السلام عليكم
كيفكم جميعا

ياجماعه بنتي عمرها 3سنين وشهرين ما شاء الله هيه احسها حساسه شويه ورمانسيه بس مشكلتها العند احسها بتعند معايا يعني انا عاملالها نظام بالنسبه للعبها تلمها في اخر اليوم في مكان مخصص احيانا بتعند معايا ومش بترضي تلمهم بالرغم من تهديدي ليها انها مثلا مش هتخرج اليوم التالي او مش هجيب ليها شيكولاته او اي شيئ اخر بس مش بترضي وخلاص اعمل معاها ايه عشان اخليها تلتزم بالموضوع دا ؟دي اول موضوع

تاني موضوع انها متعوده تنام جمبي من اول ما اتولدت وانا اعيش بغربه بعيد عن اهلي يعني منمتش من دوني يمكن مره واحده تقريبا ولما جه اخوها نامو الاتنين معايا بس يمكن اخوها مش زيها لانو عمره الحين سنه الحمد لله ممكن اسبيه معاها ينام من غير قلق المهم احنا نقلنا شقه غرفتين فا قررت اعودهم ينامو لحالهم اخوها برضعه وبينام وهيه بقي بتكون مصره اني اطبطب عليها (هيه تقولي اعمليلي معلش)لو مش طبطبت عليها مش تنام يعني دي حاجه اساسيه وممكن تقلقل باليل ومش تلاقيني جمبها تقعد تعيط وممكن تسرخ عشان عاوزاني اطبطب عليها انا مش عارفه دا ارتباط زايد ولا كل الاطفال كدا وكل واحد ليه طريقه؟
وكمان مش عارفه لما انزل اجازه واروح لاهلي نفسي تنام مع مامتي مثلا ولا مع جدتها مامت باباها مش عارفه هتحب الموضوع دا ولا؟مين يفيدني
هذا غير انها ممكن تصحي تعيط بهستريه لو باباها حب يطبطب عليها لانها بتكون عوزاني مع العلم انها بتحب باباها جدا والحمد لله

اهلين غاليتي,,,

مشكلتك قريبة الى حد ما من مشكلتي!
بالنسبه للعناد انا تعبانه بسببه من بنتي,,
ولا تلقي اي اهتمام لو حرمتها او اي وسيلة ثانيه
تظل تبكي لحد ما اتنازل عن حرماني مقابل انها
تسكت !!

اما مسألة انها تنام لوحدها شوي شوي وحتتعود تنام لوحدها
بس انت اجلسي عندها لحد ماتنام وكل طفل اذا صحى بالليل فجأة يبكي

ان شاء الله حتنام عند مامتك ومامت بابها بس بالتدريج ..

يارب اكون افدتك