السلام عليكم و رحمة الله و بركاته...

ياريت حد يساعدنى انا بجد خلاص قربت اتجنن من بنتى...



بنتى عمرها سنه و شهر اولا.. مش بتاكل خالص و كل يوم نفس الموال و الله العظيم بدون مبالغة مش بتاكل حاجه خالص و عايشة على الرضاعة الطبيعية فقط حاولت معاها كل حاجه و كل انواع الاكل و الالعاب مع الاكل بس مش راضية برده تفضل تبكى بحرقه و تضرب رأسها فى الارض او فى اى حاجه و فى الاخر ماتهدأش غير لما احن و ارضعها روحت لاكتر من طبيب كلهم يقولولى لازم استحمل و اجوعها عشان ترضى تاكل و الله مأساه بعيشها كل يوم مش عارفه اعمللها ايه وزنها قليل و لسة لحد دالوقتى ماسننتش و لا سنه واحده حتى و طبعا مش بتمشى برده حده يفيدنى ارجوكم انا فعلا تعبت معاها قولولى اعمل ايه ياريت تفيدونى بتجاربكم و جزاكم الله كل خير...لان انا فعلا نفسيتى تعبت بجد..

ربنا يعينك عليها
حاولي معاها تاني و شوفي دكتور اطفال كويس و روحيله
عشان يكتبلها على كالسيوم و مقويات
و لو ملقتيش فايده جمدي قلبك و افطميها
كده مش حيبقى قدامها غير انها تأكل
ربنا معاكي

الله يعينك أنا والله كمان ابني نفس الشي بغلبني كتير في الاكل و كل يوم بكون قلقانه انو ما أكل
شوفي حبيبتي الاطفال في هدا السن بدهم يقلدوا كل اشي بعملوا الأهل
الدكتوره الاسبوع الي فات حكتلي انو و انا بأكله أعطيه صحن و معلقه و احط في الصحن شويه اكل
و والله نفعت هالطريقه صار ابني يحاول ياكل لحاله و أنا في نفس الوقت أطعميه من غير ما يحس
حاولي معها نفس الطريقه و انشاءالله تاكل

والله يا حببتي نفس المشكلة اللى مريت عليها وحسا بيك ياأختي
وعانيت كتير لا نفعني دواء ولا طبيب لأن إبني كان يشرب حليب طبيعي لا غير
ونصحوني أني أوقف الرضاعة الطبيعية وألجأ للأكل العادي للأطفال في البداية
لقيت صعوبات لكن بعد أسبوع بدأت الأمور تتحسن والأوضاع تستقر والنتيجة
أبهرتني
والأن إبني ماشاء الله عليه عمرو 6سنوات وشهيته مفتوحة على الآخر
ما تقلقيش مرحلة وتعدي فيما يخص المشي الأمر عادي في سنها أما فيما يخص
الأسنان شوفي طبيب مختص لأني اللى أعرف أن بعد سنة يجب مراجعة الدكتور
ربنا معاك وبالتوفيق يا حببتي

كتبت بواسطة Rody 2005
ربنا يعينك عليها
حاولي معاها تاني و شوفي دكتور اطفال كويس و روحيله
عشان يكتبلها على كالسيوم و مقويات
و لو ملقتيش فايده جمدي قلبك و افطميها
كده مش حيبقى قدامها غير انها تأكل
ربنا معاكي



ميرسى يا رودى على ردك ان شاء الله اوديها لدكتور الاسبوع ده المشكلة انى مش ممكن اعرف افطمها بالشكل ده خاف عليها ده مش بتاكل حاجه خالص و لا حتى راضية تجرب الاكل الحاجه الوحيده اللى ممكن تحطها فى بقها الخيار و طبعا مافيهوش فايده خالص ده كله مياه الله يعيننا عليهم و شكرا يا حبيبتى على ردك..

كتبت بواسطة Nancy68
الله يعينك أنا والله كمان ابني نفس الشي بغلبني كتير في الاكل و كل يوم بكون قلقانه انو ما أكل
شوفي حبيبتي الاطفال في هدا السن بدهم يقلدوا كل اشي بعملوا الأهل
الدكتوره الاسبوع الي فات حكتلي انو و انا بأكله أعطيه صحن و معلقه و احط في الصحن شويه اكل
و والله نفعت هالطريقه صار ابني يحاول ياكل لحاله و أنا في نفس الوقت أطعميه من غير ما يحس
حاولي معها نفس الطريقه و انشاءالله تاكل



شكرا ليكى يا نانسى ابنك فى نفس العمر تقريبا الفرق بسيط الله يعينك والله... انا جربت الطريقة ده والله معاها بس المشكله انها بهدلت الدنيا خالص و مااكلتش حاجه فى الاخر و خليتنى اتعصب عليها خلاص مابقتش عارفه اعمل كونترول على اعصابى مع انى والله المفروض هادية و مش بسهولة اتعصب بس كان زمااااااان... انا هجرب معاها تانى و انتى كمان حاولى مع ابنك و ربنا معانا و يهديهم لينا يارب...

الله يكون في عونك ابني كان معتمد على الرضاعه بشكل كبير وماكان ياكل شي وقبل يكمل سنتين فطمته تعبني بعدها تخيلي مايحط في فمه الا عصير او حليب هو الى الان معذبني(عمره 3ونص)لكن اهون من اول