إعـــــــلان

تقليص
لا يوجد إعلان حتى الآن.

ستاره سههههههله وافكار اسههههههههل - أشغال يدوية

تقليص
X
تقليص
 
  • الصفحة لـ 1
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق template التالي
  • #1

    ستاره سههههههله وافكار اسههههههههل - أشغال يدوية

    عنوان الموضوع : ستاره سههههههله وافكار اسههههههههل - أشغال يدوية
    مقدم من طرف منتديات أميرات


    جايبلكم النهارده فكره ستاره سهله جدااااااا فتنفيذها وعمليه فى استعمالها وكمان مش مكلفه...
    وده شكلها...

    انا عملاها من سنتين وكنت شفتها فى برنامج مجله المرأه على قناه أقرا..




    نبدأ الشرح ...
    الفكره الرئيسيه ان الستاره هتتعمل زى كيس المخده بالضبط....
    عرضه حوالى 50سم وطوله ضعف مقاس الشباك او الحائط اللى هتتركب عليه الستاره..يعنى لو الحائط 3متر يبقى الستاره 6متر عشان الكشكشه...
    تستخدمى قماش من لونين عشان شكلها يبقى ظاهر ولانى الفكره اصلا بتعتمد على اختلاف الالوان...



    هتتحتاجى ان الجزء الحديد اللى عليه ماسوره الستاره يكون بتركب عليه ماسورتين ..(لو مش عندك ممكن تشتريها وتغيرى من الشكل المعتاد للستاره)ودى صورتها..




    جبتى القماش لونين هتقصى العرض 50سم زى وعامله منهم حساب 5سم الخياطه من جوا يعنى عرضها بعد الخياطه 45...والطول ضعف المسافه اللى موجوده عندك ...طيب هتقولى كده هاجيب قماش كتير؟؟ لا طبعا لا لانك هتوصلى المسافات ببعض وكده هتوفر معاكى كتير..

    بعد القص وقبل الخياطه هتيجى على حافه القماش وتمشيه عى الشمعه او النار عشان متننسلش الاطراف... بس اوعى تحرقيها كلها

    هتخيطيها على القلبه زى كيس المخده بالضبط وبعدين هتقلبيها على العدله (وجه القماش)..
    هنعمل خطين او مجرى عشان هو ده اللى هتدخل فيه الماسوره...




    كده الستاره خلصت .. سهله دواتى هتدخليها كلها فى الماسوره وتلفيها لحد ميظهرلك الشكل بتاعها بحيث كل لفه تلاقى لون..
    وانا كل مره بغسلها بغير اتجاه اللفه مره يمين ومره شمال وممكن نصفها يمين ونصفها شمال وبتبقى حلوه قوييييييييييى...

    وده شكلها قبل متتركب...


    وده الشكل النهائى..


    ودى نفس الستاره بس بلون تانى ...


    والقصاقيص اللى هتزيد ممكن تعملى منها مفرش زى ده..



    دى افكار للتطريز على الملابس بالخرز كنت مشتركه بها فى موضوع poseecat دوره التطريز ..
    حبيت انزلهم تانى عشان الكل يستفيد...

    دى صور لورد مشغول بالترتر والارضيه ورقه ورد قماش..
    تعمل منهم كذا لون وتستعمليهم على اى حاجه عندك...انا حاطه منهم على شنطه خيش..



    دى توكه حزام بلاستيك غطيتها بستان وشغلت عليها بالخرز الكسر الاسودوعملتلها دلايات..
    بستخدمها توكه لحزام فاى طقم سواريه كمان بحطها فى نهايه الطرحه قبل اللفه الاخيره وبيبقى شكلها حلو قوى...


    ده توينز قديم وقماشته شبه الكروشيه...جبتله ترتر من نفس لونه شفاف وشغلته عليه بنفس الطريقه اللى قالت عليهاposeecat قشر السمك..وشكله على الحقيقه احلى كتير من الصور...


    دى افكار للتطريز بس بشويه اضافات...
    الصور اللى جايه دى صور حزام معدن جربتانى استعمله اطار للاحجار وبيكون شكلها شيك اوى..



    الصور اللى جايه اشكال احجار والماظات واستخدامها..
    انا حاطه منهم على بانشو شيفون..




    دى اشكال تانيه من الكريستالات..
    ممكن تشتريهمزى الخرز والترتر..وممكن تلاقيها فتوك الاطفال وبيكون منها اشكال حلوه وكتيره وطبعا ارخص...


    فى حاجه اسمها شلنات او قروش معدنوبتتحط على الملابس والشنط والسابوهات واى حاجه عندك وشكلها حلو قوى..



    واخيرااااااا ...
    ده طقم كان فى مجله حجاب واحنا نفذنا زيه على فرح اختى...هو بياخد وقت كتيييير وطبعااااااااا متعب بس النتيجه الحله بتنسيكى التعب...


    ودى اجزاء من الشغل من قريب...


    عندى شويه نصائح سريعه..
    -لو عايزه تطرزى بالخرز ومش عندك رسمه جربى رسمه الاول فقماشه من الخارج لحد متستقرى على رسمه معينه وكمان عشان ايديك تاخد على الشغل..


    لو عايزه تعملى زى التطريز اللى فات ...تجيبى قلمين رصاص وتلزيقهم فبعض عشان لما ترسمى يكون الخطين قصاد بعض والشغل هيبقى سهل ومضبوط...

    لو بتشتغلى طقم كبير اعملى كل جزء بخيط وحده عشان لو اتقطعت حاجه ميكرش الشغل كله ويبقى تعبك راح على الفاضى..

    يا رب اكون عرفت اطلع كل اللى فدماغى ..ولو افتكرت اى حاجه هقولكم عليها ..
    واى سؤال انا تحت امركم...

    ادعولى ربنا يهدينى ويصلح حالى ويتقبل منى ويرزقنى ما اتمناه...آآآآآآميييين


    >>>>> ردود الأعضـــــــــــــــــــاء على الموضوع <<<<<
    ==================================

    مشكورة والله يجازيك خير على المعلومات المفيدة

    __________________________________________________ __________

    __________________________________________________ __________
    موضوع رائع يارومة يا قمر
    انتى فنانة ايه الجمال ده كله
    جزاك الله خيرا

    __________________________________________________ __________
    ماشاء الله
    تسلم الايادي وموفقه ان شاء الله

    __________________________________________________ __________
    جزاكى الله خيرا على المعرض
    وعلى النصائح

    بسم الله ما شاء الله عليكى
    بجد فنانة
    تسلم ايديكى


    الكلمات الدلالية (Tags): لا يوجد
السابق template التالي
يعمل...
X