السلام عليكم

أنا شخصيا مهتمة أوي بموضوع تربية الأبناء و في اعتقادي الشخصي إن في حاجات بسيطة لو ركزنا فيها هتفرق أوي في شخصة الأولاد

و شايفة في حاجات بنتصرف فيها بدون تفكير أو وعي و بتترك آثار سلبية في الشخصية بتفضل تترسب على مر العمر

و نيجي لما الطفل يكبر نقول ده فيه و فيه

طيب ما إحنا نفسنا اللي كنا بنقول ده عيل و هو فاهم حاجة و مش فارق يعني التصرف ده

طيب أيه الحل ؟

أنا فكرت إننا في الموضوع ده نطرح شوية مشكلات و نتناقش فيها

و لو نعرف نعرضها على متخصص أو إخصائي في التربية هتفرق جدا جدا

و لو نعرف نجمع أكبر قدر من الكتب و الشرايط و فيديوهات من برامج تليفزيونية هيبقى شيء رائع فعلا

أيه رأيكم نبدأ أول خطوة في الموسوعة التربوية

و أظن كلنا هنستفاد

مش كده و لا أيه ؟

على فكرة أنا مش متزوجة و لا مرتبطة بس الأمر ده بيشغل بالي كتير

و بعدين إحنا بنتجوز عشان نجيب عيال نربيهم ع الإسلام مش عشان نطلع عندهم مشاكل و عقد نفسية

طيب حد عنده فكرة أيه البرامج اللي ممكن نتابعها و تفيدنا في المجال ده ؟

هأحاول إن شاء الله أدور على شوية حاجات كويسة و أجيبها لكم

عايزين برضو نعمل حصر لأيه أهم المشاكل الموضوعات اللي بتقابل الآباء و الأمهات في تربية أولادهم ...

أنا شخصيا شايفة إن من بعض هذه المشاكل

عدم مقدرة بعض الآباء و الأمهات أحيانا على احتواء الطفل عاطفيا

كيفية التعامل مع الطفل العنيد

غيرة الأطفال من بعضهم

أحيانا تلاقي بعض الآباء و الأمهات بيقولوا لولادهم على حاجات همه مش بيعملوها زي مثلا الأب المدخن

أوقات تلاقي الأب مشغول طوال الوقت و عبء التربية يقع كاملا على عاتق المرأة

كيف أربي ابني أو بنتي منذ الصغر على تحمل المسئولية ؟

كيف أرد على أسئلة الابن المحرجة ؟

لو ابني أو بنتي عندهم عصبية زيادة كيف أمتصها ؟

أنا بعمل عصف ذهني و في انتظار باقي الآراء

و أنا هجتهد إني ألاقي مصادر تفيدنا في العناوين اللي طرحتها دي

و الله الموفق

http://www.way2allah.com/modules.php...s&khid=4132#UP

حلوة جدا الحلقة دي ... لدكتور ياسر نصر

بعنوان

أسئلة طفلك الحرجة من برنامج ساعة تربية

مش عارفة الحقيقة هو لسه بيتذاع و لا لأ

ممكن حد يفيدنا برضو

اسمعوا الحلقة و قولوا لنا رأيكم بقى