السلام عليكم ورحمة الله وبركاته
عزيزتي اننا كثير ما نسال انفسنا كيف نلبس امام اطفالنا
دئما اسال نفسي كيف البس وماذا سيقولون .....
في احد المرات قالت لي خالتي البسي ما يحلوا لك لان عندك بنات وعوديهم ان هذا لبسك
والبنت غير الولد بس طبعا لبس بحدود المسموح به شرعا ؟؟
بس البنات كبرو .. ووصل ولي العهد ... شو الحل ...
صحيح اني ما البس ( منغير هدوم ) بس مثل ما قلتي الحر فعلا
ما اقدر اشتغل ول انظف ول اطبخ وانا لابسه مثلا جلابية
الطبخة تحترق .. والبيت يستوي فوضى زياده لاني امشي واتعثر واطيح
لا تضحكين اتكلم جد وميه ميه جد .... ما اعرف البس طويل
بس المسموح عندي لين الركبة والكت العادي ....
بس شو عن في الليل ؟؟؟؟؟؟؟؟؟
الحمد لله مشكلت البنات انحلت لان يروحون المدرسة وينامون من وقت بس الولد
صدقيني مثل اولادك عمرة سنتين بس البس شيء في الليل حتى لو موعاري وايد شي عادي
يجلس يقول ..الـــــله ماما انتي حلو
انا انا بعد حلو ويسير يطلع ملابسة ,,,وي يركض عند ابوه بابا بابا ماما ماما حلو
فعلا تخجلين ... وييلس يخلي ايده على شفيفي ويمسح الروج ويقول انا انا
صراحة .............................؟؟؟؟ ماعرف شو اقول
بس مو يعني ان ما نلبس وان ما نتكشخ ...
انا مو من النوع الي البس وخلي روج اقول ان يمكن يشوف تغيير عشان شي مستغرب ...
فانا حاليا مطنشة ... لان حتى لو قلنا ان الاطفال رح تتعود عيونهم على هذي المناظر
هم اكيد متعودة .. قوليلي مره طلعتي وما شفتي وحده متبرجه لابسة غير محتشم انتي اطالعيلها قبل عيالك وقبل زوجك ...
صدقيني حبيبتي .. جيل هذي الايام منفتح .. من التلفزيون من الشارع المراكز البحر حتى المدارس .. مدرسات لابسين لين الركبة شو تبين الطفل يكون ...
انا ابني يوقف عند باب الحمام بس اطلع يتريه ان يقول ماما عيب
يعني يصيدني
بس اكون برة يشوف شعري شوي طالع ماما عيب
يعني اذا ارد عليه لازم اجلس منقبه ليل نهار
في نظري التربية هي الاساس ... وتعليمك لاطفالك هو الاهم يمكن الحين صغار بس باشر رح يستوعبون ان امهم لابسة لين الركبه لانها بالبيت ولانها عند زوجها واطفالها
والموضوع تعويد وتربيه حسنه ....
يعني اقولك اليوم صار عندي موقف ... كنت طالعه ومخليا مكياج معزومة بيت ناس وعيالي معاي بالسيارة ...
بالعاده لم اتمكيج اغطي وجهي .. بس اسوق السيارة اشله عشان ما ادعم واشوف ويوم اوقف بالاشارة انزل الشيله علة وجهي ...
فبنتي الصغيرة فتحت ليت السياره اتدور على لعبتها ...
ابني الصغير صرخ من كرسيه وهو يضرب اخته ليت ليت بند ماما ماما حلو عيب عيب
ما عرف اذا مهمتي ... شو يقصد
كان يفهم اخته ان ماما حلوه عيب بندي الليت
شفتي صدقيني من التربية ومن تعليمهم الصح من الغلط الطفل يستوعب ولا تقولين مايفهمون .. وصدقيني اطفالك يعرفون ان انتي مستحيل رح تطلعين بهذي الصورة ....

بعدين لا تنسي ابنك الكبير البكر فان له حق علينا ....
والله حرام نهتم بمشاعر اطفالنا وننسا الطفل الكبير ... ودوم نلبس كم وطويل ....
للزوج حق ايضا هذا الي قصدته ...


بالمختصر المفيد : البسي اللبس العادي لان موحرام تلبسين وتمتعين زوجك واطفالك باشر رح يفهمون الحرام والعيب والحلال ( اللبس بحد المعقول ) اكيد فاهمه علي ...
يعني اللبس الي الي خليه بالظلام (بدون ما حد يشوف )هههههه


تقبلي مروري وسامحيني على الاطاله
فقط وجهة نظر

لا حبيبتي انا البس شورتات و قمصان قطنية حمالات و قصيرة لغاية الركبة و عودت ابني ان ده في البيت فقط لكن لما نطلع الشباك او الشارع او حد ييجي لازم نلبس عشان عيب
ولما تيجي واحدة في التليفزيون اقول له طنط قولها كده عيب البسي ده في البيت بس وهو اتعود علي كده و الحمد لله