كوكى حبيبتى سؤالك مهم جدا جدا

أنا عن نفسى بقول لأبنتى تقول للميس و لو الميس طنشت أو مأخدتش أجراء قوى تيجى الخطوه التانيه أنى اكلمها أنا بنفسى لو فضلت مطنشه أو أتكرر الموقف تانى و هى كانت سلبيه هقول لبنتى تضربه زى ما ضربها علشان ميستأسدش عليها لحد ما أشوف حل فى الميس

أيه رأيك و يا ريت الكل يشارك برأيه

يضربه ويرد بالمثل عشان المسالم مالو مكان في هذا الزمن أنا بنفسي لما كنت صغيرة كان لما يضربني أحد كنت أبكي و أسكت ,اشتكي للميس بس ما تاخد حقي وكنت محط سخرية رفاقي بس لما صرت ب حوالي 9 سنين صرت اخذ حقي بايدي وصار الكل يحترمني ويعمل ليحساب لذلك فانا أنصح بان يأخذ الطفل حقه بايده أحسن ما يكبر مهضوم الحقوق وما يعرف ادافع عن حالو

ام لينا ومسلم انا بعمل زيكم كدة وبقوله برضه يشتكي للمدرسة علشان كمان بخاف الموضوع يكبر وممكن يضربوا بعض جامد او يتعوروا ... بس برضه مش عارفة في ناس كتير رايهم من راي سلمي ان لو سكتوا واعتمدوا علي المدرسة هيبقوا سلبيين ومش بيدافعوا عن نفسهم فبصراحة محتارة

بصى يا كوكى يا حبيبتى كنت سمعت دكتور ياسر نصر بيقول من الخطأ جدا تعليم الطفل و هو لسه صغير كده أنه لما مثلا حد يضربه يسامح او معلش و الحاجات ديه و كان بيقول الأول نعلم الطفل قيمه أنه ياخد حقه و لا يرضى بالظلم لنفسه و لما يبقى قادر على كده نبدأ نعلمه التسامح يمكن ديه حاجه بعيده شويه عن الموضوع اللى بتطرحيه بس حبيت أقولهالك

و عن تجربتى انا بنتى لما كان حد بيضايقها فى المدرسه او يمد ايده عليها مثلا كنت بقولها أشتكى للميس ساعات كانت الميس بتاخد أكشن و الطفله المخطئه تخاف و متكررش و ساعات الميس كانت تاخد أكشن بس فى عيال مبيتأثروش و يستمروا يضايقوها برده و هى بتحرج كل شويه تقعد تشتكى خصوصا و انها هتظهر كأنها عيله صغيره مش عارفه تاخد حقها و فى نفس الوقت عامله صداع للميس و ساعات الميس مكنتش بتاخد أكشن مناسب

فى الحاله الأولى خير و بركه أنتهى الموضوع
فى الحاله التانيه و الثالثه كنت بقولها لو حد مثلا ضايقها بكلام بعلمها أزاى ترد عليه و تاخد حقها لو حد مد أيده عليها تضربه زى ما ضربها بالظبط لا أقل و لا أكتر

و صدقينى فعلا فى أطفال مبيجوش غير كده و مبيبدأوش يحترموا الطفل و يعملولوا حساب غير لما يبقوا متأكدين أنه قوى و يقدر ياخد حقه و يقدر يرد الأيذاء فبيسبوه فى حاله

فى حالة أبنك لسه صغير اوى كى جى أبدأى الأول بموضوع الشكوى للميس و تابعى دايما و لو الميس مبتتخذش أكشن يبقى كلميها و لو استمرت أشتكيها فى النهايه بقى لو فضل برده حد معين يضايقه خلى ابنك يدافع عن نفسه لو كلام يرد و لو ضرب يرد

ده رأى و الله اعلم

طبعا يشكتي للمعلمة
فإن اتخذت موقفا سلبيا يدافع الطفل عن نفسه