السلام عليكم
الاخوات الفنانات في الكروشية انا شفت في منتدى اخر هذي الوردة وحاولت اسويها وعجزت قلت اسالكم وجاوبوني ولا تطنشوني ارجوكم

والله يوفقها لما يحبه ويرضاة وينولها اللي في بالها يااااااااااااااااااااااارب

الاخت العزيزه

لو عندك باترون ليها ياريت تحطيه علشان نقدر نفيدك

عزيزتى عطر الليالى لو ركزتى فى الرسمة حتلاقيها سهلة قوى
لو بتفهمى بالشرح ممكن اشرحلك
لو بتفهمى بالباترون كان عندى الباترون بس اتحذف مع الصور اللى اتحذفت
انا حاشرحلك وانت طبقى واى حاجة اسألى :
- نعمل سلسلة من خمس غرز ونقفلهم عشان يبقوا دائرة
- تملئي الدائرة بغرزة الحشو 12 غرزة
- السطر اللى بعده تعملى سلسلة من 8 او 9 غرز وترجعى على السلسلة دى بغرزة الحشو تعملى فى غرزة مرتين حشو واللى بعدها مرة واحدة عشان يديدكى التقوس ده اخر السطر نحطى الابرة فى تانى غرزة فى الدائرة وتقلبى الشغل
- ترجعى على غرزة الحشو بعواميد بنفس الطريقة غرزة تشتغلى فيها عمودين وغرزة لأ لغاية اخر السطر.. ده كله بنشتغل فى ورقة واحدة من الست ورقات
-ترجعى على العواميد بغرزة حشو وعشان نعمل الزوائد اللى فوق بعد 3 غرزاو 4 تعملى سلسلة من 3 سلاسل وتنزلى بالابرة وتدخليها فى اسفل ال3 غرز دول بغرز منزلقة حتديكى الزايدة اللى على الاطراف وهكذا لغاية اخر السطر فى اخر السطر تدخلى الابرة فى تالت غرزة فى الدائرة وتعملى غرزة حشو وتطلعى بسلسلة جديدة عشان تعملى الورقة التانية اخر غرزة فى السلسلة تدخليها فى زايدة من الزوائد اللى على الحرف فى الورقة الاولى ونكررنفس الشغل فى الورقة التانية وهكذا لغاية الاخر

يارب تكونى فهمتى شرحى ولو عايزة اى سؤال اة توضيح انا تحت امرك

وممكن تعمليها بغرز حشو بس مش شرط عواميد

فنانه والله يافنانه

انا حاولت اركز بس مش عرفت علشان اقدر افسرها

حبيبتى دعوتى تسلمى لى
ممكن تحاولى تقرى الشرح اكيد حتعرفى تعمليها
دى سهلة خالص بس الطلعة الاولى هى اللى صعبة شوية

شكرا للجميع على المرور
وانت ياست الفنانات والله شكلها صعبة شوي بس اسمحيلي احاول فيها وارد عليك