اولا ياجميل عليكم بالاستخارة لهذا الامر

ثانيا :ممكن فعلا يكون محتاج ومضطر لذلك

انتى ممكن لو حد من اهلك او اهل زوجك قريب من شقتكم تخليه يجمع كل ما يتعلق بكم سواء ملابس او اشياء خاصة بالاسرة او اشياء ثمينة تحف او غيرها فى حجرة ويغلقها بالمفتاح والمفتاح يكون معاه

وبعدين تعالى نفكر سوا .. هو ممكن يعمل ايه فى الشقة ؟؟هيكسرها ؟هيبهدل العفش؟هيسرقها؟
شيلى الحاجات القيمة فى مكان واقفليه

اصل والله الواحد مش عارف بكره ممكن يحصل ايه ولا قدر الله ممكن يتحط فى نفس الموقف

وممكن تكلموا صاحب البيت وتقولوا انه صديق لينا وهيقعد فى الشقة لظروف بيمر فيها
ومن غير نقل ايجار ولا حاجة
صاحب البيت لازم يعرف علشان ما يفكرهوش حرامى ولا حاجة

انتى عارفة هنا فى الغربة الايجار غالى جدا ..بنعمل ايه؟
لو حد نازل بلده مثلا اجازة شهر او شهرين وكده كده هيدفع الايجار
بيأجر شقته لاى حد المدة دى وطبعا يكون مسلم

انا شخصيا عملت كده ..كنت نازلة بلدى اجازة وبدل ما ندفع الايجار الباهظ

كان فى شخص والله معرفة زوجى بيه سطحية جدا فقط معه فى الجامعة كانت والدته جاية زيارة شهر واحد

والفنادق هنا غالية جدا ..المهم أجرنا شقتنا ليه وطبعا ما دفعش كل المبلغ لا 3 ارباع الايجار

وجمعت كل ملابسنا وحاجاتنا الشخصية فى دولايب وقفلناه برباط والله مش مفتاح ولا حاجة وكتبنا عليه مغلق

وبقية الحاجات يستخدمها عادى التلفاز والكمبيوتر والانترنت كمان

ولما جينا الحمدلله لقينا الشقة زى الفل مش ناقصاها حاجة اللعم الا صينية تيفال كانت كبيرة اوى الحاجة افتكرتها الصاجة بتاعت الفرن واتبقعت شوية هههه

وبالعكس بقية السمن والسكر والحاجات الى كانوا جايبنها مرضيوش يخدوها

علشان كده بقولك هيعملوا ايه فى الشقة ؟؟

المسلم اخو المسلم يفرج كربه ويساعده ويقف بجواره فى ازماته

صلوا صلاة استخارة وشوفوا هتوصلوا لايه

وربنا يعينكم على قضاء حوائج الناس