أولا السلام ورحمة الله وبركاته
انا بكتب قصتي واتمنى تدعولي وتنصحوني انا كان عمري خمسه وعشرين وتعرفون مجتمعنا تجاه بنت في هذا العمر ماتزوجت وكتب لي الله أن خطبني أخو صديقتي أهلي ارتاحو له وحبوه وانا كمان ارتحت له كان طيب وحنون معي في البدايه أجبرت أخبره قبل الزواج ان فيني حروق مشوهه بطني وفخوذي ما اعترض ابدا وقال هذا أمر الله وانا مو سطحي أفكر فهي الأمور تزوجنا عشت أحلى أيام عمري حببني فيه للجنون وانجبت ولد زي القمر لين هنا كويس ....

اكتشفت انه يحشش شفت شغلات وفكرت وصارحته واعترف فورا بدون تردد وقال ايه أحشش ومن زمان كثير لاكن اوعدك لو صبرتي أتركه بكيت دم حسيت حياتي انتهت انا أحبه انا مو بس أحبه والله بموت عليه هو كويس معاي احسه سندي اللي اغناني عن الناس برغم ضروفه الماديه الصعبه لاكن كريم وحبيب قلت يابنت اصبري وما مر إلا شهر حتى شميت فيه ريحه خايسه وسكتت تركته لين صحي وطلع الدوام ولميت اغراضي جاء ولقي اني جاهزه قال وين قلت طلقني وديني بيت أهلي قال ليش قلت انت تشرب .....مآ حاول يراوغ قال وبتتركيني قلت اكيد ترجاني وبكى وقال الله يخليك لاتروحين انا محتاجك انتي الوحيده بعد الله لاتروحين قلت انت هدمت حياتي قال وعد اصبري بس لاكن مآ صبرت تركت اغراضي عنده قلت وديني لأهلي أفكر ورحت لاكن ماعلمت أحد ما ابغاه يطيح ممن عيون أهلي وهو أغلى الناس في عيني وش اسوي دخيلكم ساعدوني

نصيحتي لك انك انت تنصحيه كم مرة وأكثر من مرة عشان ما تكوني تسرعتي وتندمي على اي شي تسويه أو اي قرار تتخذيه تجاهه وأهم من الخمر هل هو يصلي أم لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اذا كان يصلي اصبري عليه لأنها معصية ويمر الوقت مع الدعاء والإجتهاد يتركه

وربي يكون في عونك انا حااااسة بيك حبيبتي

شكرا يا اختي على ردك ونعم هو يصلي والله اني ماشفت فيه شي غلط إلا هذا الموضوع عشان كذا انا مشتته ومصدومه

هلا اختي
نعم عزيزتي يصلي الحمد لله وهو ملازم البيت معاي الحشيش يستخدمه في البيت مقفل على نفسه والخمر يقول من وين لوين اذا طلع مع عيال الحرام ولاكن انا قفلت باب الحوار بيننا ابي أفكر بدون ظغط منه لاكن أحس راح اموت لو تركته وفي نفس مو قادره أتقبل وضعه

السلام عليكم ورحمة الله وبركاته

عزيزتي
اول شئ زوجك يحبك وتحبينه ويهتم بك ويحن عليك رغم ابتلائه والذي لا انكر انه امر يدمي القلب
لكن وبالرغم فهو ولله الحمد ليس من النوع الذي يمارس علبك اي نوع من العذاب او ما يماثله
بل بالعكس
اذا نصيحتي لك عودتك لبيتك وكتمان الامر والحفاظ على مملكتك وبداية مشوارك معه في البحث عن حل يبعده عن هذا الهم
بالبحث عن اماكن مختصة تساعده على الشفاء
وملازمته حتى لا يعيد الكرة
وحاوريه بالحسنى على ان هذه الامور قد تفقده حياته الراهنة وتحولها الى جحيم لا يطاق
هذا طبعا مع استمرارك بالدعاء وطلب الهداية له من الله سبحانه وتعالى
توكلي على الله واحتسبي الامر إليه

Sent from my GT-I9300 using منتديات لكي mobile app

اعانك الله وفرج الله كربتك ...
ينقل لركن النافذة الاجتماعية .