زى ما قالت لك ام سيف مفيش جدول محدد على حسب رغبه ابنك فى الاكل وشهيته
وبالنسبة للبن مش لازم تعطيه كبايه لبن ممكن تدخلى اللبن فى اى حاجه
انا ابنى مش بيحب يشرب اللبن خاااااااااالص ، بس عودته من زمان انه يتعشى بكبيتين زبادى او 3 على حسب شهيته وكمان عملت له كريم كراميل لقيته بيحبه قلت فرصه لان الكريم كراميل بيجمع بين اللبن والبيض اللى برده مش بيرضى ياكله لوحده
تقدرى كمان تعملى له مهلبيه وتحطى عليها فاكهه لو تحبى ، انا عملت مهلبيه بالمانجا كان اختراع صراحه بس فوجئت انه عجبه جدا مع انه لا بيشرب لبن ولا بيرضى ياكل ماتجو
يعنى تقدرى تحترعى وتنوعى له فى الاكل زى ما انتى عايزه وشوفى ايه اللى بيحبه واعمليه
ومش تقولى انه هزيل وتقعدى تاكلى فيه كتير على الفاضى يعنى اولا اوزنيه وشوفي وزنه مناسب مع طوله ولا لا ولو مش مناسب حاولى على قد ما تقدرى انك تغذيه يعنى لو بيحب ياكل قدام التلفزيون او وهو بيلعب او فى البالكونه يعنى اللى يريحه
وخلى بالك انه داخل على مرحله تسنين يعنى هيفقد كتير اوى من شهيته الفتره الجايه ودى بيبقى غصب عنه
ربنا يحميه يارب ويبارك لك فيه