والله أنا أوشف انه عادي .

بنتي كمان باقي لها اسبوع وتكمل 8 شهور واعطيها أكل مهروس .. بس اعطيها في يدها قطعة توست والا بسكوت ناعم تاكله بنفسها ..

وقبل كم يوم كانت مريضة واعطيتها شمام واكلته بالعافية وانا ماصدقت انها تاكل وخليتها تاكل الا شوية لصق في حلقها ورجعته ورجعت معاه الحليب وبهدلت الدنيا ..

بصراحة بعدها فكرت ابطل اعطيها شي مو مهروس بلا وجع قلب ..

انت جربي تقللي الهرس يعني استخدمي درجة اقل شوية من الناعم يعين خليه محرشف زي الشوفان مثلاً ..

والا اطبخي لها شوفان واعطيها هو .. كمان اطبخي لها مكرونة واعطيها تاكلها بيدها بس تأكدي انها طرية ..

اسلقي لها اصابع بطاطس وجزر وبطاطا واعطيها تاكلها بيدها ..

كمان شوفي نوع حبوب الإفطار( زي الكورن فليكس) خدي نوع مكور ومافيه اضافات تجيب الحساسية .. واعطيها حبتين تاكلهم ولما تخلص اعطيها حبتين تانية .

على 10 شهور اعملي لها الأكل في هراسة خشنة وجربي يمكن تاكله .. يعني هي كيف ترفضه؟ ترميه والا تعطيك خدها؟

كمان ممكن تحطي لها لب الخبز في اي نوع شوربة خفيفة مافيها بهار واعطيها هو هدا نوعاً ما لا مهروس ولا صلب .

اتمنى اكون افدتك ..