الحقيقة أكبر غلطة ترتكبها الأم هي انه بعد ماطفلها يتعود على الحمام وينسى الحفاض ترجع هي ترجعه وتفكره بالحفاض ، شوفي يااختي انتي لازم تفهمي انه بنتك رجعت من الصفر يعني انسي انك سبق وعلمتيها ، انت الان رجعتي لنقطة البداية ، فإذا حابه تحلي المشكلة لازم تنظمي حياتك مع وضع بنتك لا تلعبي فيها ، بمعنى لا تخلي ظروفك هي اللي تمشي بنتك بل على العكس انتي سيري ظروفك مع وضع بنتك ، اعرف ان المسألة مش سهلة وهذا وضع كلنا مرينا فيه شوية تعب وصبر وتخلصي من المشكلة وتفرحي ببنتك وهي نظيفة ، النقطة الثانية عندما تقرري نزع الحفاض لا ترجعيه ابدااااااااا مهما تعبتك هي في الأخير بتتعود انه مافي حفاض ، لانك كده تلعبي فيها مره تحطيه ومره تشيليه فكيف بتتعود ؟ ، في البداية انتي وقتي لها كل شوية دخليها الحمام ، وخليها على راحتها تتبول او تتبرز لا تركزي شو عملت او كم الوقت اللي مر عليها وماعملت ، لا تخافي في الأخير بتعمل ، اللي حاصل الأن هو ان انت تعكسي عليها توترك ، اما البراز سيبيها في الأخير بتعمله بس انتي ابقي جمبها وحاولي تهدئيها وتكوني لطييييييييفه معها وفهميها انه عادي اعمليها وبنصفق وبنفرح وقصي لها قصة البنت الشطورة اللي عملتها في الحمام وامها فرحت فيها والكل صفق لها واعطوها هدية ........الخ ، واهم حاجة لا تعصبي عليها ابداااااا طولي بالك وتذكري انك انتي السبب لان هي تعودت وانتي رجعتيها لهذا الوضع فلا تعصبي عليها عشان ماتعند معك وعشان ماتعملها على حالها دخليها انتي الحمام كل فترة وان شاء الله تبشرينا بنجاحك .
ولاتزعلي من كلامي لان المقصود منه فائدتك ومساعدتك ، دعواتي لك بالتوفيق .