بسم الله الرحمن الرحيم
اسعد الله اوقاتكم بكل خير
وانا بتصفح ردودكم الحلوه على موضوع لعيونكم شيت عمل السنسال اختنا ام الكابتن طلبت طريقة عمل اسواره وتكرم عينها وعيونكم كلكم حبيباتي ...... وانا لاي شي بعرفه ان شاء الله ما راح اقصر

اوكي خلينا نبلش
المطلوب: زراديتين المبرومه والمبسطه , خيط نايلون مطاط (وهو شفاف طبعا ) , ضفدعه (هيك متعارف عليها عنا) حلقات , قفله للاسواره , خرز ملون, حدايد اكسسوار. وهي صورهم








اول شي بناخد خيط نايلون على مرتين وبنقيس 25 سم وبنقص( 50 سم على 2)
بنجيب الضفدعه وبندخل الخيطين من وبنعمل عقده كبيره شوي حتى ما تطلع او تخرج من الفتحه


شفتي العقده؟ هلأ بنشدها للداخل وبواسطة الزراديه المبسطه بنقفل الضفدعه عبعض فبيصير عنا كره فضيه
وشايفه الشكل المعكوف اللي بالضفدعه هاي بواسطة الزراديه المبرومه بنكمل لفها وبنقفلها



هلأ بنحط خرزه بكل خيط يعني بالطرفين



حبة خرز مغايره باللون بندخلها بخيط والخيط التاني بندخله من مكان ما خرج الاولاني يعني واحد بعكس التاني
ونشد


هلأ بندخل خرزتين وحده بكل خيط وبنجيب حديدة اكسسوار الها فتحات من الخلف وبندخل الخيطان من خلالهم



هيك بيصير المنظر وهاد الوجه شيت الحديده



بنكفي الشغل على نفس الطريقه وبنوصل للنهايه




هلأ دور الضفدعه التانيه لقفلها بندخل الخيطين من الفتحه وبنعمل عقده بربط الخيطين سوا وبنقفل الضفدعه متل الاول وبنقص الزايد من الخيطين بس مو للآخر بنخلي شوي عشان نلحمهم بالنار وبنسكر عكفة الضفدعه







هيك صار شكلها بعد القفل


بنجيب حلقه وبنفتحها بشدها للامام طرف وللخلف الطرف الآخر وبندخل قفلة الاسواره فيها وبنرجع بنقفل الحلقه



هلأ الجهه التانيه من الاسواره بنوضع حلقه وسلسله فضيه وبآخر السلسله بندخل حرف من اسمنا او خرز متل ما بدك وهاد شكلها النهائي



وهيدول كمان اشكال تانيه



وهيدول كنت عاملتهم من قبل لبنتي بس بدون قفلات ربط عطول مهو الخيط مطاط فسهل يلتبس و ينشلح




هاد موضوعي الاول وفي موضوع تاني حنزله بكره ان شاء الله تطبيق للي شفته ب يو تيوب
سلام حبيباتي

الله عليهم يجننوا بجد
تسلم ايديكى
ايه الحلاوه دى
انا ننفيى اتعلم من زمان اعمل الأكسسوارات دى
ميرسى اوى
انا هجيب الخامات وهنفذها
بس الضفدعه دى لو قلت للراجل كده هيفهم والا ليها اسم تانى فى مصر
شكرا اوى
مستنيه منك دروس اكتر فى الموضوع ده وابداع اكتر
ميرسى يا قمر

مرحبا
هلا بسبس
والله انت اللي قمر بردك اللي زي العسل
حبيبتي ما بعرف بمصر شو بيقولوا عنها بس ممكن تشرحيله لشو بتستخدم واذا عندك طابعه اطبعيها وورجيه الصوره هيك بعمل انا لما اشوف شي مو مدلوله عاسمه
الله يوفقك
سلام

بارك الله فيك

موضوع مميز كعاده موضوعاتك
بس انا زعلانه منك لانك مش راضيه تشاركينا في الدورات

جميل

طرق جميله انا بعمل بنفسي ويوم خطوبتي عملت طقم فستان الخطوبه بنفسي

وكان جميل جدا لكن ما عندي وقت الحين لعمل هذه الاشياء

يعطيك الف عافيه اختي

فكرتها حلوة
تسلم الايادي

وانا حفظت الطريقة على الجهاز .