لا يا عمتو، مش رح تطول الفرحة لبنت أخوكي للأسف، فقط لأنها بعدين رح تزيد المسؤولية وتلاقي أنه روتين ما بيخلص، ورح تتعب وتقول: ما بدي مدرسة، بدي أضل بالبيت.. وهذا طبيعي.. ولكن بالإجازة بتشتاق، وأهي بتضل تلف وبتدور الدنيا بنفس الطريقة!

ولادي أول كم يوم مدرسة بيروحوا مبسوطين، الواجبات قليلة، المدرسات بعدهم بيتعرفوا عليهم وصديقات جداد، والكل لطيف، وبعدين بتظهر الناس على حقيقتها.. مثل الزواج
وبتبدأ المعاناة مع الامتحانات والواجبات الجادة..من الأسبوع الثاني.. أخ بس.. لو بيطلع بإيدي بتركهم المدرسة وبعلمهم من البيت
بس بنت أخوكي بعدها ننوسة صغيرة، لا امتحانات ولا يحزنون، بس سنتين زمن وبتبدأ الأشغال الشاقة..

شفتي أكثر من هيك ترهيب؟ ههههههههههههه

وعلى فكرة، من المعروف أن الأطفال بالابتدائي ما لازم ياخذوا واجبات تاخذ منهم أكثر من 20 دقيقة.. لو كانت أكثر ما بيعود استيعابهم يستحمل، وبيتعبوا وبيملوا.. وبالفعل هذا بيجعل الطفل مرتاح أكثر ونشيط أكثر..