السلام عليكم و رحمه الله وبركاته

انا عايزة اخد رايكم فى موضوع مهم و كل واحده تقولى بصراحه لو مكانى هتعمل ايه

انا باشتغل صيدلانيه فى مستشفى حكومى و كنت باخد مريم معى الشغل بس انا قدمتلها فى حضانه السنه دى هتبدا مع بدايه الدراسه
بس

انا خايفه مووووووووووووووووووووت من موضوع انفلونزا الخنازير

بافكر اخد اجازة بدون مرتب و اقعد فى البيت بيها بس انا شغلى جنب البيت و لو قطعت الاجازة و حاولت ارجع شغلى تانى هيودونى مكان بعيد و سالت و لقيتهم فعلا هيودونى مكان بعيد قوى

غير ان زوجى طبيب فانا باقول لو قفلنا علينا البيت الفيروس ممكن ييجى فى الجو او زوجى ممكن يتعدى و يعدينا واحنا فى بيتنا و انا محتاره و مش عارفه اعمل ايه
بالله عليكم شيرونى و دلونى لما فيه الخير ان شاء الله


معلومه الحضانه اللى مقدمه لبنتى فيها حضانه خاصه و نضيفه جدااااا

اختى الله يخليلك بنتك ويحميها يارب من كل شر امين
انتى قلتيها ممكن يجى من الجو والحامى ربنا
ومش مهم نظافه الحضانه بس الحمدلله انها نظيفه دى يطمنك علي بنتك فيها
ولو ان مكانك ححصن بنتى وجوزى ونفسى يوميا واستودعهم الله الذى لا تضيع ودائعه فى الارض والسماء وكيدة انتى عملتى اللى عليكى وسيبى الباقى على ربنا وتوكلي عليه
كل يوم الصبح معلقه عسل عشان تقوى مناعتها ومتكنش تعبانه مرتاحه عشان متمرضش انشاء الله
وينسون كشراب وزبادى مع الثوم وحبه السودة(البركه) مع العسل دى مسج جانى على الموبيل بيقول ان اكلهم فى حمايه من الانفلونزا
تحياتى

و الله اختى انا باعطيها العسل و الحبه السوداء يوميا بس هى مش بتحب الزبادى
لكن ممكن اديها الثوم و الينسون

ربنا يكرمك اختى و يسعدك و يجازيكى كل خير

استودعيها الله
انا برضه بخاف جدا من زيارة المولات بالذات فى الزحمة اليومين دول
وكل ما ادخل مول اوسوس
ربنا يحفظ اولادنا واولاد المسلمين

مين سمعك أنا بقى مرعوبه.........
زوج اخت زوجي في العمره وهيرجع قبل العيد بيوم
أنا مش مشكله ممكن نأجل اننا نشوفه ان شاء الله شهر
بس المشكله ان اخت زوجي عند مامتها حماتي يعني
وهما منتظرين يسلموا عليه ويقعدوا معاه
وطبعا لازم بنتي تسلم على جدتها وتعيد عليها في العيد
بجد انا خايفه جدااا
خصوصا ان حضانة المرض من 5 الي 7 ايام
يعني ممكن ميبنش عليه اعراض
انا خايفه موووت
ومحرجه اقول لحماتي بنتي مش هتشوفكم في العيد!!
طيب حد عنده حل؟؟

كتبت بواسطة ام توتة 2008
استودعيها الله
انا برضه بخاف جدا من زيارة المولات بالذات فى الزحمة اليومين دول
وكل ما ادخل مول اوسوس
ربنا يحفظ اولادنا واولاد المسلمين



و الله انا كمان باخاف عليها قوى و الشيطان بيلعب بدماغى الله لا يورينا فيم مكوه و يحفظهم يا رب