لعله ليس بالجديد أن نلاحظ أن الأشخاص الذين ولدوا و قضو طفولتهم في بيئات ريفية لا يتم فيها اتباع العادات الصحية المثالية يظهرون قدرة أعلى على مقاومة الأمراض مقارنة بمن ولدو في بيئات متمدنة أو أستقراطية
لا يقتصر الأمر على البيئات العربية بل انها لوحظة في في الغرب و أمريكا ويوم ما قال أحد العلماء الميكروبات انه يفضل أن ينشأالطفل في بيئة أقل صحية أي أن قليل من القذارة يفيد.
.لا بد أنكم تقولون هل من أساس علمي؟
هناك أساسا علميا لهذه النظرية و هو أن التكوين الأساسي للجهاز المناعي للانسان يحدث خلال السنوات الأولى من طفولته و ان هذا الجهاز لديه ذاكرة فعند تعرض الانسان لاحد الميكروبات المسببة للأمراض خلال الطفولة فان ذلك يتيح للجهاز المناعي أن يتعرف على هذا الميكروب و يدبر له طرقا مناسبة لتعامل معه و القضاء عليه بحيث انه عند تعرضه مستقبلا للميكروب نفسه فانه يقضي عليه بسهولة وسرعتة فائقة لدرجة أن الشخص لا يشعر بحدوث الدعوى.

سبحان الله

موضوع حلو لك مني اجمل تحية
تقبلو مروري

شكرا يا أختي على الاهتمام و المرور مشكورة

حبيبتي ..جزاكي الله خيرا ..
سمعت فعلاً بالكلام دة و ان الطفل يكتسب مناعة مكتسبة ..
انا من دلوقتي هاخد ابني و ننزل نقعد في الشارع هههههههههههه ...

موضوع جميل

و الله فكر يحترم

بس لعلمك اغلب الاطفال اللى بتشوفيهم فى الشارع عندهم ديدان من الاكل غير النظيف و وجههم دايما مبقع من الديدان و شعرهم اصفر من قلة الفيتامينات فى الاكل و عدم اعتناء الاهل بهم و كتير منهم عندهم فقر دم و بيصابوا بامراض الكبد بدرى من نزول الترع و المصارف كثير من سن صغير
لا انكر ان تعرض الاطفال لبعض القذارة يكسبهم مناعة لانهم ممكن ياخدوا العدوى فى شكل بسيط و هما صغيرين
و كتير من الامراض يستحسن انها تتاخد فى الصغر زى الحصبة و جديرى الماء لانها لما بتيجى للكبار بتبقى متعبة جدا و لا يتحملها الكبير مثل الصغير

و انا عارفة الكلام دا لانى كنت باشوفه فى المستشفى ايام ما كنت باشتغل
و عموما فيه تطعيمات دلوقت

و مش عارفة انا مؤمنة بحاجة ان ربنا بيدى البرد على قد الغطاء و دا رحمة
يعنى تلاقى كتير من العيانين الغلابة حبة اسبرين تضيع الصداع عندهم و احنا ناخد ااقوى و اغلى حاجة عشان نضيعه
و تلاقى اطفال يتقبلوا الحليب الرخيص و اطفال اهلهم مقتدرين مش ممكن يذوقوه و لا يبلعوه و هما رضع يعنى مش فاهمين حاجة و ممكن يرجعوا منه كمان و ما يتقبلوش الا الغالى
سبحان الله فى حكمته و رحمته

فاذا كان على اولاد البياعين مثلا
هما متضطرين يبقوا فى الشوارع لفترات طويلة فى البرد و قلة النظافة و ربنا رحمته واسعة

و عموما يا ستى ما تقلقيش كدة كدة هيتعرضوا للقذارة لما يروحوا المدرسة او الحضانة و تبقى ايديهم متربة من اللعب و يمسكوا الساندويتش ياكلوه و ياخدوا عدوى من اصحابهم البردانين او ياكلوا حاجة من على العربية اللى فى الشارع و ما يقولوش او من الاكل بره او من الدليفرى هياخدوا عدوى بسيطة

وممكن تسمم بسيط(ما تتخضيش) تلاقى احيانا يجى دور اسهال بسيط يوم او نصف يوم و يروح او تدفى مرة واحدة بيحصل للكبار و الصغيرين يبقى تسمم بسيط من الاكل لاى سبب ذبابة وقفت عليه و انتى ما شوفتيهاش او حاجات زى كدة سلطة ما اتغسلتش كويس قوى خصوصا الورقيات و انتى او اللى بتحضر الاكل مااخدتش بالها
عدوات بسيطة ما تضرش بس تعمل مناعة

المهم نحافظ اننا ناكلهم الاشياء المفيدة و نحشر الخضار و الفاكهة فى الاكل حتى لو مش شايفينه عشان نقوى مناعتهم و ربنا يحفظ كل الاطفال

و مشكورة يا جميل على طرح الموضوع اللطيف

جزاك الله خيراً على الافاده