شوفي حبيبتي اولا تحديد النسل كلنا منعرف انه حرام وانا شايفة انه لو خلفت كمان مرة مش غلط بلكي تجيبي ولد ويكون سند لخواته اما موضوع انه ما تقدري تربيهم انا مش معك يعني من تجربتي مع امي ومعي امي كانت عاملة وخلفت اربعة والله الناس بتحلف بحياتنا اكتر من قريبتنا اللي قاعدة بالبيت مش بالشغل وهلا انا بشتغل وعندي بنت والله اني منظمة بيتي واموري كاني بالبيت واكتر كل شي عندي اله نظام وبعدين ما تاخذيني بهالكلمة هلا لسه امامك مجال بكرة اذا اجى عبال زوجك الخلفة بتصير مشاكل الحمل كتيرة فتوكلي على ربنا وعالاقل خلفي كمان مرة

أختي الفاضلة جزاك الله كل خير علي النصيحة من القلب و هافكر فيها باذن و ربنا يقدم اللي فيه الخير شكراجزيلا علي ردك و اهتمامك

مش عارفة
كلامك بيقول
انك مش عاوزة
وجوزك مش عاوز
وظروفكم مش تسمح
اومال ليه بتفكر تجيبى تانى اصلا هههه
شكلك كدة فى حاجة فى نفس يعقوب وهى ان نفسك فى ولد
بصى انا رايى تاجلى الموضوع لغايه ما تحسى فعلا ان نفسك اووى تخلفى تانى
وانك مستعدة
ساعتها هتتحملى اى مشقة ممكن تواجههك
لكن كدة اى تعب هتقولى ياريتنى ما جبت وياريتنى ما حملت
ربنا يرزقك بالولد الصالح
ولو ع التعب ربنا يقدرك وتربيهم تربيه صالحة كلهم

حبيبتى بارك الله لكى فى بناتك وجعلهم ذريه صالحة
عجبنى اوى موضوعك دى ونفسى اشوف ردود واراء باقى البنات
انا عندى نفس الموضوع بالظبط بس انا لسه معاى ولد واحد عنده سنتين وزوجى موافق بالعافيه انه يجيب كمان مره بس كمان سنتين تلاتة على ما ظروفنا الماديه تستقر شويه وانا كان نفسى اجيب تانى مره دلوقتى علشان اقدر كمان اربع خمس سنين اجيب تلات مره
نفسى اوى فى تلات عيال مش عارفه اشمعنى العدد دى :-) بس انا شايفه انه الرقم اللى يكون مش كتير علشان تقدرى تهتمى بيهم كويس وفى نفس الوقت مش قليل علشان هم اللى يهتموا بيكى لما تكبرى
بس برده حاسه ان تفكيرى غلط وان احنا كده بنتحكم فى الانجاب مع انه بايد رينا وخصوصا انىمنعت الحمل اول جوزاى فتره بناء على رغبة زوجى وبرده لاسباب الاستقرار المادى فانا نفسى اعرف انا كده صح ولا غلط
بس لو عايزه نصيحتى الانثويه هاتى كمان مره وان شاء الله ربنا يقدرك هى اول سنتين هتبقى متعبه بس بعدين هتقدرى تنظمى حياتك كويس وخصوصا انك مش بتشتغلى
وربنا يكتب لك اللى فيه الخير

كتبت بواسطة ام توتة 2008
مش عارفة
كلامك بيقول
انك مش عاوزة
وجوزك مش عاوز
وظروفكم مش تسمح
اومال ليه بتفكر تجيبى تانى اصلا هههه
شكلك كدة فى حاجة فى نفس يعقوب وهى ان نفسك فى ولد
بصى انا رايى تاجلى الموضوع لغايه ما تحسى فعلا ان نفسك اووى تخلفى تانى
وانك مستعدة
ساعتها هتتحملى اى مشقة ممكن تواجههك
لكن كدة اى تعب هتقولى ياريتنى ما جبت وياريتنى ما حملت
ربنا يرزقك بالولد الصالح
ولو ع التعب ربنا يقدرك وتربيهم تربيه صالحة كلهم



انتى كلامك عاجبنى
و لو انى مش عارفة ايه الظروف ههههههههه لو تقصدى مادية مافيش مشكلة باذن الله

انا خلينى على حق هو قالهالى بمعنى انه ممكن يضحى (حلوة يضحى دى) انه يخلف تانى املا فى تغيير النوع لو انا ضامنه على قوله ههههه بيهزر طبعا
غير كدة يقوللى مالوش لازمة

ووالله هاقولك انا مانكرش نفسى يكون عندى من النوعين بس مش متعصبة خالص و لا بازعل و لو جت بنت مش هازعل بس دايما اصحابى يقولوا هتقفى على كدة؟ هما الاولاد و البنات ينفعوكى لما تكبرى بدل ما تجوزى الاتنين و ماتلاقيش حد يسال عنك و لا فاضيلك الاولاد و البنات عزوة

و ساعات ااقول لنفسى طيب مش مشكلة لو بعدوا عنى و لا سافروا انا هاشغل نفسى لما اكبر بالاعمال الخيرية او الدعوية و مابقاش فاضية

و برضه محتارة

و شكرا على اهتمامك و ردك و يسلملى ذوقك

اولا جزاكن الله كل خير و الشكر الجزيل على اهتمامكم بالموضوع و ردكم
و فعلا تحدثت مع زوجى و قررنا تاجيل الموضوع الى ماشاء الله

و جزاكن الله كل خير مرة تانية بوركتم و جوزيتم الجنة على حسن النصيحة