السلام عليكم ورحمة الله
المكتوب باين من عنوانه ..... ولدي يبلغ من العمر سبع سنيين , يأكل ملابسه والأقلام الخشبيه والمحايات وسريره الخشبي .
حاولت معاه بشتي الطرق أن يبطل هذه العاده ولاكن دون جدوى حتى لما أشري له لبس جديد اليوم الثاني كأن أكله فأر.جلست معاه جلسه هاديه وقلت أحضر لي ورقه وقلم نبغى ندور أنا وأنت الحل المناسب لهذه المشكله أنت قول لي حلولك وأنا أقول حلولي ثم نختار الحل المناسب ,فلما نتفق على حل,اليوم الثاني ينسى وترجع حليمه لعادتها القديمه
أبغا أقول لكم انه لما كان عمره سنتين كان لما يبغى يضرب أخته الي اكبر منه أو طفل أصغر منه يعض كفه يعني يحط حرته في كفه لحد ما صار في كفه علامه سوداء وبدت تخشن وصرت أعاقبه بالفلفل الحار أحطه على كفه وبطل هذه العاده
ولأن رجع على الملابس والأقلام ,وصار يجيه أحاينآ مغص في بطنه وأقول له هذا عشان تأكل ملابسك وسريرك
وسويت له فحوصات عشان أطمن عليه والحمد لله طلع سليم .....

بس اخاف تكبر هذه العاده معاه ماني عارفه كيف أتصرف ؟؟؟ مين عندها حل ولها دعوة في ظهر الغيب