فعلاً يا حبيبتي .. شرح مبسط ومفهوم

جميل جدا

تسلمين قسمت على ذوقك فى اختيار المفرش
و شكرا احلى روزا على المتابعه