ازيييكم ياامهات عاملييين ايه ؟؟؟
تعالو نتبادل خبراتنا فى موضوع اللبس ده علشان لا نلبس اطفالنا قليل يبردو ويعييو ولا نلبسهم كتير نخنق حركتهم

كل واحده تقول بتلبس طفلها ايه ؟
انا عن نفسى بلبسه سلوبيت داخلى بكم بكباسين وعليه زى بادى او فانله بكم وكولون صوف وعليهم الطقم يااما بيجامه تقيله فى البيت يااما بنطلون وبلوفر فى الخروج ومعايا جاكيت زياده فى البرد
احيانا باحس انه كويس واحيانا باحسه كتير بس بخاف اخفف واحيانا باحس انى عايزه ازود بس مش عارفه ازود ايه وهل هايبقى كتير اوى عليه ولا ايه انا باعرف انه بردان من ايديه وودانه بيبقى ساقعين اوةى ومن البامبرز لما باجى اشوفه بعد ماغيرله بفتره قليله بلاقى البامبرز مليانه اوى باعرف انه كان بردان
ياريت تفيدونىى

كتبت بواسطة enno
انا عن نفسى بلبسه سلوبيت داخلى بكم بكباسين وعليه زى بادى او فانله بكم وكولون صوف وعليهم الطقم يااما بيجامه تقيله فى البيت يااما بنطلون وبلوفر فى الخروج ومعايا جاكيت زياده فى البرد
احيانا باحس انه كويس واحيانا باحسه كتير بس بخاف اخفف واحيانا باحس انى عايزه ازود بس مش عارفه ازود ايه وهل هايبقى كتير اوى عليه ولا ايه انا باعرف انه بردان من ايديه وودانه بيبقى ساقعين اوةى ومن البامبرز لما باجى اشوفه بعد ماغيرله بفتره قليله بلاقى البامبرز مليانه اوى باعرف انه كان بردان
ياريت تفيدونىى



me the same

اناابنى 3 سنوات بلبسه فنله قطن حملات وواحده بكم فوقيها وواحده بكم تانى اتقل شويه والهدوم العاديه فوقهم اذا كان ترنج او بلوفر فى الخروج وجاكت معايا احتياطى انا اصلى شقتى تلج السيراميك بيطلع تلج فعلا مع انى مليه الدنيا سجاجيد بس مافيش فايده

كتبت بواسطة marwa81
اناابنى 3 سنوات بلبسه فنله قطن حملات وواحده بكم فوقيها وواحده بكم تانى اتقل شويه والهدوم العاديه فوقهم اذا كان ترنج او بلوفر فى الخروج وجاكت معايا احتياطى انا اصلى شقتى تلج السيراميك بيطلع تلج فعلا مع انى مليه الدنيا سجاجيد بس مافيش فايده



نفس المشكله عندى الشقه تلللللج السيراميك مخليها تلج مهما بحاول ادفيها وبردو ملياها سجاجيد مفيش فايده رايك ازود الهدوم ليه؟

بصوا ياقمرات
الدكاتره كتير قالتلى ان الاطفال تلبسيهم قطعه واحده زياده عن اللى انت لابساها
يعنى لو انت لابسه اتنين يبقى هو تلاته
يعنى طبقه زياده عنك واحدهوبس
لانك لما بتمليه هدوم وتيجي تغيرليه مع اى تيار هوا ضعيف ممكن يبرد لان جسمه بيكون عرقان او متدفي مكان الهدوم وتيجي تقلعيه الهوا يلطشه ويعيا د غير انه بيقيد من حركته
وكمان ماتلبسيهوش اقل منك
لو هو بقى بيبر دمن ايده لازم تيجي تخرجيهتلبسيه ايس كاب جوانتى وماتقلعيهوش ابدا الايس كاب الا لما تروحي البيت عشان البيت دايما بيكون ادفى من برا ولو ساعات في الجو المقندل الل احنا فيه ده بيكون برا البيت ادفى من جواه
ماعلينا المهم لا تخففي اوى ولا تتقلي اكتر من طبقه زياده عنك جوا البيت
وطبعا لازم يلبس حاجه تقيله تكلفته صح بعيد عن الهوا برا البيت خصصا في التلج بتاع اليومين دول

وربنا يعيننا كلنا ازااحنا ياكبار مش قادرين نستحمل فما بالك بالصغيرين


بس والله لو عودتى ابنك او بنتك على اللبس التقيل الكتير المكلكع من صغره هيفضل براد طول حياته ويعيى كتير

انا بلبس بنتى سلوبيت نص وواحد كم وفانله كم والبيجاما كل ده وبلاقى ايدها ساعات سقعانه انا بقول علشان بتلعب على الارض كتيييير ومش عارفه اعمل ايه غاويه سيراميك

عودت ابنى ملبسهوش كتير من اول متولد

هو سنه وشهرين

بلبسه فنلتين وبجامه بس وبنطلون تحت بنطلون البيجامه

وانا شايفه ده مناسب وبتقل عند الخروج

وحتى لو حد قالى انتى ملابساه خفيف مبسمعلهوش

لانه الحمد لله عودته