الكل عم بيشتكي من ولادة
بس أنا لو بنتي بتحكي كانت فتحتلي محضر
أنا بدي أكون أم مثاليه
بدي أسوي كل شي لزوجي
طبيخ
غسيل
بيت بيجنن
ميكب والذي منه
أولاد بيبرقوا من النظافة و شخصياتهم بتجنن
بس المشكلة أني مالي خلق
أسوي حلي و ووو
بس في الآخر أطفش و أترك المطبخ باللي فيه
الغسيل الله لا يوريكوا
البيت بيجنن فعلا
بس مش زي ما كان بدي
الميكب معشش في الجرور بيشوف الشمس مرة كل كم أسبوع
بس اللي مزعلني فعلا بنتي
ما بعرف ليه
بس كل يوم قبل ما أنيمها بحس أني ما أعطيتها وقتها
بحس أني أهملتها
كأني قديت كل يومي علي الأنترنت و ما أهتميتلها
أو في المطبخ و ما لعبت معها أو علمتها أشي جديد
حاسة أني مقصرة معها
كل يوم بحكي راح أعطيها وقت لها هي مخصوص
بس حتي لو قضيت معها مثلا ساعة في الصباح
آخر اليوم أجي و أقول أني كنت بتطلع علي النت حوالي ساعة أو ساعتين
و هي كانت بتلف حوليه بدها شي و ما عبرتها
أنا بطبعي إدا بعمل شي و مندمجه فيه ما بوعى إيش بيصير حوليه
و هي بطبعها عندها ثار بينها وبين الكمبيوتر
كل ما تشوف حد جه جمبه
تلزق في أجره
يعني يا هيه يا هوه
ما بعرف
و كله كوم و عصبيتي هاي كوم تاني
بتابع في الدورة اللي في الركن هنا
بس كل ما آجي بدي أطبق شي
تيجي هي تعاند
أعصب
أشد علي سناني
و عيوني بتبرق
و تلاقي البنت يا حرام بتقول
أمي بقت أمنا الغوله
و البعبع
مرة واحدة
من جد
برجع و بندم علي الصياح و العصبيه
لأنها بتأثر فيها بطريقة سلبيه
بس مش عارفة أيش أسوي
هي تفهمني
و تعاند
و أنا ما ألي خلق
ما بعرف شو بدي أسوي
ما بدي أخليها تخاف مني
أو تخاف تغلط
أو تخاف تحكيلي أنها غلطت
بس كيف بدي أتحكم في هاي العصبية اللي مجنناني و مجننه زوجي و بناتي معاي
حتي بنت ال5شهور ما سلمت مني
شو بدي أسوي?
فكركوا أني بطلب كتير من حالي
ولا أني فعلا مقصرة?
زوجي إذا بقوله شي بيحبطني و ما بيعطي نصيحة تنفعلي
بدي أشي اللي أسويه منشان أتحسن!!

والله حالي من حالك!!! عم بقرأ اللي كاتبتيه كإني عم بقرأ عن حالي!!! إن كان الطبيخ ولا الغسيل ولا البيت ولا الميكب!! ولا ابنيييييييييييييييييييييي
بيكون كل الحق علينا وبنتفشش في اولادنا واللي حوالينا!!!
عنجد الله يعينهم علينا...
وأنا متأكدة انه سبب عناد الاطفال وتخريبهم للبيت وازعاجهم فقط من أجل اننا نعبرهم ونهتم فيهم.. لاننا لما نترك اللي في ايدينا ونلعب معهم ما شاء الله بصيروا يسمعوا الكلام... سبحان مغير الاحوال!!!
لكن زي ما قلتي.. ما بنقدر نلعب معاهم 24 ساعة لانه ورانا شغل ومسؤوليات لما ما نلحق نخلصها بنصير عصبييييييييييين كتيييييييييير...
فياريت انه البنات يحكولنا شو بيعملوا مع اولادهم وقت انشغالهم؟؟ حتى ما يلزقوا في رجلين الواحد ويقيدوا حركتنا؟؟؟؟؟؟
لاننا اذا لقينا الحل معاهم بتخف عصبيتنا المتلازمة!!

طولي بالك اختي..اتوقع كل ام تحس بشعورالذنب والاحساس بالتقصير تجاه اطفالها..يعني شي طبيعي
وبعدين احنا بشر اكيد رح نقصر..لو ايش ماكان مانقدر نلحق على كل النواحي نجتهد والباقي على الله
الله يعينا واياك

يسلموا يا حلوين
والله ما قصرتوا
الحمد لله أني مش الوحيدة اللي بيصير فيها هيك



كتبت بواسطة lanazn





جزاك الله خير أخيه
فعلا طمنتيني



كتبت بواسطة Anny SaS
والله حالي من حالك!!! عم بقرأ اللي كاتبتيه كإني عم بقرأ عن حالي!!! إن كان الطبيخ ولا الغسيل ولا البيت ولا الميكب!! ولا ابنيييييييييييييييييييييي
بيكون كل الحق علينا وبنتفشش في اولادنا واللي حوالينا!!!
عنجد الله يعينهم علينا...
وأنا متأكدة انه سبب عناد الاطفال وتخريبهم للبيت وازعاجهم فقط من أجل اننا نعبرهم ونهتم فيهم.. لاننا لما نترك اللي في ايدينا ونلعب معهم ما شاء الله بصيروا يسمعوا الكلام... سبحان مغير الاحوال!!!
لكن زي ما قلتي.. ما بنقدر نلعب معاهم 24 ساعة لانه ورانا شغل ومسؤوليات لما ما نلحق نخلصها بنصير عصبييييييييييين كتيييييييييير...
فياريت انه البنات يحكولنا شو بيعملوا مع اولادهم وقت انشغالهم؟؟ حتى ما يلزقوا في رجلين الواحد ويقيدوا حركتنا؟؟؟؟؟؟
لاننا اذا لقينا الحل معاهم بتخف عصبيتنا المتلازمة!!



مشكوووووووووووورة
من جد ريحتيني
بس زي ما قلتي لو حد يقولنا أيش يسوي مع صغارة لما يكون مشغول
ما بقدر ألعب معها طول اليوم
زوجي عم بيدبحني!!


كتبت بواسطة اضوا
طولي بالك اختي..اتوقع كل ام تحس بشعورالذنب والاحساس بالتقصير تجاه اطفالها..يعني شي طبيعي
وبعدين احنا بشر اكيد رح نقصر..لو ايش ماكان مانقدر نلحق على كل النواحي نجتهد والباقي على الله
الله يعينا واياك




جزاك الله خيرا أخيه
المشكلة أني حاسه أني ما بحاول
أو أني ما بسوي شي لها
غير أني أطعميها و ألبسها
بس
من جد حاسه أني مش عم بعطيها شي يفيدها أو تحبني منشانه

ياام البنات اذا امكانيات زوجة كويسة جيبي شغالة للبيت وتفرغي لنفسك ولبناتك