اليوم الصبح بعد مابناتي راحوا المدرسه والشغاله اخليها تشتغل من لما يروحون البنات المهم ٲڼـṂễـٱ دخلت الغرفه اريح شوي لاني مانمت من ولدي وزوجي تأخر شوي المهم بعد تقريبا اكثر من ساعتين طلع زوجي عشان بيروح العمل الا شاف باب غرفة الشغاله مفتوح وهي منبطحه على ظهرها ونايمه وعارفه ان زوجي بيمر على غرفتها لانه في طريقه  زوجي استحى من هالمنظر وانقهر جا لي الغرفه يقولي روحي شوفي الشغاله كيف نايمه ومخليه الباب مفتوح بعد ،،رحت وعصبت عليها وقامت مثل الحصان ولما شافتني معصبه الا فوررراا سوت نفسها تعبانه والله بشكل مكشوف شغالتي من غبائها غالبا حتى كذبها يبان مررره وهي مو اول مره تسوي هالحركه سبق وسوتها من قبل لااااا وكانت بعد لابسه بنطلون وقميص وفاسخه حجابها ونايمه والباب مفتوح ،، انقهررررت مررره من حركتها ٲڼـṂễـٱ عارفه انها مو قصدها زوجيولا تناظره لكن حركتها غلللط وتقهههر مررره فوق هذا تركت شغلها ،،للعلم بان هي من اول ماجات لي وانا معااانيه من غبائها وحركاتها الغلط لكن اطول بالي طالما هي تتأسف وانا محتاااجه شغاله والحين مثل ماعارفين مافيه مثل قبل ،،
هذا تصرف صار قبل اول امس منها :
اول امس دخلت ٲڼـṂễـٱ غرفة الغسيل الا فيها فقط ملابسنا الوسخه في سله والنظيفه في سله الا لقيت لبس للشغاله معففن طبعا لانها وسخه ويالله تتسبح وتغير ملابسها غالبا بالهوشه معاها المهم لقيت حاطه لبس لها وسخ انقهرت الا تقول كانت مستعجله وبدلت في غرفة الغسيل تحت يعني وهي مافيها مفتاح والشغاله عندها غرفه فوق انقهرت وحاسه انها كذابه بعدين الا تقول نشرته في غرفة الغسيل هذا الا عليها وهذا الوسخ فسخته ورمته مع ملابسنا للعلم بان معلمتها ان ملابسها لحالها مو ويانا اصلا وهي لها غرفه كبييره وحمام وغرفة غسيل كبيييره هذا كله لها كأنها عايشه في شقه يعني غيرها يتمنى كذا ،،وتاركه مكانها وجايه عندنا مع ملابسنا !! ظلت تتأسف وتخربط علي ان عشان ينشف بسرعه ! هذا غير الا تكسره من اغراضنا ،،هي من اول ماجات كذا واكثر عمري ماشفت هالغباء ،،للعلم انها صار لها معانا 4سنوات ،،

اختي العزيزه
انتبهي من شغالتك والله الشغالات تسوي مصايب ادا كانت متعمده انها تنام بهذه الطريقه فالافضل لك خرجيها فوراً ولاتستني عليها لما تسوي لك مصيبه .
قبل سنوات اجت شغاله لبيت اهلي وكانت تتعمد تروح تكلم ابي وتمدح فيه وكانت حركاتها غريبه امي خافت وطلعتها فوراً الشغالات مامنهم الا المصايب .
قبل شهرين اجت شغاله بيت اهلي وهي اثيوبيه مسلمه ولبست ملابس نص كم واكتافها عريانه وصدرها مكشوف ولابسه بدون ملابس داخليه ( شبه عريانه ) رحت لها وقلت لها ايش اللي انتي لابساه ليش مش محتشمه لو يشوفك ابويا او واحد من اخواني والله حيطردوك على طول .
هذا حرام وعيب كيف تسمحي لنفسك تلبسي هده الملابس قالت انا نسيت البس الملابس الداخليه !!!! ههههههه كيف يعني .
قلت لها هذا بيت محترم ومانسمح بمثل هذا الكلام نزلت الطرحه وغطت صدرها واكتافها واليوم الثاني جات بملابس محتشمه .
حذريها ولو كررتها اطرديها وجيبي غيرها .
الله يجيرنا من شر وشرور الخادمات .

السلام عليكم :
أخيتي حفظكم المولى وهداكم
من رأي ان تتكلمي معها بوضوح وتفهميها مالها وما عليها وتبقي منتبه منها ومن شغلها والأفضل أت تقوم بلأشغال في غياب زوجك ويعد حضوره تنصرف لغرفتها أفضل وتقومي انت بخدمة زوجك واولاد لا تامنيها ولا تظلميها حاولي شد العصا من النصف وإذا لاحظت حركات أخرى من الأحسن أن تبحثي عن أخرى بشروط واضحة وكما قلت لكي دوما خلي وجودهم في غياب الزوج وعند حضوره ممنوع الظهور منعا باتا مهما كانت الظروف

أختي لست أدري إن كان رأيي يناسب ظروفك أم لا ... لكن اسمحي لي أن أقوله ... أختي أنا لا أؤيد وجود الشغالة في البيت من كثرة ما سمعت قصص مأساوية .. هل لكي ان تعيشي بدون شغالة ... لكن اذا الامر ضروري جدا ابحثي عن شغالة تخاف الله

تخلصي من هذه الشغالة وفورا وبدون نقاش