السلام عليكم اخواتى الحبيبات
طبعا احب ااقولكم انى بكون مكسوفه قوى لما بعرض مشكله ابنى كل شويه بس والله انا ماليش غيركم بعد ربنا سبحانه وتعالى
انا تعبانه جدا مع ولدى الله يهديه ويحفظه هو دلوقتى دخل عامه الثالث وبغض النظر عن صعوبته فى اكله بس دى مشكله هينه غير مشاكله اللى استجدت واللى حسيت انها صعبه اكتر من موضوع الاكل
مش هطول عليكم بس هدخل فى الموضوع هو فى 3 مشكلات بيعانى منها ابنى اولا:
1_
ابنى كان نضيف جداا فى الحمام(فل فل فل) لدرجه ان اخواتى واصحابى كانوا يستغربون من قوله لى فى اى مكان عن الحمام حتى بالسياره كنت اوقف زوجى ليعمل ابنى ببيه!
لانه كان بيقوللى على طول ودائمااااااااااااا
المصيبه بقا انى عندى طفل سنه وثلاث اشهر وبدا ابنى الاكبر يقلده بعدما كان شطور وكانت ميزته الوحيده هى قوله(_ماما ببيه) وكان بيقرف لو عملها على نفسه
اما الان:::::::::::::::::::::::::::::::::::::
بول وبراز فى اى مكان وفى اى وقت مش قادره ااقول انه تبول لا ارادى!
حتى التبرز(اعزكم الله)لا ارادى ايضا؟؟
غلبت فيه بالذوق والحب والحنان والتفهيم والحزم والضرب والعقاب والثواب والشيكولاته والقصص وكل الانواع ولا جدوى؟؟!
ثانيا_2_
الانانيه الملفته للانظار بجد
ابنى لايريد ان يمسك اخوه اى شىء حتى ورقه صغيره حتى لقمه حتى كوب ماء واى شىء يشده من يده ويضربه ويصرخ فيه
ولو جيت اتدخل يضربنى ويصرخ فى بكلام غير مفهوم وباسلوب همجى
واذا عنفته يضل يبكى يبكى ويصيح ويطيح كالخيل المفكوكه فى البيت ويلقى بلالالعاب والاكواب وى شىء فى متناول يده ولا ادرى ما الحل؟؟!
حاولت ان افهمه ان اخوه صغير وانه هو حبيبى واعطيه العاب وحلوى لاكن لا جدوى
اشتريت سيارتين لكل واحد صمم ياخدهم الاثنين واذا رفضت يبكى بالساعات وفى النهايه اضطر لتلبيه رغبته لانه عندما يبكى بيرجع ويزرق ويحمر
3_المشكله الثالثه
ابنى غير مستعد تماما لتعلم اى شىء يعنى لو احضرت ورقه وقلم وقعدت اكتنب له واحد مثلا يصمم ياخد القلم ويضعه بجانبه و لايكتب ولا يرسم ولا اى شىء
ثم يرميهم بعد ذلك
كما انه يلقى الاطباق على الارض والورق وودائما يمسك بالموبايل ويتحدث ويصرخ ويشخط ويكلم احدا بطريقه عصبيه وبالساعات
حاولت ااقوله شوف ماما بتوطى صوتها وبتخفضه اتكلم مثلى ومثل بابا يزيد!!!!!!! عنف عنف الله يهديه
مفيش لعبه بتقعد اكتر من ساعه مهما كانت غاليه وثمينه دائما يكسرها ويلقيها فوراااااااااااا(اهم شىء يحرم اخوه من العابه والافضل ان يلقيها من النافذه بدلا من ان يلعب هو واخوه) والبالون يفرقعه بدبوس
تعبت انصحونى ارجوكم انا اسفه جدا على الاطاله بس والله العظيم تعبت

ملحوظه: بعدما انتهيت من كتابه المشكله كان ابنى الكبير اوقع اخوه على حافه منضده واصيب فوق عيننه وسال الدم وانزعجت جداا لاكنها طلعت كدمه وفتح واحد سم ربنا يستر
ارجوكم لا تبخلوا على بالنصيحه

والله معنديش افاده بس حبيت ادخل ادعيله بالهدايه هو وكل الاطفال ربنا يهديهولك ويعينك على اولادك ويشفى ابنك الصغنون ياااارب
اللى اقدر اعمله انى ادعيله بظهر الغيب ربنا يهديه

حبيبتى أنتى أكيد انتبهتى لابنك الكبير بعد ما بقي ده اسلوبه الاساسي
وده طبعا لانك اهتماتى بأبنك الصغير ومكنتيش واخدة بالك من الكبير فحاول يلفت انتباهك بطريقة جديدة واصبحت طبع فيه
بس انتى حاولى تخرجيه من البيت من غير أخوه الصغير وكمان عوديه على اخوه واحدة واحدة وعرفيه انه ميقدرش يعمل اى حاجة من غير مايرجعلك لانه صغير وهو كبير
وطبعا كله بالمسايسة
وربنا يكون فى عونك

الله يهديه ويعينك
كان الإهتمام كله له وجاء أخوه وقل الإهتمام بيه كان من أول الحمل علمتيه انت حتعمل كده وحتقول كده وحيجي واحد ثاني
لكن ماعليكي الا انك تماشيه على اللي هو فيه لين يكبر أخوه ويفهم ويتعلم ويصير يتعلموا مع بعض
أو جربي معه إسلوب التطنيش لا عمل براز أو ببيه في غير الحمام قولي له الناس حيشوفوا وحيسألوا وحيقولوا من عمل ده هيا قون ننظفه خليه يساعدك في التنظيف وفي كل شيء حببيه بأخوه وربنا الهادي

كتبت بواسطة hala118
حبيبتى أنتى أكيد انتبهتى لابنك الكبير بعد ما بقي ده اسلوبه الاساسي
وده طبعا لانك اهتماتى بأبنك الصغير ومكنتيش واخدة بالك من الكبير فحاول يلفت انتباهك بطريقة جديدة واصبحت طبع فيه
بس انتى حاولى تخرجيه من البيت من غير أخوه الصغير وكمان عوديه على اخوه واحدة واحدة وعرفيه انه ميقدرش يعمل اى حاجة من غير مايرجعلك لانه صغير وهو كبير
وطبعا كله بالمسايسة
وربنا يكون فى عونك



الف شكر يا غاليه على ردك
وهو مش بيجى بالمسايسه وهو رافض اساسا انه يسمعك لما اكلمه بالى شىء ينظر لاى شىء تانى ولا يعيرنى اى اهتمام
ولوا ااقوله عيب يكرر الفعل ربنا يهدى
وجزاكى الله كل خير


كتبت بواسطة ~أصداف~
الله يهديه ويعينك
كان الإهتمام كله له وجاء أخوه وقل الإهتمام بيه كان من أول الحمل علمتيه انت حتعمل كده وحتقول كده وحيجي واحد ثاني
لكن ماعليكي الا انك تماشيه على اللي هو فيه لين يكبر أخوه ويفهم ويتعلم ويصير يتعلموا مع بعض
أو جربي معه إسلوب التطنيش لا عمل براز أو ببيه في غير الحمام قولي له الناس حيشوفوا وحيسألوا وحيقولوا من عمل ده هيا قون ننظفه خليه يساعدك في التنظيف وفي كل شيء حببيه بأخوه وربنا الهادي



اللهم امين يا اختى وربنا يبارك فيكى
بس ازاى اطنشه وهو كان شطور ونظيف!!!!!
هو عنيد جدااااااا ولو ماشيته على ما هو فيه هيكبر على كده ويتعود
وبعدين صفاته الباقيه اعمل فيها ايه؟؟؟؟؟؟؟؟


اخواااااااااااااتى العزيزات انتوا فين ؟؟؟؟؟؟؟ظ
يعنى ما فيش حل!!!!!!!!!!!!

كتبت بواسطة العربية المسلمة
كلام اختي أم هند عين العقل ، وعندي إقتراح لك بما ان ابنك وصل الى هذه الحالة والتي تظهر بوضوح انه عاني من الغيرة الشديدة من اخوة وكما لاحظت انك كمان كم شهر وبتنجبي طفللك الثالث ، فمعنى هذا ان الموضوع يحتاج لحكمة في التصرف وسرعة ، فلش ماتلجأ لأخصائية علم نفس الطفل تساعدك وتوجهك في كيفية التعامل معه وتتابع معك بإستمرار النتائج التي وصلتي لها ، لانه نحنا مهما قلنا لك تبقى إقتراحات من واقع تجربتنا في تربية ابناءنا ولكن كل طفل يختلف عن غيره وحالة ابنك تحتاج لعناية خاصة وحكمة لانه عندة أكثر من مشكلة والاساس هو احساسة بعدم الإهتمام وانك تحبي اخه اكثر منه لهذا انصحك ماتترددي في استشارة مختص قبل مايفوت الأوان وتلاقي نفسك مع مشكلة ابنك وطفلين أخرين احدهم رضيع في ورطة كبيرة يصعب حلها .
دعواتي لك بالتوفيق في حل مشكلة ابنك وان شاء الله عن قرب تبشرينا بتغير سلوكه وعودته لسلوكه الصائب اللهم آميييييييييييييين




اختى العربيه المسلمه:طبعا احب اولا انى اشكرك على اهتمامك وردك وفككك لكربى فى مشكلتى الله يعطيكى العافيه
اولا بلنسبه لكلامك عن مشكله ابنى انا فى مصر وعندنا لايعترفون بالاخصائى النفسى للطفل او فى العائله بالتحديد
بس انا حبيت اكون دكتوره نفسيه لطفلى
وبعدين انا لم افعل شىء تجاه صغيرى لكى يغير اخوه مثل هذه الغيره ويتبول ويتبرز على نفسه
بالعكس!!!!!!!!!!!!!! انا اهتم بيه اكثر من اخوه وعندما ينام اخوه بلعب معاه بس حتى فى لعبى معاه يرفض مشاركه ويظهر عصبيه وصراخ ويامرنى تصورى!!!
ههههههههههه بقوله انا حاسه انك امى مش انا امك! وعندما يستيقظ اخوه بكون عادله جدا معهم الله يهديه





كتبت بواسطة *ام هند*

كون طفلك رجع لعمل التبول خارج الحمام ليست نهاية العالم
تعاملى مع هذه المشكلة بكل هدوء
ابنك و بكل بساطة يريد ان يلفت انتباهك له يعنى بالصريح يريد ان يقول لك نحن هنا
خذيه و انحنى له و انزلى لمستواه و اساليه لماذا فعلتها هنا انت ولد شاطر و تعرف اين تذهب عندما تحس بذلك
و اذكريه بما يقوله اهلك عنه انه ولد نظيف و شاطر و الكل يحبه
هذه المرة سماح بس علشان ماما ترضى عنك لازم نروح الحمام المرة القادمة
و لا تذكريه دائما بهذا الخطاء طول اليوم حاولى ان تتناسى
و لابد من الكلام الجميل و العبارت المشجعة و حفذيه بانه ولد ممتاز و بيسمع كلام امه و ابيه
فى كل مرة تحدثى اليه بحكمة و عقل و صبر انا اعرف انه صعب و لكن احتسبى الاجر عند الله
صدقينى اسبوع فقط ويمكن اقل يرجع احسن من الاول

ثانيا:

المشكلة الثانية

الحكمة:

تحدثى الى ابنك المشاركة فى اللعب و ساعديه انتِ شخصيا باللعب معه
بعمل مسرحية صغيرة عن الولد الانانى و الاخر مشارك
و من خلال المسرحية سيفهم ان الانانية صفة غير مرغوبة
ليس معنى ذلك ان يتخلى عن هذه الصفة مباشرة و لكن بالتدريج
الشئ الاخر اذا تمادى خذى اللعبة و اخفيها فى مكان بعيد و احرميه منها و قولى له اذا لم تشارك فى اللعب
سوف احرمك من هذه اللعبة
قولى هذا الكلام بحزم وهدوءو ليس بعصبية فالطفل يفهم الفرق جيدا
و لا تتنازلى مهما ازعجك فلابد ان تكونى على كلمتك بالتدريج سيفهم انك لن تتنازلى و سوف تكونى على كلمتك
سوف يقلل هذا من تصرف الانانى فهذه صفة شائعة جدا لهذا العمر

ثالثا:
المشكلة الثالثة:

الصبر

فى هذا العمر الطفل عنيد جدا حتى اذا كان يحب الرسم و الكتابة فعند طلبك له بالرسم مثلا يرفض
و لكن خذيه بطريقة محببة وقولى له تعال شوف ماما بترسم وقومى بعمل رسم يحبه
واعطيه قلم و الوان و بالتدريج سوف يستجيب لك
اجعلى من مادة التعلم ترفيه و لعب لا اوامر
شجعيه بالعبارت الجميلة و اذكرى الصفات الجميلة التى عنده
الطفل فى هذا العمر لا يحب الاوامر فتقليل الاوامر مهم جدا فى هذه المرحلة
فى نفس الوقت الحزم و الهدوء اهم سلوك للوالدين تجاه اطفالهم

و ارجع ا و اقول لكِ لا للعصبية لان نتائجهاا سلبية
وزعى اهتمامك بينه و بين اخيه و لا تهملى احد منهم كونى عادلة فى معاملتك

و اخيرا هذه المشاكل التى ذكرتيها طبيعية جدا فهى مراحل طفولية تمر بها جميع الامهات

فالام الذكية و الصابرة و الحكيمة هى من تتخطى هذه المشاكل بشكل جيد بل ممتاز

-------------------------------------------------------------

اختى الغالية كان لدى الكثير مما اريد ان اسرده و لكنى مرتبطة بموعد الان

سوف اعود اليك مرة اخرى بتجربتى مع ابنتى هند و ابنى الصغير اسامة

لى عودة

و ارجو ان اكون افتدتك يا غالية و لو بالقليل

لا والله ياام هند ياغاليه انتى افتدينى بالكثير من النصائح الذهبيه وارهقتى نفسك بالكتابه الله يجعله فى ميزان حسناتك ويحفظ لك هنوده وسمسم وتشوفيهم احسن الناس
بس لى تعقيب عل حلك لمشكلتى التى اعتبرها معقده جدااااااااااااااا
اولا الولد رافض يسمع لى واكررها كتير
ثانيا انا استعملت معاه الاسلوب اللى حضرتك ذكرتيه انمى اتقرب له واهمس فى اذنه وعينيه وبيظهرلى انو غير فااااااااااهم اصلا وغير مهتم ومتبلد لما اقول ويتقبله بفتور او يشغل نفسه باى موضوع اخر او يمسك ملابس او لعب
وساعات يقوللى حاضر يا ماما واحضنه مثل امس مثلالالالالالالالالالالالالالا
وبعد شوى الاقيه عامل نفس العمله ولا اى كلام نافع ولا لاكانى تعبت معاه ولا ذوق ولا عافيه


كما انى عندما ارسم له وبتحصل كتييييييير بيبقى عايزنى ارسم له كتير وعندما ااقوله قلدنى يرفض ويرمى الورق والقلم
واحب ااقولك انى اشتريت له كراسه وكتاب تلويين وقصص وكلها قطعها حتت وقطع على الارض والالوان وضعها فى فمه وكسرها وخرج اللى فيها ثم تركها ومشى!!!!! ازاى مكونش عصبيه!!!!!!

اختى العزيزه ارجوكى عجلى بتجربتك مع اولادك يمكن تفيدنى اكثر ولكى فائق احترامى وجزيل شكرى