عزيزاتي بنات لك
السلام عليكم

بقولكم حدث صار لي مع ابني..بس قولولي صح إلي سويته ولا غلط
جاني ابني وقالي أبغي البس دشداشة (كندورة) مثل عمر (إبن أخوي)..لأنه كان لابس لبس عادي تي شيرت وبنطلون..قلتله لا لأن الوقت متأخر..أتوقعت راح يطيعني مثل كل مرة
لكن الصدممممممممه الكبيرة قالي( أنت مو أم أنت بشكارة) أنصدمت صدمة حياتي
لا وقالها بصوت مسموع ، يعني ممكن الخدم سمعوه غير ابن أخوي سمعه


من الحرة لاضربت ولا شي..قلت حق أبن أخوي تعال وعطيته لعبتة إلي اليوم شريته له..وقلته حق أبن أخوي هاذي لك وديها معاك البيت..


بعدين هو زعل راح اختبى تحت الدرج..فترة طويلة ولا سألت عنه..وبعدين جاني قالي أبي أنام

دخلته الغرفة..وعطيته محاضرة .. أتيبس مكانه.. دخلته الحمام يفرش أسنانه وبعدها قالي أنا آسف ثلاث مرات..وبعدها راح نام

بس ما حبيته ينام ومن دون ما أقبله أو أضحك معاه..رحت عنده وقلتله هل إلي سويته صح ولا خطأ
قال :خطأ ..قلت قول مرة ثانية ماراح أقول..قال مرةثانية ماراح أقول
وبعدها صاح وقال :أبغي لعبتي
أنا بغيت أصيح..بس أتمسكت برأي وقلتله عشان ماتكرر الكلام إلي قلته
بس صاح صياح يعور القلب..قلتله راح اشتريلك وحده جديدة( لأني ما أقدر آخذ اللعبة من عمر)
قال لا أبغي لعبتي..
ماقدرت أطيع نفسي..قلتله طيب بكرة بعطيك
هل اعطيه لعبته ولا أخلي درس له عشان مايكرر الغلط

عمر أبني 4 سنوات
ردوا علي هل الصبح إذا سألني أعطيه ولا لا..على فكرة ولد أخوي قالي ما ابغي اللعبة هاي واشتريلي غيرها ..