اما كريم فقد زوجه ابوه فى شقة فاخره فى عمارته الكبيرة مع اخوته البنات

لكن صدام تافه مع احدى اخواته التى حزنت جدا لان زوجة اخوها فزعت عندما راتها فجاه فى الظلام و هى خارجة من المصعد فقالت بسم الله الرحمن الرحيم

دخل الاب فوجد البنت التافهه تبكى و امها و اخواتها البنات بجانبها يطبطبون عليها و طلبت منه زوجته ان يخرجها من البيت لان البنات لا يطيقونها

و لما عاد الشاب من الخارج فوجئ بابوه يخيره اما ان يخرجها من البيت و اما ان يحرمه من الميراث و يشرده فى الشوارع

فاخرجها من البيت لمدة عام كامل

كان يتظاهر خلاله بانه يغرق نفسه فى العمل لينسى زوجته و اولاده بينما هو يؤسس لنفسه عملا جديا هو و اصدقاءة الذين يغدق اهله عليه الاموال ليلهو معهم و ينسى اسرته

فقد وعى كريم الدرس

فمن لا يملك لا يحكم

و بعد عام و اكثر دخل عليهم بعلب الحلويات التى تعمل عند ولود المولود حيث ان زوجته انجبت بنتا و اخبرهم انه لن يتخلى عن زوجته و اولاده و انه مستعد لمغادرة البيت و الاستقلال باسرته

هنا ادرك الاب و الام ان الابن خرج من سيطرتهم فتغيرت اللهجة و الافعال و رحبوا بزوجته مرة اخرى فى البيت و اجبروا البنات على حسن معاملتها

عن ابن مسعود قال : قال النبي صلى الله عليه وسلم : ( يَا مَعْشَرَ الشَّبَابِ ، مَنْ اسْتَطَاعَ مِنْكُمْ الْبَاءَةَ فَلْيَتَزَوَّجْ ، وَمَنْ لَمْ يَسْتَطِعْ فَعَلَيْهِ بِالصَّوْمِ ، فَإِنَّهُ لَهُ وِجَاءٌ ) .

فلا خلاف ان الباءة هى تكاليف الزواج
اذ لو كانت غير ذلك
فلم جاء الامر بالصيام لكبح جماح الشهوة اذن ؟؟

طبعا انا لا اقصد الشقق الفاخرة و السيارات الفارهة

فالرجل الشريف العفيف الذى لديه عمل وشقة متواضعة فى حى شعبى
لكنه رجل و يملك زمام نفسه

عندى افضل من التافه الذى لا عمل له و لا مال و ياخذ من بابا و ماما ليتزوج و يصبح خاتما فى اصبع اصحاب الفضل عليه
فيظلم بنات الناس معه حيث لا امن و لا امان مع من هم مثل هذا الشخص

خلاصة ما اريد ان اقول

ان ننتبه جيدا و لا ننخدع بمن لديه شقة و سيارة حتى لو كان يعجبنا
فالرجل الحق فى نظرى
هو الرجل المستقل ماديا عن اسرته
هو الرجل الذى لديه عمل
هو الرجل الذى لديه شخصية مستقله و يتخذ قراراته بنفسه
مهما كانت حالته الماديه
فالصغير يكبر باذن الله
لكن التافه الامعة
ليس منه امل
فاحترسن منه
بارك الله فيكن و حفظكن من كل شر

يسلمو إديك يا أختي
فعلا من لا يملك لا يحكم
للاسف في ناس كثيرة معندهاش حكم

كتبت بواسطة سحر66



[/COLOR]

والله ياأختي كلامك درر
فعلامن لايملك لايحكم وكيف له ان يحكم في شيء لايملكه
بل ان الشخص الذي يملك يرتفع قدره عند زوجته وتحس بالأمان معه

وحشتينا جدا جدا جداااااااااااااااا يامداما سحر ووحشتنا مواضيعك الجميلة
انا معاكي طبعا ان من لا يملك لا يحكم
ولكن احب اضيف كمان ان من لا يملك لا يتزوج من الاساس
نفسي نفسي بالله على كل شاب ان لما يلاقي نفسه كدة مش معاه يختصر الطريق هو واهله وما يظلموش بنات الناس الله يكرمك
انا مش بقول نتقل عليه ونقرفه في عيشته بالطلبات
ولكن لازم يبقى عنده الاسايات
والله يا مدام سحر مش عارفة اقول لحضرتك ايه
اصلي شفت المر من الموضوع دة من خلال وحدة غالية عليا قوي
هيا كانت صغيرة في السن (19 سنة)وهو (23) واتقدملها واهلها شافوه ذا خلق ودين
وكانت ظروفه على قدها
واهلها ساعدوه في كل حاجة تقريبا
ولما اتجوز اتجوز مع والدته لانه وحيد ووالد البنت وافق بر بوالدته
واتجوزوا
وبدأت سلسة القرف من الحماة(أمه) اللي كانت ولا تزال عاملة نفسها شيخة
وشايفة نفسها ما بتغلطش لدرجة انها قالت على نفسها ان فيه شيخ قالها لما راحت تشتكليه مرات ابنها انها ست مبرأة من كل خطأ، والشيطان ما يقدرش يدخلها
وحوارات كتيييييييييييير وكتييييييييييييييير، ولان لا يملك لايحكم
طردته امه حسبي الله ونعم الوكيل هيا ومراته وهي في الشهر السابع وكان حملها في منتهى الصعوبة
ووالدتها راحت جري تساعدها لاقت حماتها حسبي الله عليها الف مرة رامية عفشها ومرتبة سريرها على سلم البيت
والبنت ياعيني عليها لاحول ليها ولا قوة، وبس تكتم في نفسها ولا كانت تقول اي حاجة، لدرجة ان حماتها كانت بتخبي منها الاكل والشرب بالرغم انهم من فلوس جوزها.
ورمتهم برة، وقالتله خد شقة ايجار وانا اساعدك
شهر وخلاص
والشهر اللي نقلوا فيه دة ، تفاجأ ام البنت بعد فترة من الزمان بعد ولادتها، ان النقل خد كل مرتبه الشهر دة، عاشوةا الشهر دة ب 50 جنيه على الفول بمية الحنفية لان البوتاجاز ماكنش وصل
وهيا بنت ناس جدا والله واستحملت
والبيه جوزها قبل ما يترموا برة البيت كان هيموت على عربية
وماعهوش كما هيا العادة
الغبية باعت شبكتها عشانه
ويكون جزاءها انها يوم ولادتها
حماتها تحضر الولادة وامها سلمت عليها ببرود لسببين ، اولا لان بنتها بتولد وهتموت من القلق عليها، والتاني لان طبعا ما نسيتش هيا عملت ايه في بنتها
اتقمصت حماتها وعملت فيلم في العيادة
وخلت جوزها قلب علبها هيا واهلها كلهم
وبهدل امها واخوها واختها الكبيرة في بيتهم
وكان خلاص هيطلقها، والى يومنا هذا مش بيكلم اهلها وبيحرق في دمها باستمرار
نقول ايه وللا ايه
بالله عليكي يامدام سحر انت وكل واحدة تقرا كلامي دة تدعي معايا عليهم وعلى كل من شارك في ظلم الغبانة دي
حقيقي كل ما افكر في حكايتها دي ما اعرفش دة غلط مين، هل اهلها لانهم وافقوا، وللا لانهم تساهلوا، وللا ايه بالظبط؟؟؟؟؟؟؟؟؟
هو نصيب وقدر الله وماشاء فعل
بس برضو حسبي الله ونعم الوكيييييييييييل مليون مرة
وعلى فكرة البنت دي مش انا
انا عارفة ان كلامي كئيب بس والله الظلم صعب ودي حقيقة مع الاسف