الله يسهل عليك عزيزتي، يا ريت فقط تخبرينا لوين مسافرة وقديش المسافة لأنه هذا رح يساعد أكثر.

وبعدين شوفي عزيزتي، السفر ما هو بهالصعوبة اللي بتتصوريها، يعني كل الناس متجهة بتكون نفس الاتجاه، وطالما بتقرأي وبتحكي، ما في مشكلة

نصيحة، ما تزيدي حملك، احملي حقيبة متوسطة فيها ملابسك، وحقيبة ثانية إن كنت آخذة هدايا، يعني افصليهم عن بعض.
ما تكثري من الملابس، لأنك إذا رايحة بلد عربي، معناه الناس داخلة طالعة ورح تبقي بحجابك، فخذي عبايات وجلابيب وحجابات، وكم قطعة فقط على الماشي من الملابس المنزلية وقطعة واحدة لبس مرتب في حال عملوا حفلة نسائية

ما تحملي معك صابون وشامبو وليف والذي منه للحمام، اتصلي وخليهم يجهزوا هالأمور أحسن ما شيء منهم تاخذيه وينزل على الملابس.

حاولي أنك ما تحملي شيء بإيدك، وإن كان ولا بد، احملي حقيبة يد واسعة بعض الشيء، ضعي فيها مثلاً (إن كنت بتستعمليه) أدوات عدسات النظر، قميص نوم (حتى لو وصلتي بالليل ما عليكِ فتح الحقائب، بس بدلي فوراً لقميص النوم والصباح رباح ) ومشط لنفس السبب السابق، وفرشاة الأسنان. وطبعاً أوراقك الرسمية المهمة وبعض المال، وطبعاً كتاب ومصحف. وإن كنتِ بتحبي الأشغال اليدوية فلا مانع، إلا لو كان الحياكة
اعرفي نوع الطقس مسبقاً حتى تكوني متجهزة له.

اكتبي من الآن كل شيء عليك عمله، مثلاً لازم تروحي على البنك بالأول تجيبي فلوس، لازم تروحي تشتري هدية لفلانة، لازم ترجعي كتاب..جواز السفر....دواء للصداع، علك، كم بسكوتة وعلبة عصير... وهكذا وكل ما أنجزتِ شيء ضعي علامة.

في يوم السفر، افتحي الدفتر وشوفي الناقص وتأكدي أنك كل شيء عملتيه، ووقتها بتقعدي مرتاحة.

لما تغلقي الحقائب، حطي عليها شرائط ملونة أو أي شيء يخليكِ تعرفيهم بسرعة من بعيد وقت استلامهم.


هذا ما لدي الآن، وهو على أساس أنك مسافرة مثلاً على الأردن من بلد أجنبي... لكن مش تقوليلي هلأ مسافرة من لبنان للأردن!!! بكون تعبت على الفاضي

شوفي اهم حاجة ما تكثري من الملابس بس خذي كم بنطلون و كم تي شرت و كم فستان بالكثيييييييييييير لانه مش ممكن ح تحتاجي كل ملابسك اللي بالدولاب و حاولي انك تاخذي شنطة من الشنط العملية اللي ياخذوا كل شي باسلوب مرتب زي شنط american tourister مثلا .
وممكن كمان تاخذي شنطة من اللي تعبي فيها ادوات المكياج و الحمام(اقصد الفرشاة و الصابون الشخصي و المعجون و الكريم المرطب) مع بعض و هذي تخليها في الهندباج خاصتك وش كمان وش كمان ارجع لك الولد صحي و يبكي
سلاااااااااام

أشكركِ أختي forhome وماشاء الله ذوقك حلو كتير.أختي أنتِ قلت"كمان ما تاخذي كل حجاباتك لانك ممكن تحتاجي تشتري من هناك بحكم انه هناك الحجابات و الشغلات هذي احلى من عندك و ارخص فاكيييييييد انك راحي تشتري" ممكن تذكريني لي أسماء محلات لوبتعرفي لاني ان شاء الله بدي أشتري هدايا لاسرتي من مصر