بنتي عمرها سنة و 8 شهور .. وما شالله تبارك الله فيها طاقه وحركة جننتني خصوصا انها وحيدة .. فتموت من الطفش وتقعد تهبل بنا انا وابوها لين نتجنن لما اوديها بيت احد عنده اطفال تهدا تماما وتقعد تلعب مثل باقي الاطفال .. وديتها ملاهي زي الي بالفيصليه ولا غرناطة ما تنفع لها اكبر من عمرها بمراحل .. فكرت اوديها حضانة وبدأ مشوار البحث عن حضانه ممتازة في الرياض تلبي احتياجاتها .. ولقيت وحدة امانه روعة لا من ناحية نشاطات ولا من ناحية دورات( كمبيوتر- قراءة- مكتبة- تصوير - مطبخ- صحافة- وفي غيره كمان) وحلو عندهم فيه روضه نهارية ومسائية وفي باليوم اذا تبون وحتى بالساعه ..يوم سالت عن الاعمار تجطمت تماما قالوا ما ياخذوا اقل من سنتين ونص ... صراحة تحطمت لدرجه ما سالت عن الاسعار.... عموما عندهم كمان مخيم صيفي يبدا يوم الاثنين الجاي .. الي عندها أطفال وبحلانه فيهم تشوفهم..يمكن يجوزوا لها .. اسم الحضانة( لتل ستارز= النجوم الصغيرة) ورى الحبيب تقريبا ذيك النواحي ...
بنات في احد يعرف حضانه كويسة ممكن تاخذ عمر بنتي بس تكون حضانه ثقة مو اي كلام؟؟؟ الله يخليكم الي عندها خبر تساعدني من جد بحلانة ببنتي

يوووووووووووووه كتبت لك رد وايش طوله


المهم بنتك مرررررررررررررررة صغيرة على الحضانات

وبعدين ان انت في هذا العمر الجميل للاطفال ماتستغليه وتنمي علاقة مع بنتك متى راح تستمتعي بطفلتك

مواضيع كثيرة في الركن لاتؤيد وضع الاطفال في حضانات في هذا السن
استمتعي بحياة طفلتك
العبي معها اعطيها ورقة وقلم تشخمط راح تنبسط
العبي معها لعبة الاختباء
انبسطي مع بنتك في هذا العمر قبل المدرسة .

هلا عزيزتي مشكورة على الرد، أنا ألعب معها كل شيء من كورة وسباحة وشخاميط وألوان وحتى ألحقها وتلحقني وحتى أبوها يلعب معها واجد، بس هي بحاجة لأطفال صراحة ..أنا لا وديتها بيت اهلي ولا بيت اهل زوجي تتغير 180 درجة وتصير تلعب لين تدوخ مسيكينه واشيلها شيل لسريرها ...بس عندي في الببيت مهما لعبت معها الا عندي مشاغل غيريها مااقدر اتفرغ 24 ساعه ..ابي ساعتين اطلعها من البيت تلعب مع اطفال بعمرها حتى اجتماعيا تتنشط، في امريكا وبريطانيا في ال بلاي قروب (جماعات اللعب) صراحة مره ممتازة هالفكرة بس عجزت ألقاها هنا ......................

مرحبا اختي الغالية
انا عندي بنتين و حاطتون بحضانة في الرياض وما شاء الله صاحبة الحضانة رووووووووووعة
نظافة ورعاية و امان وتدريس وحفظ قران واناشيد ومسابقات و العاب وتربيةورسم وتلوين وتعليم عادات صحية
ومرة رحت الحج وناموا عندها والله كانهم عند امي وحتى الاطفال ينادوها تيتة وعلى فكرة هي دارسة
تمريض يعني ما شاء الله تجنننننن والاطفال يحبونها
سحابة الليل

وقت قالولك الحضانه ما بيستقبلو تحت السنتين ونص مو من فراغ بس الطفل تحت هالمر لازم يكون مع والدته وين ما راحت وويبن ما اجت

السلام عليكم
أعانى من نفس المشكلة حيث ابحث عن حضانة موثوق بها لطفل عمره عامان وثلاثة اشهر فى شمال الرياض أو قريبة منه
من يعرف رجاء مراسلتى شخصيا على بريدى
اﻷخت سحابة الليل كانت قد تحدثت عن دار حضانة جيدة جدا أرجو منها مراسلتى أيضا
أرجوكم أنا فى عجالة من أمرى جدا