اولا احب اسلم على كل امهاتنا الجمال

موضوعى بيتكلم عن تعليم الاطفال اللى من سن سنتين
دايما الاقى مواضيع عن تعلم الاطفال وصور وووالخ بس كله من عمر 4 سنوات لفوق-لكن انا ابنى دلوقتى سنه سنتين وبدات معاه من وهو سنة ونص وكنت بجبله كتب للاطفال فيها صور حويانات ومربعات وحاجات من كدة وكان فى الاول مش بيستجيب لكن فعلا بعد 3 او 4 شهور لقيته بدا يعبر على انه فاهم ويعرف الحويانات وكل ما بيكبر كان بيعرف ويتعلم اكتر ودلوقتى ابنى ماشاء الله يعرف اسماء حيوانات المزرعه بالصور وحيوانات الغابة وبدات اعلمه الارقام وهو سنه سنتين وكمان من زمان بجيبله كراسة رسم والوان وبنرسم ونلون ودلوقتى بيمسك القلم كويس لوحده-بس طبعا مش بضغط عليه خالص بسيبه يشخبط براحته وبيتبسط جداااااااا
وكمان فرق معاه كتير فى تعليمه الكلام وبقى يتكلم كويس وبيتحسن ويتطور بسرعه

ياريت يا جماعة اللى عندها اولاد فى السن ده وعندها افكار للتعليم تقولنا ونتعلم من بعض -هيفرق مع اولادنا كتير قوى وهننمى ذكاؤهم
انا رايحة اجيبله لعبة البازل اللى هى عبارة عن مربع ويحطه فى فراغ المربع ودايرة يحطها فى فراغ الدايرة وفى زيهم على شكل حيوانات
مع العلم ان فى الغرب بيعلمو اطفالهم من سن اصغر من كدة لكن احنا العرب بنستصغر الطفل وما نعلمهوش غير على 4 سنين وفى ناس كمان على 6 سنين


مستنية ردودكم واقتراحاتكم اعمله ايه تانى وازاى؟

ما شاء الله لاقوة الا بالله
انا ابني عنده سنتين ونصف
بدأت معاه حفظ القرآن من سن السنين يعني بعمر ابنك ابتدي معاه وربنا يوفقك
بالنسبة للاشكال الهندسية انا عندي طريقة سهلة جدا عملتها مع ابني
اولا هاتي ورقة وقلم وارسمي دائرة واعطيه اللون الاحمر وقولي له لون الدائرة باللون الاحمر
وكرري كلامك اكثر من مرة انا كنت اقول لابني دائرة يعني circle واللون الاحمر يعني RED
وبعد ما يلون اسأليه لونت ايه؟ هيقول لك دائرة حمرا خليكى وراه لغاية اما يعرف شكل الدائرة يعني ارسمي اشكال كتير وقولي له فين الدائرة وشوفيه هيعرفها وللا لا
وهكذا مع كل الاشكال السهلة يعني مربع ومثلث
الحمد لله ابني حفظ الثلاثة الوان وثلاثة اشكال هندسية باللغتين
والله بيكون مبسوووووووووووووووووووط جدا وطول النهار يقول لي نلون
لانه مش بيحب يلون صور عاديه بيكون عاوز يعرف بيلون ايه ويسأل الف سؤال عن الصورة
كل ما افتكر طريقة هقولك
لان بجد السن ده هو اللي بدأت فيه مع ابني التعليم والتحفيظ وما شاء الله ذاكرتهم بتكون قوية
ربنا معاك
لو حابة تعلميه اللغة الانجليزية قولي لي

كتبت بواسطة ام سيف2007
ما شاء الله لاقوة الا بالله
انا ابني عنده سنتين ونصف
بدأت معاه حفظ القرآن من سن السنين يعني بعمر ابنك ابتدي معاه وربنا يوفقك
بالنسبة للاشكال الهندسية انا عندي طريقة سهلة جدا عملتها مع ابني
اولا هاتي ورقة وقلم وارسمي دائرة واعطيه اللون الاحمر وقولي له لون الدائرة باللون الاحمر
وكرري كلامك اكثر من مرة انا كنت اقول لابني دائرة يعني circle واللون الاحمر يعني RED
وبعد ما يلون اسأليه لونت ايه؟ هيقول لك دائرة حمرا خليكى وراه لغاية اما يعرف شكل الدائرة يعني ارسمي اشكال كتير وقولي له فين الدائرة وشوفيه هيعرفها وللا لا
وهكذا مع كل الاشكال السهلة يعني مربع ومثلث
الحمد لله ابني حفظ الثلاثة الوان وثلاثة اشكال هندسية باللغتين
والله بيكون مبسوووووووووووووووووووط جدا وطول النهار يقول لي نلون
لانه مش بيحب يلون صور عاديه بيكون عاوز يعرف بيلون ايه ويسأل الف سؤال عن الصورة
كل ما افتكر طريقة هقولك
لان بجد السن ده هو اللي بدأت فيه مع ابني التعليم والتحفيظ وما شاء الله ذاكرتهم بتكون قوية
ربنا معاك
لو حابة تعلميه اللغة الانجليزية قولي لي



الف شكر يا ام سيف لردك واهتمامك وفكرتك فى تعليم الاشكال الهندسية عجبتنى وهنفذها ان شاء الله
بس انا حزيته لان مفيش اى تجاوب من الاخوات -رغم اهمية الموضوع من وجهة نظرى

موضوع راااااااااائع يا كوييييييييييين
ابني عمره سنتين
ولسة بدأ يكلم بعض الكلمات من شهر كده
وطبعا انا دلوقتي بدأت معاه اعلمه بعض الكلمات لان لسة لسانه مش بيقول الكلام كله

http://www.disneyme.com/DisneyChanne...ouseclubhouse/

بصى ده موقع ديزنى
فى العاب حلووة اوى وتعلمية فى نفس الوقت
بالذات ميكى ماوس
فى العاب لتعليم الارقام والاشكال
ووينى ونمور حلووووووووو جدا
انا نفسى بلعب عليه

السلام عليكم اختي فعلا الموضوع مهم فقليل من يهتم بتعليم الاطفال من سن سنة ونصف الى ثلاث سنوات ان شاء الله يكون الموضوع مرجع للأمهات

أنا ابني عمره سنة وثلاث شهور لم يتكلم بعد لكنه ذكي ما شاء الله و يستوعب جيدا علمته الحيوانات وأصواتها من خلال الكتاب اشتريت له كتاب لتعريف الصغير بمحيطه فيه صور واضحة للحيوانات والفواكه والملابس وغيرها وطريقة التعليم تكون أولا تعرفيه بالحيوان ثم تطلبي منه أن يشير الى صورته مثلا أين هي البقرة ؟وأريه نفس الحيوان على علب الجبن وأريه صورة البقرة في الحاسوب حتى يتعرف على الحيوان جيدا أين ما كان
بنفس الطريقة تعلم الخضار والفواكه والملابس
وأنا بحمد الله أحرص على التحدث معه بالفصحى حتى ترسخ في ذاكرته وينشأ محبا للغة القران ويسهل عليه التعلم عند التحاقه بالمدرسة فلا تكون لغة التعليم غريبة عنه ولامانع من تعلم لغة أخرى أجنبية في نفس الوقت كما تفعل أم سيف مع ابنها فهذه سن اكتساب اللغات والطفل لديه قدرات هائلة فعلينا استغلالها

في الآخير أرجوا من الاخوات افكار لالعاب ترفيهية او تعليمية لهذه السن ماعدا ألعاب النت