مرحبا صبايا

كيفكم حبيباتي ؟؟

والله انا كتير زعلانه على هالنبته اللي عندي مريضه و مو عارفه شو اعمل .. حطيتها تحت الشباك علشان تاخذ هواء و ضوء بس برضه ما في فايده .... فقمت صورتها و حكيت مافي غير حبيباتي بنات لكِ همه اللي راح يحلوا المشكله و يحكوا لي شو اعمل


و اكيد الكم مني احلى دعوه
شوفوا كيف من اول ما تطلع الورقه بتمرض

أهلين حبيبتي لنلون أنا ما عندي خبره






بالنباتات ...بس حبيت أمر وأسلم عليكِ






اشتقتلك زمان ما صدفتك معي على ( اللاين ) ...






وإن شاء الله تلاقي الرد من الأخوات




وألف سلامه عليها نبتتك

يا ريت تكتبيلي شو اسمها بالانجليزي حتى ألاقي لك الحل.

حسب ما رأيت من نباتك، أنها بنية الأطراف، وهذا سببه حرارة عالية، ورطوبة معدومة، أعني رطوبة الطقس حول النبتة وليس رطوبة من حيث الماء.

إن كان فيه مشكلة أخرى، اكتبيها لنرى السبب. مثل تساقط أوراق أو غيره...

وعلى فكرة، سقاية النبية باستمرار تؤدي إلى الاختناق، مرة في الأسبوع تكفي، أو عندما تلاحظين جفافاً في التراب وكأن لونه بدأ يصبح أفتح.

كما لاحظت مثل نقط بنية وهذا سببه: ماء متبق على الأوراق أو سقي النبتة بماء بارد، الأفضل أن يسقى النبات المنزلي بماء بحرارة الغرفة، وتأكدي أن الأوراق قد جفت قبل أن ينتهي النهار.

الله يسعدك حبيبتي نموره و يسعد هالطله يا رب

امونه الله يسعدك ...

ملاحظاتك بمحلها ....انا صاحبيتي حكت لي حطيها تحت الشباك بتاخذ ضوء اكثلر و هواء اكثر و للاسف رديت عليها و هذا اللي صار.. كمان حكت لي انا ادوش ورق النبته لما يكون الجو حار علشان النبته تنعنش بس شفتي شو صار

اسم النبته ما بعرفه لا بالانجليزي ولا بالعربي حتى بس ما بعرف اذا بتقدري تعرفي اسمها من شكلها او اي وحده من الصبايا تفيدنا

في مشكله كمان ان الورق بصير لونه اصفر ..و الورقه ما بتلحق تطلع اللا صارت صفرا او بنيه و ماتت .


شكرا لكِ با امونه و الله يجزيك كل خير و يهنيكِ و يهني اولادك و ما يحرمك من شئ ... و ان شاء الله تنولي اللي في بالك لانك وضعتيني على اول الطريق بالنسبه لمشكلتي ..الله لا يحرمنا منك يا ام بلال

الله يبارك فيك لنلون، أخجلتي تواضعي عزيزتي

أول شيء أنا عرفت النبتة، ما بعرف اسمها، لكن كانت عندي، وهي محتاجة إلى أن تبتعد عن الشمس، يعني تكون في الفي في شي زاوية وما تكون الشمس مسلطة عليها.

والنبات المنزلي ما بتقدري تدوشيه مثل ما قالت صاحبتك، هذا للنبات الخارجي لأنها الشمس بتجففه بسرعة، بس اللي في البيت بيبقى وهذا بيسبب عفونة على الورقة إن ما جفت بسرعة وهذا العفن بيسبب تغير في اللون وخراب في الورقة.

بالنسبة للأوراق اللي بتوقع بسرعة أول ما بتطلع: 1- الورق الجديد إن كان بيطلع بين الأوراق أصفر ممكن تكون بحاجة إلى تغذية، والغذاء شكله مثل أعواد رمادية عبارة عن مقوي مثل فيتامينات، لأنها بحاجة إلى مغنيسيوم وحديد.
2- إن كان الورق الجديد بيطلع باهت اللون وصغير، فهذا معناه الإضاءة ضعيفة أو التغذية قليلة أو التراب جاف جداً.. اختاري واحدة حسب ما بتعرفي تعاملك مع نباتك.
3- إذا كانت النبتة كلها على بعضها تبدو ضعيفة وهزيلة وباهتة اللون، معناه الإضاءة غير كافية أو التراب جاف أو الهواء جاف أو التراب غير مغذي بشكل كاف..


وأي سؤال آخر بحاول

الله يسعدك يا ايمان بالفعل خليتيني افهم شز لازم اعمل الله يسعدك و يهنيكِ

انا راح اعمل اللي حكيتي عليه و راح ارد لك خبر ان شاء الله....هلأ انا شيلتها من تحت الشباك

و راح اجرب اعمل الشغلات اللي حكيتي عليها


مره تانيه الله يسعدك يا قمر

شكرا حبيبتي انفال على مشاركتك و ان شاء الله راح ارد لكم خبر شو بصير معي