السلام عليكم ورحمة الله وبركاته
ازيكم ياامهات عاملين ايه وحشينى جدااا والله بقالى كتير مخنقتكوش باسئلتى قلت اما اخنقكم منى شويه
انا ابنى تم السنه وعايزه اروح اطعمه الحصبه ان شاء الله بس ظروف البيت فى ضيوف مقيمين عندى اليومين دول فمش عارفه اروح اطعمه لو استنيت اسبوع ولا حاجه فيها حااااااااجه ؟؟؟
انا خايفه من تطعيم الحصبه ده اللى جربته تقولى اعمل فيه ايه واديله ايه للسخونيه لان بقالى كتير متديتلوش حاجه ومش عارفه اديله ايه وكميه اد ايه كام ملى يعنى
بس ردو عليا بسرعه بليييييييييييييز
وكمان ينفع اطعمه الجديرى دلوقتى ولا كان لازم قبل السنه
والجديرى مفيد انا سمعت ان نسبة الوقايه بالتطعيم بردو مش 100%
رايكم بردو نطعمه ولا ايه ؟

حبيبتى التاخير اسبوع مش كتير اديله سيتال بعد التطعيم على طول مش هيسخن والجديرى مش عارفه ان شاء الله الاخوات يفيدوكى

تطعيم الحصبة يا اينو حقنة عادية جدا وسهلة وملهاش اثار جانبيه ولا سخونة ولا حاجة-
مش عارفة لو اتاخرتى بس حاولى تخطفى رجلك دى حقنة عادية يعنى مش هيتعبك بالليل ولا اى حاجة
اما موضوع الجدرى انا زيك عاوزة حد يرد علينا عشلان بفكر اديه لاحمد ابنى برضو

كتبت بواسطة ام سيف2007
حبيبتى التاخير اسبوع مش كتير اديله سيتال بعد التطعيم على طول مش هيسخن والجديرى مش عارفه ان شاء الله الاخوات يفيدوكى



شكرا يااختى جزاكى الله كل كل خير طمنتينى على التاخير بس انا قلت استنى شويه علشان اكون مع والدتى كمان علشان لو تعب لا قدر الله
بس اديله سيتال اد ايه لو تعرفى كام مللى؟؟؟؟


كتبت بواسطة queen2020
تطعيم الحصبة يا اينو حقنة عادية جدا وسهلة وملهاش اثار جانبيه ولا سخونة ولا حاجة-
مش عارفة لو اتاخرتى بس حاولى تخطفى رجلك دى حقنة عادية يعنى مش هيتعبك بالليل ولا اى حاجة
اما موضوع الجدرى انا زيك عاوزة حد يرد علينا عشلان بفكر اديه لاحمد ابنى برضو



طمنتى قلبى ياكوين ياقمر شكرا ليكى
انا اتصلت بمستشفى تبارك قالولى التطعيم بتاع الجديرى ب 230 جنيه للطفل وهو عنده سنه بس لما سالته ان عنده تطعيم حصبه دلوقتى قالى لازم الدكتور اللى يقول معرفش
فهروح اطعمه الحصبه احاول بدرى اكتر حاجه باذن الله وبعد كده الجديرى هاروح اسال فى المستشفى واللى تعرف عنه حاجه ياريت تفيدنى لان بردو واحده صاحبتى الدكتور قالها الجديرى منتشر تطعم بنتها وبنتها لسه مكملتش السنه

حاولى تطعميه في اقرب وقت لان احتمال الاصابة بالحصبة في عمر سنة من السهل حدوثه
لذلك روحى قبل ما يحصله لا قدر الله حاجة خصوصا في الجو الرهيب اللي احنا فيه ده الرياح بتنقل كل الامراض

حولي متتأخريش حببتي
واما اذا لقدر الله سخن احسن حاجه جربتها للسخونيه (سوليد) جميل جدا والجرعه ملعقه كبيره
انا الدكتور هو اللي واصفهولي لان بنتي الله يشفيها عندها بداية نزله شعبيه وهي عندها 9 شهور
وكانت بتسخن بشكل رهيب وكنت اعطيها لبوس دولفن يا دوبك اربع سعات والاقي بنتي سخنه زي النار وجربت معها سيتال ما عمل شيئ اطلاقا لحد ما اتي الليل وذهبت للطبيب وصفلي (سوليد) والحمد لله كويس جدا الله يشفيها يارب اللهم امين

عملتي ايه يا حبوبه طعمتيه ام ماذا
ويا ترا التطعيم تعبه ولا لاء اصل انا هطعم بنتي بعد شهرين بأذن الله
ويوم التطعيم ده بالنسبالي يوم ما يعلم بيه الا ربنا