السلام عليكم
يمكن انا مقلة جدا جــــــــدا في دخولي المنتدى لكن والله مشغولة سامحوني المهم حبيباتي تراني والله تعبت من كثر ما اروح المستشفيات ومايعطوني حل او شي مفيد دايما اقول للاطباء ولدي عنده حساسية من القمح والبيض يسمعوا ويسكتوا رحت لاخصائية تغذية تعملي برنامج لولدي لكن خبر خير وعاد ما عندي حل غيركم مشكلة ولدي اللي عمره الحين سنة ونص عنده حساسية من القمح والبيض يعني ماياكل شي داخل فيه القمح او البيض وعاد شوفوا القمح نص اكلنا يدخل فيه مثل الكيك البسكويت شوربة القمح الخبز حتى المكرونيا ماياكلها لانها قمح لكن الاطباء قالولي ان البديل عن القمح هو دقيق الذرة وانا بصراحة ماعندي خبرة كافية في الطبخ عشان كذا اللي عنها وصفة لوجبة او اكلة بهذا الدقيق من غير مايكون داخلها قمح او بيض ترسلي مكوناتها او حتى اي وجبة تعرفوها مايدخل فيها القمح والبيض الله يخليكم لا تتاخروا علي تراه ولدي وزنه نازل وعنه سوء تغذية ساعدوني الله يخليكم انا متعشمة خير فيكم

طحين الذره الذ بكثير من القمح
انا امى كانت تسوى لنا مرات فيه خبز
او معجنات
وعلى فكره سوى له نفس الوصفات بالطحين القمح
بطحين الذره
عادى ولذيذ
كرواسانات وكيك وخبز واتمنى يساعدوكى ذوى الخبره

ما يشوف شر حبيبي
ان شاء الله بدورلك وبكتبلك.