السلام عليكم
اخواتي الامهات اتمنى انكم تساعدوني
بنتوتي قريب بتكمل 10 شهور واحسها تبغى تلعب بس مادي ايش الالعاب المناسبة لعمرها.. يعني اروح السوق واطلع مادري ايش اشتري فكرت اشتري مرجيحة بس هي ماتحب تنحبس في مكان معين وحتارة ياريت من الي عندهم خبرة يقولولي عن الالعاب المناسبة الي اشتريها من السوق .. وسلامتكم

اختي انا استغربت ان بنتك وصلت لهالسن وانت لين الحين ماشريتيلها شي!!!
روحي تويز ار اس - مركز التعليم المبكر-مذركير وبتلقين عندهم حق كل سن الالعاب المناسبة
طبعا في عمر بنتك كان ولدي يلغب بالسيارة اللي تكون مسكرة من تحت بحيث انه يكون ماد رجله من داخل وانت اللي تمشين السيارة..هذي كانت ولازالت المفضلة عند ولدي..
وممكن تشترين لها الالعاب اللي تكون داخلها 100 كرة وتيجي باشكال مثل السله او السيارة او البركة..انت اختاري اللي يعجبك..
وفي دودة بتكون مثل النغارة للاطفال بحيث ان الطفل يدخل من الخلف ويحبي ويلقى نفسه وصل للراس..هذولي كلهم في تويز ار اس
وفي لعبة بتكون على نمر او بطة بيقعد الطفل عليها وبتشغلي الموسيقى اللي معاها والطفل يصير ينط وكانه يرقص واللعبه بتتحرك معاه...هذي اللعبه وايييييد حلوووة
وممكن مرجيحة بس انا ولدي ماليتقبلها الا عشان ياكل او يحس بالنعاس..
وعندك في التعليم المبكر activity book هذا بيكون فيه صور وملمس وصوت والاطفال يحبونه وايد وبعد عندهم تلفون يطلع اصوات وممكن تسجلين فيه صوتك عشان الطفل يسمعه لما يلعب فيه..وعندهم بيت بيكون فيه مكعبات على اشكال هندسية مختلفة(مثلث-مربع-معين-مدور)
ويكون على كل شكل راس حيوان(بقرة-حمار-بطه) والطفل من هاللعبة يتعلم الالوان والاشكال الهندسية بحيث يحط كل مكعب في الجزء المفتوح والمناسب له..
والله الالعاب وايد لو بغيتي بكتب لك اكثر واسفة على التطويل.

هلا اختي ام علاوي هي عندها العاب واجد بس احسها تحب نوع معين من الالعاب يعني لما اخذ لها لعبة ماتعجبها مثل حلاقات ومثل هاذي الاشياء ماتعجبها بس عطيتني افكار واجد واذا عندك بعد لاتخلي .

سارونا الحلوة ياربي شنو تشترين لها??????????
وديها واللعبة اللي تعلق فيها اخذيها نفس ولدي
سلمي علي سارونة

الألعاب الالكترونية الملونة التعليمية اللي فيها حروف وأرقام وأغاني، هذه أكثر شيء ممتع ومفيد للطفل.

ريفوه نروح الحل وتختار اللعبة ولما نروح البيت ماتعجبها ..
ايمان عندها العاب فيها اصوات وموسيقى واصوات حيوانا بس ماتعجبها ..
تحب الملاعق والسكاكين والشوك والصحون وتخريب البيت وخاصة المكتبة
اريد حلا ً

خلاص اشتريلها الصحون والملاعق البلاستك المقوى... وفيه مطابخ على عمرها أيضاً... ممتازين... أنا بناتي من يوم ما ولدوا عندهم منه
وكل ما يشوفوني بطبخ، ركض على مطبخهم..