يا جماعة والله إني بحبكم جميعا في الله وبصدق بقضي معكم أحلى الاوقات , حتى زوجي ملاحظ هالشي وبيحكيلي يبدو صحبتك في المنتدى تمام !!

بس أنا عندي رجاء ....

لا تضلوا تعلقوا أوسمة على صدور أطفالكم "عفريت" "قرد" "شيطان" "مطلع روحي" ...الخ

والله ياجماعة إنه الطفل بينصبغ بالصفة اللي بتعلقيها عليه ,

والله يا جماعة ولا وحده ابنها فوق العادة , يعني كل الأطفال بدهم يلعبوا -وبمفهومنا يخربوا -وهم بالحقيقة بكتشفوا وبتعلموا !!!

نسيتوا بصغرنا شو كنا نلعب !! أي والله ما تركنا شي يعتب علينا إلا ولعبنا وبعبشنا فيه !! ونطينا وركضنا وتمرجحنا و و و و وو والحمد لله كل وحده فينا الآن شخصيتها أحلى من التانية وآفاقها الفكرية أوسع من التانية !! تأكدوا إنه كله هادا راجع لطفولتنا ...

ما بحكي إنه الطفل ينتركله الحبل على الغارب !! لا و 1000
الطفل لازم يفهم الصح من الخطأ , ويلعب متل ما بده من غير تجاوزات .....

كنا بصغرنا نلعب ونلعب لكن ما بذكر عمرها ماما تأذت منا , لإنها مفهمانا حدودنا منييييييييح ...

صدقوني إن كان الطفل بيخطأ أثناء لعبه وببالغ بسلوكياته , فهذا لعدم وجود لغة تفاهم بينه وبين أمه !!
الأم بتربي من أول يوم !! كيف يعني هااااااااااي , يعني باختصار بتصنع لغة تخاطب بينها وبين طفلها , عند الصح بتبتسمله , وعند الخطأ بتكشر وهاي هي اول خطوات التربية ....

وسلامتكم

الله يعطيك العافية كلامك اكثر من صح الامهات يبون الطفل صم , بكم , عمى ما يبونه يتحرك واذا كان كله ساكت قالت الام ما ادرى شفيه اكيد مريض؟؟؟؟؟لا عاجبهم الهدوء و الا الازعاج الله يعينا عليهم وعينهم علينا ويصلحهم

والله صدقتِ , لو كان هادي ينشغل قلب الأم ....

وهو مريض تحكي يا ريته بعافية وينط ويلعب ويخرب على كيفه , وحين يشفى تنسى

كلامكم كله صح ...بس فوضة اليهال في وقتنا الحاضرشئ فظيع
وماشاء الله يعرفون كل شئ ...وعندهم استعداد حق شئ...وتسلمون

والله يا قطر الندى لما شفت العنوان كنت داخلة أقلك ما بيسوى تقولي هيك عن أولادك، ولما قرأت الموضوع ضحكت. الله يجزيك الخير. فعلاً هذا الرأي الصحيح، فإذا سمع ابنك هذا الكلام رح ينفذ على أساس الوصف. الشيخ عمر عبد الكافي قال انه ما بيجوز مثلاً انك تقولي ابني شقي، كلمة شقي من الشقاء وهيك بتكوني حكمت على طفلك بالشقاء بسبب الوصف.
والله يعطيك العافية.

أعتقد انه موضوع بالغ الأهمية. سوف اثبته لبضعة أيام.

كلامك صحيح يا قطر الندي أنا شخصيا ماما دايما تقولي إني جننتها لما كنت صغيرة واني كنتىمثل لقرود

بارك الله فيك ياقطر الندى على التذكير وبالفعل هذا اللي يحدث للأسف والأهم من هذا ان هالطريقة فيها استهزاء بخلقة الله فلا يصح ذلك